អន្តរជាតិ
នយោបាយអន្តរជាតិ
លោកប្រាយុទ្ធព្រមានកាត់ទោសអ្នកកាសែតដែលបំបែកបាក់ជាតិ
×
លោកនាយករដ្ឋមន្ត្រីប្រាយុទ្ធអូចាទទូចអោយប្រពន្ធ័ផ្សព្វផ្សាយសហការជាមួយរាជរដ្ឋាភិបាលដោយផ្តល់ពត៌មានពិតប្រាកដនៅក្នុងដំណាក់កាលនៃការផ្សះផ្សាជាតិនិងបានព្រមានចាត់វិធានការតឹងរឺងទៅលើក្រុមអ្នកសារព័ត៌មានទាំងឡាយណាដែលផ្តល់ព័ត៌មានដែលបំបែកបាក់ជាតិ។
កាលពីថ្ងៃម្សិលមិញនេះលោកនាយករដ្ឋមន្ត្រីរដ្ឋប្រហារយោធាប្រាយុទ្ធ ចាន់អូចាបានព្រមានក្រុមអ្នកសារព័ត៌មានថាពួកគេត្រូវប្រឈមមុខនឹងការកាត់ទោស ប្រសិនបើផ្តល់ពត៌មានណាមួយដែលជំរុញការបែកបាក់ប្រជាជាតិថៃ។សេចក្តីថ្លែងការណ៍នេះធ្វើឡើងនៅសន្និសីទសារព័ត៌មានមួយនៅក្នុងបន្ទាយលកងទ័ពអាកាសមុនពេលដែលលោកនាយករដ្ឋមន្ត្រីចាករចេញទៅកាន់ប្រទេសប្រ៊ុយណេ។
ដោយសារមានមតិរិះគន់ជាច្រើនជុំវិញការបង្កើតក្បាលម៉ាស៊ីនរាជរដ្ឋាភិបាលថ្មីក្រោយរដ្ឋប្រហារយោធាកាលពីឆ្នាំ២០១៤លោកនាយរដ្ឋមន្ត្រីប្រាយុទ្ធចាន់អូចាបាន ផ្តល់បទសម្ភាសន៍ជាមួយក្រុមអ្នកសារពត៌មានដើម្បីឆ្លើយបំភ្លឺនឹងការចោទប្រកាន់នានា។
ជាមួយគ្នានោះលោកនាយករដ្ឋមន្ត្រីប្រាយុទ្ធបានបញ្ជាក់ថារាល់ភា្នក់ងារប្រពន្ធ័ផ្សព្វផ្សាយទាំងឡាយណា ដែលធ្វើអោយមានការបែកបាក់ជាតិ ត្រូវតែដោះស្រាយជាមួយនឹងសមាគមអ្នកកាសែត ដែលទទួលបន្ទុកកិច្ចការទាំងនោះតាមរយៈការបើកការស៊ើបអង្កេត ឲ្យបានច្បាស់លាស់។ ក៏ប៉ុន្តែ ប្រសិនបើសមាគម មិនអាចធ្វើអ្វីបាននោះទេ លោកនឹងផ្តល់សិទ្ធិឲក្រុមប្រឹក្សាជាតិ ដើម្បីសន្តិភាព និង សណ្តាប់ធ្នាប់ ដើម្បីស៊ើបអង្កេត ថាតើភ្នាក់ងារទាំងនេះបានធ្វើរឿងអាក្រក់ប៉ុណ្ណានោះ។ ដោយឡែក លោកបានថ្លែងថា ៖ «ខ្ញុំមិននប្រកាន់នោះទេ ប្រសិនបើអ្នកធ្វើការរិះគន់ជាលក្ខណៈទូទៅនោះ។ ខ្ញុំអាចទទួលបាននូវការរិះគន់ ដែលមានលក្ខណៈតូចតាច។ ត ប្រសិនបើអ្នក ចោទប្រកាន់ថាខ្ញុំជាអ្នកបុគ្គលបរាជ័យ ជារៀងរាល់ថ្ងៃនោះ វាមិនអាចទៅរួចនោះទេ ព្រោះស្ថានភាពថៃពីមុនអាក្រក់ជាងពេលបច្ចុប្បន្នទៅទៀត»អ្វីដែលគួរកត់សម្គាល់នោះលោកបានព្រមានដល់អ្នកសារព័ត៌មានថា សូមកុំបញ្ឆេះកំហឹងដែលជំរុញឲ្យលោកធ្វើសង្គ្រាមជាមួយជានឹងប្រពន្ធ័ផ្សព្វផ្សាយអី។ក៏ប៉ុន្តែប្រសិនបើសកម្មភាពរិះគន់និងការផ្តល់ពត៌មានមិនពិតនៅតែបន្តដែលធ្វើឲ្យប៉ះពាល់ដល់ដំណាក់កាលនៃការផ្សះផ្សាជាតិនោះអ្នកសារព័ត៌មានឬប្រពន្ធ័ផ្សះផ្សាយត្រូវប្រឈមមុខនឹងការកាត់ទោសជាក់ជាមិនខាន។
គួររម្លឹកផងដែរក្រោយពីមានរដ្ឋប្រហារថ្ងៃទី២២ខែឧសភាឆ្នាំ២០១៤មកលោកប្រាយុទ្ធចាន់អូចាបានសន្យាថានឹងធ្វើការផ្សះផ្សារជាតិឡើងវិញ ជាពិសេសនោះនឹងនាំនូវលទ្ធិប្រជាធិបតេយ្យត្រលប់មកប្រទេសថៃវិញ។យ៉ាងណាមិញបើក្រឡេកមើលការអនុវត្តន៍របស់រាជរដ្ឋាភិបាលថៃជាក់ស្តែងមិនបានឆ្លុះបញ្ចាំងដូចដែលលោកបានសន្យានោះទេពោលគឺក្នុងរយៈពេលចុងក្រោយនេះអ្នកនយោបាយអ្នកសារព័ត៌មាននិងក្រុមនិស្សិតត្រូវបានចាប់ខ្លួនជាបន្តបន្ទាប់ដោយសារតែពួកគេប្រឆាំងទៅនឹងរបបដឹកនាំយោធា៕
© រក្សាសិទ្ធិដោយ thmeythmey.com