ជាតិ
សង្គមជាតិ
អ្នកដំណើរចាប់ផ្តើមឆ្លងកាត់ស្ពានអ្នកលឿងពីថ្ងៃនេះតទៅ
× ក្រោយពីសម្ពោធដាក់ឲ្យប្រើប្រាស់ស្ពានអ្នកលឿង ឬស្ពាន ត្សឹបាសា (Tsubasa) ជាផ្លូវការរួចមក ប្រជាជនបានបើកយានយន្ត មានម៉ូត កង់ និងរថយន្ត ឆ្លងកាត់ស្ពាននេះជាលើកដំបូងពីថ្ងៃនេះតទៅ ។ ស្ពាននេះកសាងឡើង ក្រោមជំនួយឥតសំណងរបស់រដ្ឋាភិបាលជប៉ុនដែលចំណាយទឹកប្រាក់សរុបចំនួន ៩៥ លានដុល្លារអាមេរិក ។
សូមបញ្ជាក់ថា ស្ពានអ្នកលឿង តភ្ជាប់ស្រុកពីរ ស្ថិតនៅត្រើយម្ខាងៗនៃទន្លេមេគង្គក្រោម គឺស្រុកលើកដែកខេត្តកណ្ដាល និងស្រុកពាមរខេត្តព្រៃវែង។ស្ពានអ្នកលឿងនេះ ចាប់ផ្តើមសាងសង់នៅ ថ្ងៃទី ៧ ខែធ្នូ ឆ្នាំ២០១០ មានបណ្តោយ ៥,៤ គីឡូម៉ែត្រ និងទទឹងជាង ១៣ ម៉ែត្រ បែងចែក ៥ ផ្នែកធំៗហើយមានសរសរចំនួន ៣៥ ។ អ្នកស្ថាបនាស្ពាននេះ មានអ្នកគ្រប់គ្រងជប៉ុនចំនួន ៩ នាក់ បុគ្គលិកប្រទេសទី៣ ចំនួន២៥ នាក់ បុគ្គលិកកម្ពុជាចំនួន ៥៧ នាក់ និងកម្មករកម្ពុជា ចំនួន ៦៤៧ នាក់៕ © រក្សាសិទ្ធិដោយ thmeythmey.com