ជាតិ
សង្គមជាតិ
អាជ្ញាធរអប្សរាទទួលវិញ្ញាបនប័ត្រគ្រប់គ្រងបរិស្ថានលើកទី៤ពីប្រទេសជប៉ុន
×![]()
ដោយ: សារព័ត៌មានថ្មីៗ
សៀមរាប៖ ស្ថាប័ន JQA ជាស្ថាប័នធានាគុណភាពរបស់ជប៉ុន បានប្រគល់វិញ្ញាបនប័ត្រ ISO 14001 ឲ្យស្ថាប័នអាជ្ញាធរអប្សរា ក្នុងការគ្រប់គ្រងបរិស្ថានក្នុងតំបន់រមណីយដ្ឋានអង្គរ។ 
នេះជាលើកទី៤ ហើយ បើរាប់ចាប់ពីអាជ្ញាធរអប្សរា បានចុះឈ្មោះ និងបំពេញលក្ខខណ្ឌក្នុងស្ថាប័ន JQA ក្នុងអំឡុងឆ្នាំ២០០៥ មក។ ក្នុងនោះ ស្ថាប័ន JQA បានចុះវាយតម្លៃ និងប្រគល់ជូនវិញ្ញាបនប័ត្រដល់អាជ្ញាធរអប្សរា លើកទី១ ក្នុងឆ្នាំ២០០៦-២០០៩ ទី២ ឆ្នាំ ២០០៩-២០១២ ទី៣ ឆ្នាំ២០១២-២០១៥ និងលើកទី៤ សម្រាប់ឆ្នាំ២០១៥-២០១៨ ។
យោងតាមសេចក្តីជូនដំណឹងរបស់អាជ្ញាធរអប្សរា ដែលចេញផ្សាយនៅថ្ងៃសុក្រទី២០ ខែមីនា ឆ្នាំ២០១៥ ផលប្រយោជន៍ជាច្រើន ដែលកម្ពុជាទទួលបានពីការទទួលវិញ្ញាបនប័ត្រ ISO 14001 ពីប្រទេសជប៉ុន ក្នុងនោះរួមមាន ការផ្តល់តម្លៃ លើកកម្ពស់រមណីយដ្ឋានអង្គរ ដែលជាសម្បត្តិបេតិកភណ្ឌពិភពលោក។ ការពារ និងគ្រប់គ្រងបរិស្ថាននៅតំបន់អង្គរ ឲ្យមានភាពស្រស់ស្អាត កាត់បន្ថយបរិមាណសំរាម រក្សាគុណភាពទឹក អាកាសធាតុ ទទួលបានការវាយតម្លៃខ្ពស់ពីឆាកអន្តរជាតិ ចំពោះការគ្រប់គ្រងរបស់អប្សរា លើការគ្រប់គ្រងបរិស្ថាន ដែលមានការកែលម្អជាប្រចាំ។ល។
គួរបញ្ជាក់ថា មុនពេលប្រគល់វិញ្ញាបនប័ត្រ ស្ថាប័ន JQA បានចុះធ្វើសវនកម្ម និងពិនិត្យស្ថានភាពជាក់ស្តែង។ ការប្រគល់វិញ្ញាបនប័ត្រលើកទី៤នេះ ធ្វើឡើងក្រោយពេលចុះធ្វើសវនកម្ម កាលពីចុងខែមករា ឆ្នាំ២០១៥កន្លងទៅ៕
នេះជាលើកទី៤ ហើយ បើរាប់ចាប់ពីអាជ្ញាធរអប្សរា បានចុះឈ្មោះ និងបំពេញលក្ខខណ្ឌក្នុងស្ថាប័ន JQA ក្នុងអំឡុងឆ្នាំ២០០៥ មក។ ក្នុងនោះ ស្ថាប័ន JQA បានចុះវាយតម្លៃ និងប្រគល់ជូនវិញ្ញាបនប័ត្រដល់អាជ្ញាធរអប្សរា លើកទី១ ក្នុងឆ្នាំ២០០៦-២០០៩ ទី២ ឆ្នាំ ២០០៩-២០១២ ទី៣ ឆ្នាំ២០១២-២០១៥ និងលើកទី៤ សម្រាប់ឆ្នាំ២០១៥-២០១៨ ។
យោងតាមសេចក្តីជូនដំណឹងរបស់អាជ្ញាធរអប្សរា ដែលចេញផ្សាយនៅថ្ងៃសុក្រទី២០ ខែមីនា ឆ្នាំ២០១៥ ផលប្រយោជន៍ជាច្រើន ដែលកម្ពុជាទទួលបានពីការទទួលវិញ្ញាបនប័ត្រ ISO 14001 ពីប្រទេសជប៉ុន ក្នុងនោះរួមមាន ការផ្តល់តម្លៃ លើកកម្ពស់រមណីយដ្ឋានអង្គរ ដែលជាសម្បត្តិបេតិកភណ្ឌពិភពលោក។ ការពារ និងគ្រប់គ្រងបរិស្ថាននៅតំបន់អង្គរ ឲ្យមានភាពស្រស់ស្អាត កាត់បន្ថយបរិមាណសំរាម រក្សាគុណភាពទឹក អាកាសធាតុ ទទួលបានការវាយតម្លៃខ្ពស់ពីឆាកអន្តរជាតិ ចំពោះការគ្រប់គ្រងរបស់អប្សរា លើការគ្រប់គ្រងបរិស្ថាន ដែលមានការកែលម្អជាប្រចាំ។ល។
គួរបញ្ជាក់ថា មុនពេលប្រគល់វិញ្ញាបនប័ត្រ ស្ថាប័ន JQA បានចុះធ្វើសវនកម្ម និងពិនិត្យស្ថានភាពជាក់ស្តែង។ ការប្រគល់វិញ្ញាបនប័ត្រលើកទី៤នេះ ធ្វើឡើងក្រោយពេលចុះធ្វើសវនកម្ម កាលពីចុងខែមករា ឆ្នាំ២០១៥កន្លងទៅ៕
© រក្សាសិទ្ធិដោយ thmeythmey.com
