ពីនេះ ពីនោះ
តើពាក្យ «ប្រមាទ, ប្រមាថ»ប្រើខុសគ្នាដូចម្តេច?
×
មនុស្សភាគច្រើន មិនដែលដឹងថាពាក្យពីរនេះប្រើខុសគ្នា និងមានអត្ថន័យខុសគ្នាយ៉ាងដូចម្តេចនោះទេ។ នៅក្នុងវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ពីអត្ថន័យខុសគ្នាយ៉ាងដូច្នេះថា៖
ទី១ ពាក្យ «ប្រមាទ» ជានាម មានន័យថា ការភ្លេចស្មារតី, ធ្វេសស្មារតី, សេចក្តីប្រហែស, ការប្រហែសធ្វេស។ ឧទាហរណ៍៖ ជនណាប្រមាទ ជននោះទុកដូចជាបុគ្គលស្លាប់ គឺស្លាប់ប្រយោជន៍ក្នុងលោកនេះនឹងក្នុងបរលោក។
ទី២ ពាក្យ «ប្រមាថ» ជានាម មានន័យថា ការបៀតបៀនគេ, ការញាំញីគេ, ការធ្វើទុក្ខបុកម្នេញឲ្យគេលំបាក, ការមើលងាយគេ។ ឧទាហរណ៍៖ មនុស្សប្រមាថសត្វ គឺមនុស្សបៀតបៀនសត្វ, មនុស្សប្រមាថចាស់ គឺមនុស្សមើលងាយចាស់។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com