ជាតិ
សង្គមជាតិ
រូបភាព ការដង្ហែនំអន្សមយក្ស កាលពីឆ្នាំ២០១៤។
×![]()
សៀមរាប៖ សមាគមចុងភៅកម្ពុជា ដែលជាអ្នករៀបចំវេចនំអន្សមយក្ស បានប្រកាសថា ខ្លួននឹងរៀបចំពិធីក្រុងពាលីតាមប្រពៃណីនៅថ្ងៃទី១០ ខែមេសា នៅសណ្ឋាគារលំដាប់ផ្កាយប្រាំ ចំពោះការចាប់ផ្តើមនៃការវេចនំអន្សមយក្ស ឆ្នាំ២០១៥ ។
នំអន្សមយក្ស ដែលសមាគមចុងភៅប្រកាសថា មានទម្ងន់រហូតដល់ ៣,២១២គីឡូក្រាម នឹងចាប់ផ្តើមក្រុងពាលីនៅថ្ងៃទី១០ មេសា នៅសណ្ឋាគារ អង្គរផាលេស រីស៊ត និងស្ប៉ា (Angkor Palace Resort & Spa) ដែលគេស្គាល់ថា ជាសណ្ឋាគារលំដាប់ផ្កាយប្រាំនៅទីក្រុងសៀមរាប។
បើតាមការឲ្យដឹងពីតំណាងសមាគមចុងភៅ នៅថ្ងៃទី៩ មេសា ចាប់ផ្តើមដំឡើងរោង ថ្ងៃទី១០ បន្ទាប់ពីពិធីក្រុងពាលីហើយ ចុងភៅដែលមានគ្នាចំនួន១០០នាក់ នឹងចាប់ផ្តើមការចំអិននំអន្សមយក្ស។ លោក ចាន់ សុភា បន្ថែមថា ក្រោយចំអិនបាន២យប់ ២ថ្ងៃហើយនោះ នៅថ្ងៃទី១៣ ម៉ោង២រសៀល ក្រុមការងាររបស់លោកនឹងចាប់ផ្តើដង្ហែនំអន្សម ខ្ពស់ទៅទីតាំងបង្ហាញ នៅមុខលានជល់ដំរី។ លោក សុភា បញ្ជាក់ថា នៅឆ្នាំនេះ ទាំងឧបករណ៍ និងបច្ចេកទេសវេចអន្សម មានគុណភាពជាងឆ្នាំទៅ ដោយធានាទាំងរសជាតិផង។
ម៉ោង១១ថ្ងៃត្រង់ ថ្ងៃទី១៤ មេសា នឹងចាប់ផ្តើមពិធីសម្ពោធនំអន្សមយក្ស បន្ទាប់ពីនោះ គឺការប្រកួតញុំានំអន្សម នៅទីលានជល់ដំរី។ មិនថាពលរដ្ឋនៅខេត្តសៀមរាប ឫបណ្តាខេត្តផ្សេងៗទេ លាន់មាត់ និងចង់ឃើញនំអន្សមដែលមានទម្ងន់ជាង៣តោន ដែលប្រើថវិកាប្រមាណជិត៣ម៉ឺនដុល្លារសហរដ្ឋអាមេរិក។
គ្រឿងផ្សំសម្រាប់វេចនំអន្សមយក្សទម្ងន់ជាង៣តោន គិតជាគីឡូក្រាមសរុបទាំងអស់ ៣២១២គីឡូក្រាម មានអង្ករដំណើបសុទ្ធ ១០០០ ខ្ទិះដូង ៤៩៩ អំបិល ១៥ សណ្តែកសៀង ៤៥០ សាច់ជ្រូកបីជាន់ល្អ ៥០៧ ស្ក ៤ ម្រេច៣ ខ្ទឹម ១០ ដើមខ្ទឹម ១០ ស្លឹកចេក ៣៣៣ និងចំណង ៣៧៥គីឡូក្រាម ដែលមានមុខកាត់១ម៉ែត្រ និងបណ្តោយ៥ ម៉ែត្រ។
