ជាតិ
សង្គមជាតិ
រូបថត៖ ដោយស្ថានទូតអាមេរិក
×![]()
សៀមរាប៖ នៅព្រឹកថ្ងៃសៅរ៍នេះ កងកម្លាំងចម្រុះរបស់ខេត្តសៀមរាប និងកងអង្គរក្សត្រូវពង្រាយនៅលើផ្លូវជាតិលេខ៦ ឆ្ពោះទៅវិទ្យាល័យហ៊ុន សែនបាគង ជាទីដែល ស្ត្រីទីមួយនៃសហរដ្ឋអាមេរិក លោកស្រី មីហ្សែល អូបាម៉ា (Michelle OBAMA) ត្រូវធ្វើទស្សនកិច្ចមុខដំបូងគេ។
នៅបរិវេណ និងនៅក្នុងវិទ្យាល័យ ហ៊ុន សែន បាគង សន្តិសុខក៏ត្រូវបានរឹតបន្តឹងយ៉ាងខ្លាំង។ លោកស្រី ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងរដ្ឋមន្ត្រីក្រសួងអប់រំ លោក ហង់ ជួន ណារ៉ុន នឹងអមដំណើរទស្សនកិច្ចលោកស្រី មីហ្សែល អូបាម៉ា នៅក្នុងវិទ្យាល័យនោះ។ នៅទីនោះ មានតែអ្នកកាសែតមួយចំនួនតូចប៉ុណ្ណោះដែលត្រូវបានអនុញ្ញាតឲ្យចូលយកព័ត៌មាន និងផ្តិតយករូបភាពសកម្មភាពរបស់ស្ត្រីទីមួយ។ លោកស្រីនឹងជួបជាមួយតំណាងសហគមន៍មូលដ្ឋាន និងអង្គការសង្គមស៊ីវិលដែលធ្វើការងារលើការជំរុញការអប់រំដល់សិស្សស្រី។
បន្ទាប់ពីទស្សនកិច្ចវិទ្យាល័យនោះហើយ លោកស្រីនឹងវិលត្រឡប់មកសណ្ឋាគារសូហ្វីតែលក្នុងក្រុងសៀមរាប ដើម្បីថ្លែងសុន្ទរកថាទៅកាន់ក្រុម Peace Corps ដែលជាក្រុមយុវជនស្ម័គ្រចិត្តរបស់អាមេរិកដែលធ្វើការងារមនុស្សធម៌ ពិសេសក្នុងវិស័យអប់រំនេះឯង។
នៅពេលរសៀល លោកស្រី Michelle OBAMA គ្រោងធ្វើទស្សនកិច្ចជាលក្ខណៈឯកជននៅប្រាសាទអង្គរវត្ត ឬអាចនៅប្រាសាទនានាផ្សេងទៀត។ នេះបើតាមការមន្ត្រីសន្តិសុខមួយចំនួនដែលនិយាយប្រាប់អ្នកកាសែត។ ប៉ុន្តែពួកគេបានអះអាង មិនមានអ្នកណាដឹងពេលវេលាជាក់លាក់នៃទស្សនកិច្ចរបស់លោកស្រីនៅតាមប្រាសាទនោះទេ។
មិនមានកម្មវិធីផ្សេងទៀត ដែលត្រូវគេទម្លាយឲ្យដឹងឡើយ ក្រៅពីកាលវិលត្រឡប់ចាកចេញពីទីក្រុងសៀមរាបវិញរបស់លោកស្រី Michelle OBAMA នៅព្រឹកម៉ោង១០ ថ្ងៃអាទិត្យនោះទេ។
សូមរម្លឹកថា ស្ត្រីទីមួយនៃសហរដ្ឋអាមេរិកដែលបានមកដល់ប្រទេសកម្ពុជា ក្នុងទឹកដីវប្បធម៌សៀមរាបនាយប់ថ្ងៃសុក្រម្សិលមិញ កំពុងបំពេញទស្សនកិច្ចជំរុញវិស័យអប់រំដល់ក្មេងស្រីនៅកម្ពុជា តាមរយៈការសម្ពោធន៍គំនិតផ្តួចផ្តើមជំរុញការ អប់រំរបស់យុវតី ដែលគោលនយោបាយរបស់លោកស្រី និងស្វាមីរបស់លោកស្រី ដែលជាប្រធានាធិបតីអាមេរិក បារ៉ាក់ អូបាម៉ា៕
