ជាតិ
សង្គមជាតិ
×![]()
សៀមរាប៖ គេឃើញសកម្មភាពរុះរើខ្លោងទ្វារសង្ក្រាន្តចាស់ ដែលរងការវាយប្រហារជាសង្គ្រាមពាក្យសំដីនោះ បានបាត់រូបរាងហើយ កាលពីរសៀលថ្ងៃអង្គារម្សិលមិញ។ ក្រោយសម្រេចចិត្តកែលម្អ និងក្រោយពេលអគ្គិភ័យឆាបឆេះខ្លោងទ្វារមួយក្នុងចំណោមខ្លោងទ្វារទាំងពីរនៃអង្គរសង្ក្រាន្តនៅច្រកចូលប្រាសាទអង្គរវត្ត ឃើញថាក្រុមការងាររៀបចំព្រឹត្តិការណ៍អង្គរសង្ក្រាន្ត បានឲ្យក្រុមជាងរុះរើ និងរៀបចំតាមគំរូនៃខ្លោងទ្វារថ្មី។
អ្នកចូលរួមក្នុងព្រឹត្តិការណ៍អង្គរសង្ក្រាន្តនៅថ្ងៃទី១៤ មេសា នឹងលែងឃើញខ្លោងទ្វារចាស់របស់អង្គរសង្ក្រាន្តទៀតហើយ។ ក្រុមជាង កំពុងញាប់ដៃញាប់ជើង រុះរើ និងរៀបចំបែបបទតាមរចនាបថខ្លោងទ្វារថ្មី ដែលទំនងជាគ្មានអ្នករិះគន់ទៀតនោះទេ។ រចនាបថថ្មី ដែលអ្នកនាំពាក្យនៃព្រឹត្តិការណ៍អង្គរសង្ក្រាន្តបញ្ជាក់ថា មានលក្ខណៈជាខ្មែរជាងមុន។
នៅរសៀលថ្ងៃទី៧ មេសាម្សិលមិញ បន្ទាប់ពីព័ត៌មាននៃការឆេះខ្លោងទ្វារអង្គរសង្ក្រាន្តរួចមក គេឃើញមានពលរដ្ឋជាច្រើនបានធ្វើដំណើរទៅមើលទិដ្ឋភាពនៃខ្លោងទ្វារនោះ។ អ្នកខ្លះលាន់មាត់ថា គេបានឮដំណឹងតាមមិត្តភក្តិ ខ្លះទៀតថា ឃើញគេបង្ហោះតាមរយៈបណ្តាញសង្គមហ្វេសប៊ុក។ អ្នកដំណើរខ្លះ បានឈប់យានជំនិះពួកគេ ដើម្បីផ្តិតរូបភាពខ្លោងទ្វារឆេះ ក៏ដូចជាខ្លោងទ្វារដែលគេកំពុងកែគុននោះដែរ។
ផ្ទាំងគំរូប្លង់ខ្លោងទ្វារថ្មី ក៏ត្រូវបានក្រុមការងារសហភាពសហព័ន្ធយុវជនកម្ពុជា ចងភ្ជាប់នៅជិតខ្លោងទ្វារចាស់ ដើម្បីឲ្យសាធារណជនដឹងថា ខ្លួនកំពុងកែលម្អ មិនដូចរចនាបថចាស់នោះទេ។
គួរបញ្ជាក់ថា នៅរសៀលថ្ងៃទី៦ ថ្ងៃភ្លើងឆេះខ្លោងទ្វារ ដែលរងការរិះគន់ថាមានរចនាបថស្រដៀងនឹងខ្លោងទ្វារវិហារចិន ឫវៀតណាមនោះដែរ គេឃើញវត្តមានលោក ហ៊ុន ម៉ានី បានចុះទៅពិនិត្យមើលការដ្ឋានរៀបចំទីតាំងប្រារព្ធព្រឹត្តិការណ៍អង្គរសង្ក្រាន្ត ដែលចាប់ផ្តើមនៅថ្ងៃទី១៤ ដល់១៦ មេសា។ នៅពេលចុះទៅពិនិត្យខ្លោងទ្វារចាស់នោះដែរ ប្រធានសហភាពសហព័ន្ធយុវជនកម្ពុជា បានបញ្ជាក់ថា លោកស្វាគមន៍ចំពោះមតិរិះគន់ និងសន្យាកែលម្អជាថ្មី៕
