ជាតិ
សង្គមជាតិ
×![]()
ដោយ: ថ្មីៗ
មនុស្សមួយចំនួនមិនសូវចង់ស្តាប់ ចង់និយាយឡើយពីរឿងរ៉ាវនយោបាយ។ អ្នកខ្លះលើកឡើងថា អ្នកដែលយកខ្លួនទៅបៀតនយោបាយ ឬនិយាយរឿងនយោបាយ ជាមនុស្សមិនសូវល្អនោះទេ ដោយពួកគេយល់ឃើញថា អ្នកត្រឹមត្រូវមិនគួរយកខ្លួនទៅប្រឡាក់ប្រឡូសជាមួយនយោបាយឡើយ។ នាពេលបច្ចុប្បន្ននេះ មានពលរដ្ឋខ្លះ មិនចង់ឃើញនិស្សិតយកនយោបាយទៅនិយាយក្នុងសាលារៀននោះទេ ព្រោះគេយល់ថា វាជាការមិនត្រឹមត្រូវឡើយ។ 
«នយោបាយគឺជានយោបោក» ។ នេះគឺជាពាក្យដែលប្រជាពលរដ្ឋខ្មែរមួយចំនួន តែងតែនិយាយចំអកឲ្យអ្នកធ្វើនយោបាយ ឬអ្នកដែលចង់ប្រឡូកក្នុងនយោបាយ។នាពេលកន្លងមក ពលរដ្ឋខ្លះមានទាំងកសិករ និងអ្នកភ្នំពេញផង ក៏មិនចូលចិត្តនោះទេ អ្នកដែលនិយាយពីបញ្ហានយោបាយ មិនថា នៅផ្ទះ នៅកន្លែងធ្វើការឬនៅសាលារៀនឡើយ។ ការណ៍នេះ បានធ្វើឲ្យមានការលើកឡើងថា នៅផ្ទះ កន្លែងធ្វើការ មិនឲ្យនិយាយពីរឿងវាគ្មានអ្វីចម្លែកប៉ុន្មានទេ តែសូម្បីតែនៅក្នុងទីកន្លែងសិក្សា មិនឲ្យជជែកគ្នាពីរឿងនេះទៀតនោះ វាជារឿងចម្លែកខ្លាំងណាស់។
តើគ្រាន់តែនិយាយរឿងនយោបាយក្នុងសាលាខុសដែរឬទេ បានជាចាំបាច់ត្រូវហាមឃាត់ ឬមិនហ៊ាននិយាយនោះ?
អង្គុយនៅលើកៅអីជាមួយនឹងមិត្តរួមថ្នាក់ ជជែកគ្នាតិចៗពីបញ្ហាស្រុកទេស ក្នុងបរិវេណសាកលវិទ្យាល័យភូមិន្ទនីតិសាស្ត្រនិងវិទ្យសាស្ត្រសេដ្ឋកិច្ច យុវជន រតនា ជានិស្សិតឆ្នាំទី ៣ ផ្នែកច្បាប់នៃសកលវិទ្យាល័យនេះ បាននិយាយថា ការជជែកគ្នាអំពីបញ្ហានយោបាយនៅក្នុងសាលារៀន ឬនៅក្នុងថ្នាក់រៀនដែលលោកគ្រូបង្រៀនមេរៀនទាក់ទងនឹងនយោបាយ គឺជាការល្អត្រឹមត្រូវនិងមិនអាចខ្វះបាននោះទេ ពីព្រោះថា សាលារៀនគឺជាកន្លែងបណ្តុះបណ្តាល និងហ្វឹកហាត់មនុស្សឲ្យចេះគិតគូពីដំណើរការវិវត្តរបស់ប្រទេសជាតិ ឬស្ថានការណ៍នយោបាយ។ រតនា បានបញ្ជាក់ថា ខ្លួនចូលចិត្តតាមដានបញ្ហានយោបាយ និងប្រមូលមិត្តភក្តិជជែកគ្នាលេងអំពីអ្នកនយោបាយស្រុកខ្មែរផងដែរ។ តែយុវជនរូបនេះ បន្ថែមថា ថ្វីត្បិតតែខ្លួននិងមិត្តរួមថ្នាក់មួយចំនួនទៀតចូលចិត្តនិយាយពីរឿងនយោបាយពិតមែន តែមិនហ៊ាននិយាយដោយបើកចំហរនោះទេ គឺបានតែនិយាយស្ងាត់ៗជាមួយមិត្តជិតដិតប៉ុណ្ណោះ ពីព្រោះថា រឿងនយោបាយគេមិនសូវចង់ស្តាប់ និងមិនចង់ឮនិស្សិតនិយាយប៉ុន្មានទេ។
