ជាតិ
នយោបាយជាតិ
លោកស្រី Michelle OBAMA ចង់ឃើញស្ត្រីក្នុងពិភពលោកមានសំឡេងក្នុងប្រទេសរបស់ពួកគេ
រូបថត៖ ដោយថ្មីៗ
×![]()
សៀមរាប៖ «សាររបស់ខ្ញុំ ទៅកាន់នារីវ័យក្មេងទាំងអស់នៅទីនេះ គឺថា គម្រោង Let Girls Learn មានបំណងផ្តល់ឲ្យកុមារីដូចអ្នកនូវសំឡេងមួយនៅក្នុងសហគមន៍និងប្រទេសរបស់អ្នក»។ លោកស្រី Michelle OBAMA កំពុងនិយាយទៅកាន់កុមារីជំទង់ជាសិស្សសាលា និងស្ត្រីខ្មែរជាច្រើនទៀតដែលជាអ្នកស្ម័គ្រចិត្ត និងជាដៃគូចូលរួមធ្វើការងារជាមួយក្រុម Peace Corps អាមេរិក ដែលកំពុងស្ថិតនៅក្នុងបន្ទប់ប្រជុំនៃសណ្ឋាគារសូហ្វីតែល ខេត្តសៀមរាប។
ស្ត្រីទីមួយនៃសហរដ្ឋអាមេរិកកំពុងតែផ្តល់ដំបូន្មាន និងអនុសាសន៍ឲ្យក្រុមភ្នាក់ងារ Peace Corps ខិតខំជួយកុមារីខ្មែរនៅក្នុងភូមិ និងរៀនសូត្រពីជីវិតនៅក្នុងសហគមន៍កម្ពុជា។ ប៉ុន្តែទន្ទឹមគ្នានេះ លោកស្រី Michelle OBAMA ក៏កំពុងពន្យល់នារីកម្ពុជាអំពីគោលបំណងនៃគំនិតផ្តួចផ្តើម ឲ្យកុមារីបានរៀនសូត្រនេះ ដែរ។
ពីលើវេទិកាដែលមានស្លាកសញ្ញា Peace Corps នឹងអមជុំវិញដោយទង់ជាតិអាមេរិកនិងទង់ជាតិកម្ពុជានោះ លោកស្រី អូបាម៉ា បានថ្លែងយ៉ាងដូច្នេះ៖«លោកអ្នកបានឃើញហើយថា នៅពេលកុមារីទទួលបានការសិក្សា នៅពេលគេរៀនអាន សរសេរ និងគិត វាបានផ្តល់ឲ្យពួកគេនូវមធ្យោបាយក្នុងការឡើងនិយាយអំពីភាពអយុត្តិធម៌ ហើយទាមទារលក្ខណៈស្មើភាពគ្នា។ វាជួយឲ្យពួកគេបានចូលរួមក្នុងជីវិតនយោបាយនៃប្រទេសរបស់ពួកគេ ចាប់ឲ្យមេដឹកនាំរបស់ពួកគេទទួលខុសត្រូវ ហើយអំពាវនាវឲ្យមានការផ្លាស់ប្តូរទៀតផង នៅពេលពួកគេមិនទាន់ទទួលបានអ្វីដែលជាតម្រូវការរបស់ពួកគេនោះ»។
ការទាមទារអោយមានគោលនយោបាយយកចិត្តទុកដាក់លើកុមារី វាជារឿងចាំបាច់មួយមែន ប៉ុន្តែស្ត្រីទីមួយដែលមានស្វាមីជាប្រធានាធិបតីក៏យល់អំពីទុក្ខលំបាករបស់រដ្ឋាភិបាលមួយដែរ។ «វាមិនមែនចេះតែស្រួលទេសម្រាប់រដ្ឋាភិបាលក្នុងការបំពេញសេចក្តីត្រូវការរបស់ប្រជាជនទាំងអស់របស់ខ្លួននោះ។ ស្វាមីខ្ញុំពិតជាបានទទួលរងការិះគន់ និងការមិនយល់ស្រប។ តែយើងមិនអាចមានផ្លូវណាផ្សេងទៀតទេ ពីព្រោះសំឡេង និងមតិប្រជាជនរបស់យើង ទាំងបុរស ទាំងស្ត្រី មកពីគ្រប់ស្រទាប់វណ្ណៈទាំងអស់។ នោះគឺជាអ្វីដែលធ្វើឲ្យប្រទេសរបស់យើងមានភាពរឹងមាំល្អ»។ នេះជាការអត្ថាធិប្បាយរបស់លោកស្រី អូបាម៉ា៕