អ្នកចូលរួមក្នុងព្រឹត្តិការណ៍អង្គរសង្ក្រាន្តនៅថ្ងៃទី១៤ មេសា នឹងលែងឃើញខ្លោងទ្វារចាស់របស់អង្គរសង្ក្រាន្តទៀតហើយ។ ក្រុមជាង កំពុងញាប់ដៃញាប់ជើង រុះរើ និងរៀបចំបែបបទតាមរចនាបថខ្លោងទ្វារថ្មី ដែលទំនងជាគ្មានអ្នករិះគន់ទៀតនោះទេ។ រចនាបថថ្មី ដែលអ្នកនាំពាក្យនៃព្រឹត្តិការណ៍អង្គរសង្ក្រាន្តបញ្ជាក់ថា មានលក្ខណៈជាខ្មែរជាងមុន។
នៅរសៀលថ្ងៃទី៧ មេសាម្សិលមិញ បន្ទាប់ពីព័ត៌មាននៃការឆេះខ្លោងទ្វារអង្គរសង្ក្រាន្តរួចមក គេឃើញមានពលរដ្ឋជាច្រើនបានធ្វើដំណើរទៅមើលទិដ្ឋភាពនៃខ្លោងទ្វារនោះ។ អ្នកខ្លះលាន់មាត់ថា គេបានឮដំណឹងតាមមិត្តភក្តិ ខ្លះទៀតថា ឃើញគេបង្ហោះតាមរយៈបណ្តាញសង្គមហ្វេសប៊ុក។ អ្នកដំណើរខ្លះ បានឈប់យានជំនិះពួកគេ ដើម្បីផ្តិតរូបភាពខ្លោងទ្វារឆេះ ក៏ដូចជាខ្លោងទ្វារដែលគេកំពុងកែគុននោះដែរ។
ផ្ទាំងគំរូប្លង់ខ្លោងទ្វារថ្មី ក៏ត្រូវបានក្រុមការងារសហភាពសហព័ន្ធយុវជនកម្ពុជា ចងភ្ជាប់នៅជិតខ្លោងទ្វារចាស់ ដើម្បីឲ្យសាធារណជនដឹងថា ខ្លួនកំពុងកែលម្អ មិនដូចរចនាបថចាស់នោះទេ។
គួរបញ្ជាក់ថា នៅរសៀលថ្ងៃទី៦ ថ្ងៃភ្លើងឆេះខ្លោងទ្វារ ដែលរងការរិះគន់ថាមានរចនាបថស្រដៀងនឹងខ្លោងទ្វារវិហារចិន ឫវៀតណាមនោះដែរ គេឃើញវត្តមានលោក ហ៊ុន ម៉ានី បានចុះទៅពិនិត្យមើលការដ្ឋានរៀបចំទីតាំងប្រារព្ធព្រឹត្តិការណ៍អង្គរសង្ក្រាន្ត ដែលចាប់ផ្តើមនៅថ្ងៃទី១៤ ដល់១៦ មេសា។ នៅពេលចុះទៅពិនិត្យខ្លោងទ្វារចាស់នោះដែរ ប្រធានសហភាពសហព័ន្ធយុវជនកម្ពុជា បានបញ្ជាក់ថា លោកស្វាគមន៍ចំពោះមតិរិះគន់ និងសន្យាកែលម្អជាថ្មី៕
© រក្សាសិទ្ធិដោយ thmeythmey.com