គួរបញ្ជាក់ថា នៅឆ្នាំដំបូងសម្រាប់នំអន្សមយក្សកាលពីឆ្នាំ២០១៤កន្លងទៅ គឺមានទម្ងន់តែ២តោនប៉ុណ្ណោះ។ យ៉ាងណា មានមតិរិះគន់ខ្លះៗចំពោះការវេចនៅពេលនោះ ព្រោះនំអន្សមហាក់មិនមានគុណភាពល្អ នៅពេលនោះ៕
នំអន្សមយក្ស ដែលសមាគមចុងភៅប្រកាសថា មានទម្ងន់រហូតដល់ ៣,២១២គីឡូក្រាម នឹងចាប់ផ្តើមក្រុងពាលីនៅថ្ងៃទី១០ មេសា នៅសណ្ឋាគារ អង្គរផាលេស រីស៊ត និងស្ប៉ា (Angkor Palace Resort & Spa) ដែលគេស្គាល់ថា ជាសណ្ឋាគារលំដាប់ផ្កាយប្រាំនៅទីក្រុងសៀមរាប។
បើតាមការឲ្យដឹងពីតំណាងសមាគមចុងភៅ នៅថ្ងៃទី៩ មេសា ចាប់ផ្តើមដំឡើងរោង ថ្ងៃទី១០ បន្ទាប់ពីពិធីក្រុងពាលីហើយ ចុងភៅដែលមានគ្នាចំនួន១០០នាក់ នឹងចាប់ផ្តើមការចំអិននំអន្សមយក្ស។ លោក ចាន់ សុភា បន្ថែមថា ក្រោយចំអិនបាន២យប់ ២ថ្ងៃហើយនោះ នៅថ្ងៃទី១៣ ម៉ោង២រសៀល ក្រុមការងាររបស់លោកនឹងចាប់ផ្តើដង្ហែនំអន្សម ខ្ពស់ទៅទីតាំងបង្ហាញ នៅមុខលានជល់ដំរី។ លោក សុភា បញ្ជាក់ថា នៅឆ្នាំនេះ ទាំងឧបករណ៍ និងបច្ចេកទេសវេចអន្សម មានគុណភាពជាងឆ្នាំទៅ ដោយធានាទាំងរសជាតិផង។
ម៉ោង១១ថ្ងៃត្រង់ ថ្ងៃទី១៤ មេសា នឹងចាប់ផ្តើមពិធីសម្ពោធនំអន្សមយក្ស បន្ទាប់ពីនោះ គឺការប្រកួតញុំានំអន្សម នៅទីលានជល់ដំរី។ មិនថាពលរដ្ឋនៅខេត្តសៀមរាប ឫបណ្តាខេត្តផ្សេងៗទេ លាន់មាត់ និងចង់ឃើញនំអន្សមដែលមានទម្ងន់ជាង៣តោន ដែលប្រើថវិកាប្រមាណជិត៣ម៉ឺនដុល្លារសហរដ្ឋអាមេរិក។
គ្រឿងផ្សំសម្រាប់វេចនំអន្សមយក្សទម្ងន់ជាង៣តោន គិតជាគីឡូក្រាមសរុបទាំងអស់ ៣២១២គីឡូក្រាម មានអង្ករដំណើបសុទ្ធ ១០០០ ខ្ទិះដូង ៤៩៩ អំបិល ១៥ សណ្តែកសៀង ៤៥០ សាច់ជ្រូកបីជាន់ល្អ ៥០៧ ស្ក ៤ ម្រេច៣ ខ្ទឹម ១០ ដើមខ្ទឹម ១០ ស្លឹកចេក ៣៣៣ និងចំណង ៣៧៥គីឡូក្រាម ដែលមានមុខកាត់១ម៉ែត្រ និងបណ្តោយ៥ ម៉ែត្រ។
គួរបញ្ជាក់ថា នៅឆ្នាំដំបូងសម្រាប់នំអន្សមយក្សកាលពីឆ្នាំ២០១៤កន្លងទៅ គឺមានទម្ងន់តែ២តោនប៉ុណ្ណោះ។ យ៉ាងណា មានមតិរិះគន់ខ្លះៗចំពោះការវេចនៅពេលនោះ ព្រោះនំអន្សមហាក់មិនមានគុណភាពល្អ នៅពេលនោះ៕
© រក្សាសិទ្ធិដោយ thmeythmey.com