ស្ត្រីទីមួយនៃសហរដ្ឋអាមេរិកកំពុងតែផ្តល់ដំបូន្មាន និងអនុសាសន៍ឲ្យក្រុមភ្នាក់ងារ Peace Corps ខិតខំជួយកុមារីខ្មែរនៅក្នុងភូមិ និងរៀនសូត្រពីជីវិតនៅក្នុងសហគមន៍កម្ពុជា។ ប៉ុន្តែទន្ទឹមគ្នានេះ លោកស្រី Michelle OBAMA ក៏កំពុងពន្យល់នារីកម្ពុជាអំពីគោលបំណងនៃគំនិតផ្តួចផ្តើម ឲ្យកុមារីបានរៀនសូត្រនេះ ដែរ។
ពីលើវេទិកាដែលមានស្លាកសញ្ញា Peace Corps នឹងអមជុំវិញដោយទង់ជាតិអាមេរិកនិងទង់ជាតិកម្ពុជានោះ លោកស្រី អូបាម៉ា បានថ្លែងយ៉ាងដូច្នេះ៖«លោកអ្នកបានឃើញហើយថា នៅពេលកុមារីទទួលបានការសិក្សា នៅពេលគេរៀនអាន សរសេរ និងគិត វាបានផ្តល់ឲ្យពួកគេនូវមធ្យោបាយក្នុងការឡើងនិយាយអំពីភាពអយុត្តិធម៌ ហើយទាមទារលក្ខណៈស្មើភាពគ្នា។ វាជួយឲ្យពួកគេបានចូលរួមក្នុងជីវិតនយោបាយនៃប្រទេសរបស់ពួកគេ ចាប់ឲ្យមេដឹកនាំរបស់ពួកគេទទួលខុសត្រូវ ហើយអំពាវនាវឲ្យមានការផ្លាស់ប្តូរទៀតផង នៅពេលពួកគេមិនទាន់ទទួលបានអ្វីដែលជាតម្រូវការរបស់ពួកគេនោះ»។
ការទាមទារអោយមានគោលនយោបាយយកចិត្តទុកដាក់លើកុមារី វាជារឿងចាំបាច់មួយមែន ប៉ុន្តែស្ត្រីទីមួយដែលមានស្វាមីជាប្រធានាធិបតីក៏យល់អំពីទុក្ខលំបាករបស់រដ្ឋាភិបាលមួយដែរ។ «វាមិនមែនចេះតែស្រួលទេសម្រាប់រដ្ឋាភិបាលក្នុងការបំពេញសេចក្តីត្រូវការរបស់ប្រជាជនទាំងអស់របស់ខ្លួននោះ។ ស្វាមីខ្ញុំពិតជាបានទទួលរងការិះគន់ និងការមិនយល់ស្រប។ តែយើងមិនអាចមានផ្លូវណាផ្សេងទៀតទេ ពីព្រោះសំឡេង និងមតិប្រជាជនរបស់យើង ទាំងបុរស ទាំងស្ត្រី មកពីគ្រប់ស្រទាប់វណ្ណៈទាំងអស់។ នោះគឺជាអ្វីដែលធ្វើឲ្យប្រទេសរបស់យើងមានភាពរឹងមាំល្អ»។ នេះជាការអត្ថាធិប្បាយរបស់លោកស្រី អូបាម៉ា៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
15 ម៉ោង
