ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
Trip Advisor ប្រគល់រង្វាន់ដល់សៀមរាបដែលជាប់ជាគោលដៅទេសចរណ៍ល្អនៅអាស៊ីនិងពិភពលោក
08, Apr 2015 ,
8:57 am
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ តំណាងទីភ្នាក់ងារ Trip Advisor ប្រចាំតំបន់អាស៊ីប៉ាស៊ីហ្វិក បានប្រគល់រង្វាន់ដល់ខេត្តសៀមរាប ដែលជាប់ជាជម្រើសគោលដៅទេសចរណ៍លេខ១នៅអាស៊ី និងលេខ២នៅលើពិភពលោក។
ពានរង្វាន់គោលដៅទេសចរណ៍ដ៏ប្រឌិតចំណាត់ថ្នាក់លេខ១នៅអាស៊ី និងលេខ២នៅលើពិភពលោក ត្រូវបានតំណាងទីភ្នាក់ងារ Trip Advisor ប្រគល់ជូនរដ្ឋមន្ត្រីក្រសួងទេសចរណ៍ហើយកាលពីយប់ថ្ងៃទី៧ មេសាម្សិលមិញ។ ភ្នាមៗនោះ រដ្ឋមន្ត្រីក្រសួងទេសចរណ៍ ក៏បានប្រគល់រង្វាន់នោះ ដល់អភិបាលខេត្តសៀមរាប ដែលមានស្នាដៃក្នុងការបានពានរង្វាន់នោះ។
Trip Advisor គឺជាទីភ្នាក់ងារទេសចរណ៍ដ៏ធំជាងគេនៅលើពិភពលោក ដែលផ្តល់ប្រឹក្សាយោបល់លើការធ្វើដំណើរទេសចរណ៍ដ៏មានឥទ្ធិពល និងមានការជឿទុកចិត្តពីភ្ញៀវទេសចរ។ កាលពីថ្ងៃទី២៤ ខែមិនាកន្លងទៅ Trip Advisor ដែលមានអ្នកទស្សនាតាមវេបសាយក្នុងមួយថ្ងៃ ៣១៥លាននាក់នោះ បានដាក់គោលដៅទេសចរណ៍ប្រណិតៗចំនួន២៥លើពិភពលោក ដើម្បីឲ្យភ្ញៀវទេសចរបោះឆ្នោតតាមប្រព័ន្ធអ៊ីនធឺណែត។ ជាលទ្ធផលខេត្តសៀមរាប អង្គរ ទទួលបានចំណាត់គួរជាទីមោទនភាព។
ថ្លែងក្នុងពិធីទទួលពានរង្វាន់ដែលរៀបចំឡើងនៅផ្លូវផាប់ស្ទ្រីត លោក ថោង ខុន ថ្លែងថា នេះជាមោទនភាពសម្រាប់ខេត្តសៀមរាប ក៏ដូចជាពលរដ្ឋក្នុងប្រទេសកម្ពុជាទាំងមូលដែរ។ រដ្ឋមន្ត្រីក្រសួងទេសចរណ៍ បានជំរុញឲ្យថ្នាក់ដឹកនាំខេត្តសៀមរាប ធ្វើយ៉ាងណា ថែរក្សារង្វាន់នេះនៅឆ្នាំក្រោយៗទៀត រួមនិងចំណាត់ថ្នាក់ផ្ការំដួល៣ទង សម្រាប់ទីក្រុងស្អាត ដែលទើបទទួលបានពីរាជរដ្ឋាភិបាលកាលពីពេលថ្មីៗជាដើម។
តាមការបញ្ជាក់រដ្ឋមន្ត្រីក្រសួងទេសចរណ៍ ជារៀងរាល់ថ្ងៃមានភ្ញៀវទេសចរអន្តរជាតិចន្លោះពី ៧ពាន់ ទៅ១ម៉ឺននាក់ ដែលមកកម្សាន្តខេត្តសៀមរាប ហើយប្រមាណ ២លាននាក់ក្នុងមួយឆ្នាំៗ ។ វិស័យទេសចរណ៍ បានរួមចំណែកខ្លាំងក្នុងការអភិវឌ្ឍន៍សេដ្ឋកិច្ចជាតិ ជារួមនៅក្នុងខេត្តសៀមរាប មានពលរដ្ឋប្រមាណ ៧៥ពាន់នាក់ កំពុងបម្រើការក្នុងវិស័យឧស្សាហកម្មទេសចរណ៍ ក្នុងនោះមានពលរដ្ឋសៀមរាបផ្ទាល់ចំនួន ៧០ភាគរយ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
21 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម