ពីនេះ ពីនោះ
តើពាក្យ «របោយ, ល្បោយ» មួយណាត្រឹមត្រូវ?
×
មនុស្សភាគច្រើន សរសេរពាក្យនេះជា «ល្បោយ» មិនដែលសរសេរជា «របោយ» ទេ។ តាមពិតនៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត ពាក្យនេះត្រឹមត្រូវទាំងពីរ គឺអាចសរសេរជា «របោយ» ឬ «ល្បោយ» ក៏បានដែរ។ ពាក្យនេះមានន័យថា គ្រឿងអន្លក់ស្រស់ឆៅឬឆ្អិន សម្រាប់ប្រើបរិភោគផ្សំជាមួយនឹងអាហារឆ្អាប។ ឧទាហរណ៍៖ របោយនំបញ្ចុក។ មួយវិញទៀត មានន័យថា ដែលពីមុនមានច្រើន លុះតមកកាន់តែរលោះនៅមានបន្តិចបន្តួចរង្វើល។ ឧទាហរណ៍៖ ផ្លែស្វាយនៅមានរបោយ, មនុស្សមកកាន់តែល្បោយហើយ៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com