«តាមពិតទៅចំពោះខ្ញុំគិតថា និយាយរឿងនយោបាយក្នុងសាលាគឺជាការត្រឹមត្រូវបំផុត» ។ នេះជាការលើកឡើងរបស់និស្សិតឆ្នាំទី ៤ ផ្នែកទំនាក់ទំនងអន្តរជាតិ នៅសកលវិទ្យាល័យឯកជនមួយនៅភ្នំពេញ គឺយុវជន រស្មី។ រស្មី បាននិយាយដោយសូមមិនបញ្ចេញឈ្មោះសាលារបស់ខ្លួនថា ខ្លួនសប្បាយចិត្តណាស់នៅពេលដែលមានមិត្តរួមថ្នាក់ ឬលោកសាស្ត្រាចារ្យបង្រៀន ហើយប្រៀបធៀប ឬលោកឧទាហរណ៍រឿងនយោបាយមកនិយាយនៅក្នុងសាលា ។ រស្មីបន្តថា សាលារបស់គេ មានការរឹតបន្តឹងមិនឲ្យនិស្សិត ឬសាស្ត្រាចារ្យនិយាយនោះទេ ចំពោះរឿងរ៉ាវនយោបាយ ឬរិះគន់រដ្ឋាភិបាល។ តែសាលាហាក់អនុញ្ញាតឲ្យនិស្សិតនិយាយរឿងនយោបាយបាន បើនិយាយសរសើរការដឹកនាំរបស់រដ្ឋាភិបាល មិនរិះគន់រដ្ឋាភិបាលនោះ។
ចំណែក ចន្ថា ជានិស្សិតឆ្នាំទី ២ ផ្នែកសេដ្ឋកិច្ចក្នុងសកលវិទ្យាល័យមួយនៅភ្នំពេញ បានយល់ឃើញផ្ទុយពីការលើកឡើងខាងលើថា នៅក្នុងសាលារៀនគេមិនគួរនាំគ្នានិយាយពីររឿងនយោបាយនោះទេ ពីព្រោះវាធ្វើឲ្យមានការប្រកាន់បក្សពួក និងអាចប៉ះពាល់ដល់ការសិក្សាទៀតផង ។ ចន្ថា បន្តថា ខ្លួនមិនពេញចិត្តនឹងអ្នកណាដែលយកនយោបាយមកនិយាយក្នុងសាលារៀននោះទេ។
ជុំវិញបញ្ហានេះ អ្នកតាមដានស្ថានការណ៍សង្គមកម្ពុជា បានមើលឃើញថា រឿងនយោបាយគឺជារឿងរបស់ប្រជាពលរដ្ឋគ្រប់គ្នា ជាពិសេសគឺយុវជន និស្សិតបញ្ញវន្តតែម្តង ដែលត្រូវតែតាមដានឲ្យបានដិតដល់។ ម្យ៉ាងទៀតការចេះលើកយកពីបញ្ហានយោបាយមកជជែកគ្នានៅក្នុងថា្នក់ ឬសាលារៀននោះ គឺជាការប្រសើរខ្លាំងណាស់សម្រាប់និស្សិតដែលកំពុងសិក្សា ដើម្បីបង្កើតចំណេះដឹង និងការចេះគិតគូរពីបញ្ហាប្រទេសជាតិ ពីព្រោះថា នយោបាយ គឺជារឿងដ៏មានសារសំខាន់ខ្លាំងណាស់ សម្រាប់ប្រទេសជាតិនីមួយៗ ហើយក៏ទាមទារឲ្យយុវជន និស្សិត បញ្ញវន្ត ចូលរួមយ៉ាងសកម្មផងដែរ។
នៅក្នុងប្រទេសមួយ ប្រសិនណាបើនយោបាយជាប់គាំង មិនដំណើរការហើយនោះ គេកុំបាច់និយាយដល់ការអភិវឌ្ឍនោះទេ ពោលគឺវិស័យផ្សេងៗទៀត ដូចជាសេដ្ឋកិច្ចជាដើមមិនអាចរីកចម្រើនបានឡើយ ហើយប្រជាជន និងរដ្ឋាភិបាល នឹងធ្លាក់ដុនដាបជាក់ជាមិនខាន ។ ម្លោះហើយតើគេគួរស្អប់នយោបាយ គួរឈប់និយាយពីរឿងនយោបាយ ជាជម្រើសត្រឹមត្រូវឬ?