នៅបរិវេណ និងនៅក្នុងវិទ្យាល័យ ហ៊ុន សែន បាគង សន្តិសុខក៏ត្រូវបានរឹតបន្តឹងយ៉ាងខ្លាំង។ លោកស្រី ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងរដ្ឋមន្ត្រីក្រសួងអប់រំ លោក ហង់ ជួន ណារ៉ុន នឹងអមដំណើរទស្សនកិច្ចលោកស្រី មីហ្សែល អូបាម៉ា នៅក្នុងវិទ្យាល័យនោះ។ នៅទីនោះ មានតែអ្នកកាសែតមួយចំនួនតូចប៉ុណ្ណោះដែលត្រូវបានអនុញ្ញាតឲ្យចូលយកព័ត៌មាន និងផ្តិតយករូបភាពសកម្មភាពរបស់ស្ត្រីទីមួយ។ លោកស្រីនឹងជួបជាមួយតំណាងសហគមន៍មូលដ្ឋាន និងអង្គការសង្គមស៊ីវិលដែលធ្វើការងារលើការជំរុញការអប់រំដល់សិស្សស្រី។
បន្ទាប់ពីទស្សនកិច្ចវិទ្យាល័យនោះហើយ លោកស្រីនឹងវិលត្រឡប់មកសណ្ឋាគារសូហ្វីតែលក្នុងក្រុងសៀមរាប ដើម្បីថ្លែងសុន្ទរកថាទៅកាន់ក្រុម Peace Corps ដែលជាក្រុមយុវជនស្ម័គ្រចិត្តរបស់អាមេរិកដែលធ្វើការងារមនុស្សធម៌ ពិសេសក្នុងវិស័យអប់រំនេះឯង។
នៅពេលរសៀល លោកស្រី Michelle OBAMA គ្រោងធ្វើទស្សនកិច្ចជាលក្ខណៈឯកជននៅប្រាសាទអង្គរវត្ត ឬអាចនៅប្រាសាទនានាផ្សេងទៀត។ នេះបើតាមការមន្ត្រីសន្តិសុខមួយចំនួនដែលនិយាយប្រាប់អ្នកកាសែត។ ប៉ុន្តែពួកគេបានអះអាង មិនមានអ្នកណាដឹងពេលវេលាជាក់លាក់នៃទស្សនកិច្ចរបស់លោកស្រីនៅតាមប្រាសាទនោះទេ។
មិនមានកម្មវិធីផ្សេងទៀត ដែលត្រូវគេទម្លាយឲ្យដឹងឡើយ ក្រៅពីកាលវិលត្រឡប់ចាកចេញពីទីក្រុងសៀមរាបវិញរបស់លោកស្រី Michelle OBAMA នៅព្រឹកម៉ោង១០ ថ្ងៃអាទិត្យនោះទេ។
សូមរម្លឹកថា ស្ត្រីទីមួយនៃសហរដ្ឋអាមេរិកដែលបានមកដល់ប្រទេសកម្ពុជា ក្នុងទឹកដីវប្បធម៌សៀមរាបនាយប់ថ្ងៃសុក្រម្សិលមិញ កំពុងបំពេញទស្សនកិច្ចជំរុញវិស័យអប់រំដល់ក្មេងស្រីនៅកម្ពុជា តាមរយៈការសម្ពោធន៍គំនិតផ្តួចផ្តើមជំរុញការ អប់រំរបស់យុវតី ដែលគោលនយោបាយរបស់លោកស្រី និងស្វាមីរបស់លោកស្រី ដែលជាប្រធានាធិបតីអាមេរិក បារ៉ាក់ អូបាម៉ា៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
23 ម៉ោង