«នយោបាយគឺជានយោបោក» ។ នេះគឺជាពាក្យដែលប្រជាពលរដ្ឋខ្មែរមួយចំនួន តែងតែនិយាយចំអកឲ្យអ្នកធ្វើនយោបាយ ឬអ្នកដែលចង់ប្រឡូកក្នុងនយោបាយ។នាពេលកន្លងមក ពលរដ្ឋខ្លះមានទាំងកសិករ និងអ្នកភ្នំពេញផង ក៏មិនចូលចិត្តនោះទេ អ្នកដែលនិយាយពីបញ្ហានយោបាយ មិនថា នៅផ្ទះ នៅកន្លែងធ្វើការឬនៅសាលារៀនឡើយ។ ការណ៍នេះ បានធ្វើឲ្យមានការលើកឡើងថា នៅផ្ទះ កន្លែងធ្វើការ មិនឲ្យនិយាយពីរឿងវាគ្មានអ្វីចម្លែកប៉ុន្មានទេ តែសូម្បីតែនៅក្នុងទីកន្លែងសិក្សា មិនឲ្យជជែកគ្នាពីរឿងនេះទៀតនោះ វាជារឿងចម្លែកខ្លាំងណាស់។
តើគ្រាន់តែនិយាយរឿងនយោបាយក្នុងសាលាខុសដែរឬទេ បានជាចាំបាច់ត្រូវហាមឃាត់ ឬមិនហ៊ាននិយាយនោះ?
អង្គុយនៅលើកៅអីជាមួយនឹងមិត្តរួមថ្នាក់ ជជែកគ្នាតិចៗពីបញ្ហាស្រុកទេស ក្នុងបរិវេណសាកលវិទ្យាល័យភូមិន្ទនីតិសាស្ត្រនិងវិទ្យសាស្ត្រសេដ្ឋកិច្ច យុវជន រតនា ជានិស្សិតឆ្នាំទី ៣ ផ្នែកច្បាប់នៃសកលវិទ្យាល័យនេះ បាននិយាយថា ការជជែកគ្នាអំពីបញ្ហានយោបាយនៅក្នុងសាលារៀន ឬនៅក្នុងថ្នាក់រៀនដែលលោកគ្រូបង្រៀនមេរៀនទាក់ទងនឹងនយោបាយ គឺជាការល្អត្រឹមត្រូវនិងមិនអាចខ្វះបាននោះទេ ពីព្រោះថា សាលារៀនគឺជាកន្លែងបណ្តុះបណ្តាល និងហ្វឹកហាត់មនុស្សឲ្យចេះគិតគូពីដំណើរការវិវត្តរបស់ប្រទេសជាតិ ឬស្ថានការណ៍នយោបាយ។ រតនា បានបញ្ជាក់ថា ខ្លួនចូលចិត្តតាមដានបញ្ហានយោបាយ និងប្រមូលមិត្តភក្តិជជែកគ្នាលេងអំពីអ្នកនយោបាយស្រុកខ្មែរផងដែរ។ តែយុវជនរូបនេះ បន្ថែមថា ថ្វីត្បិតតែខ្លួននិងមិត្តរួមថ្នាក់មួយចំនួនទៀតចូលចិត្តនិយាយពីរឿងនយោបាយពិតមែន តែមិនហ៊ាននិយាយដោយបើកចំហរនោះទេ គឺបានតែនិយាយស្ងាត់ៗជាមួយមិត្តជិតដិតប៉ុណ្ណោះ ពីព្រោះថា រឿងនយោបាយគេមិនសូវចង់ស្តាប់ និងមិនចង់ឮនិស្សិតនិយាយប៉ុន្មានទេ។
«តាមពិតទៅចំពោះខ្ញុំគិតថា និយាយរឿងនយោបាយក្នុងសាលាគឺជាការត្រឹមត្រូវបំផុត» ។ នេះជាការលើកឡើងរបស់និស្សិតឆ្នាំទី ៤ ផ្នែកទំនាក់ទំនងអន្តរជាតិ នៅសកលវិទ្យាល័យឯកជនមួយនៅភ្នំពេញ គឺយុវជន រស្មី។ រស្មី បាននិយាយដោយសូមមិនបញ្ចេញឈ្មោះសាលារបស់ខ្លួនថា ខ្លួនសប្បាយចិត្តណាស់នៅពេលដែលមានមិត្តរួមថ្នាក់ ឬលោកសាស្ត្រាចារ្យបង្រៀន ហើយប្រៀបធៀប ឬលោកឧទាហរណ៍រឿងនយោបាយមកនិយាយនៅក្នុងសាលា ។ រស្មីបន្តថា សាលារបស់គេ មានការរឹតបន្តឹងមិនឲ្យនិស្សិត ឬសាស្ត្រាចារ្យនិយាយនោះទេ ចំពោះរឿងរ៉ាវនយោបាយ ឬរិះគន់រដ្ឋាភិបាល។ តែសាលាហាក់អនុញ្ញាតឲ្យនិស្សិតនិយាយរឿងនយោបាយបាន បើនិយាយសរសើរការដឹកនាំរបស់រដ្ឋាភិបាល មិនរិះគន់រដ្ឋាភិបាលនោះ។
ចំណែក ចន្ថា ជានិស្សិតឆ្នាំទី ២ ផ្នែកសេដ្ឋកិច្ចក្នុងសកលវិទ្យាល័យមួយនៅភ្នំពេញ បានយល់ឃើញផ្ទុយពីការលើកឡើងខាងលើថា នៅក្នុងសាលារៀនគេមិនគួរនាំគ្នានិយាយពីររឿងនយោបាយនោះទេ ពីព្រោះវាធ្វើឲ្យមានការប្រកាន់បក្សពួក និងអាចប៉ះពាល់ដល់ការសិក្សាទៀតផង ។ ចន្ថា បន្តថា ខ្លួនមិនពេញចិត្តនឹងអ្នកណាដែលយកនយោបាយមកនិយាយក្នុងសាលារៀននោះទេ។
ជុំវិញបញ្ហានេះ អ្នកតាមដានស្ថានការណ៍សង្គមកម្ពុជា បានមើលឃើញថា រឿងនយោបាយគឺជារឿងរបស់ប្រជាពលរដ្ឋគ្រប់គ្នា ជាពិសេសគឺយុវជន និស្សិតបញ្ញវន្តតែម្តង ដែលត្រូវតែតាមដានឲ្យបានដិតដល់។ ម្យ៉ាងទៀតការចេះលើកយកពីបញ្ហានយោបាយមកជជែកគ្នានៅក្នុងថា្នក់ ឬសាលារៀននោះ គឺជាការប្រសើរខ្លាំងណាស់សម្រាប់និស្សិតដែលកំពុងសិក្សា ដើម្បីបង្កើតចំណេះដឹង និងការចេះគិតគូរពីបញ្ហាប្រទេសជាតិ ពីព្រោះថា នយោបាយ គឺជារឿងដ៏មានសារសំខាន់ខ្លាំងណាស់ សម្រាប់ប្រទេសជាតិនីមួយៗ ហើយក៏ទាមទារឲ្យយុវជន និស្សិត បញ្ញវន្ត ចូលរួមយ៉ាងសកម្មផងដែរ។
នៅក្នុងប្រទេសមួយ ប្រសិនណាបើនយោបាយជាប់គាំង មិនដំណើរការហើយនោះ គេកុំបាច់និយាយដល់ការអភិវឌ្ឍនោះទេ ពោលគឺវិស័យផ្សេងៗទៀត ដូចជាសេដ្ឋកិច្ចជាដើមមិនអាចរីកចម្រើនបានឡើយ ហើយប្រជាជន និងរដ្ឋាភិបាល នឹងធ្លាក់ដុនដាបជាក់ជាមិនខាន ។ ម្លោះហើយតើគេគួរស្អប់នយោបាយ គួរឈប់និយាយពីរឿងនយោបាយ ជាជម្រើសត្រឹមត្រូវឬ?
© រក្សាសិទ្ធិដោយ thmeythmey.com
