ជាតិ
សង្គមជាតិ
រដ្ឋនឹងផ្តល់ក្របខណ្ឌដល់មន្ត្រីប្រមាណ៥០០០នាក់ដើម្បីជំនួសមន្ត្រីចូលនិវត្តន៍កាលពីឆ្នាំ២០១៤
×![]()
ដោយ: រួបរួម
លោក ពេជ្រ ប៊ុនធិន រដ្ឋមន្ត្រីក្រសួងមុខងារសាធារណបានផ្ញើរលិខិតមួយច្បាប់ទៅកាន់ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី និងរដ្ឋលេខាធិការគ្រប់ក្រសួងស្ថាប័ន ទាក់ទងនឹងផែនការជ្រើសរើសក្របខណ្ឌថ្មីមន្ត្រីរាជការស៊ីវិលសម្រាប់ឆ្នាំ២០១៥ ។
តាមរយៈលិខិតដែលចុះថ្ងៃទី៧ ខែមេសា ឆ្នាំ២០១៥ លោក ពេជ្រ ប៊ុនធិន បានស្នើដល់ថ្នាក់ដឹកនាំស្ថាប័នទាំងអស់ឲ្យចាត់ចែងរៀបចំការប្រឡងប្រជែងជ្រើសរើសបេក្ខជនដើម្បីបម្រើការនៅអង្គភាពថ្នាក់ជាតិ និងថ្នាក់ក្រោមជាតិ ព្រមទាំងយកចិត្តទុកដាក់លើបេក្ខភាពជាជនពិការដែលមានសមត្ថភាព។
លោកបានស្នើសុំផងដែរថា៖ «សូមគ្រប់ក្រសួងស្ថាប័ន មេត្តារៀបចំស្នើសុំមន្ត្រីតំណាងក្រសួងមុខងារសាធារណៈចូលក្នុងដំណើរការប្រឡងឲ្យបានមុនពេលរៀបចំបង្កើតគណៈកម្មការរៀបចំការប្រឡងប្រជែងជ្រើសរើសប្រចាំឆ្នាំដើម្បីក្រសួងមានលទ្ធភាពចូលរួមសហការចាប់តាំងពីដំណាក់កាលដំបូង»។
សម្រាប់ឆ្នាំ២០១៥នេះ អង្គភាព-ស្ថាប័នរដ្ឋចំនួន២៩ ត្រៀមផ្តល់ក្របខណ្ឌជូនដល់មន្ត្រីរាជការ ដែលមានសរុប៥០០១នាក់ ដើម្បីជំនួសមន្ត្រីចូលនិវត្តន៍ឆ្នាំ២០១៤ ចំនួន៣៦៨២នាក់ មន្ត្រីដែលត្រូវបានលុបឈ្មោះចេញចំនួន១២២៦នាក់ និងមន្ត្រីបាត់បង់សម្បទាវិជ្ជាជីវៈចំនួន៩៣នាក់។
ក្រសួងអប់រំ យុវជន និងកីឡា នឹងផ្តល់ក្របខណ្ឌដល់មន្ត្រីច្រើនជាងគេនាឆ្នាំ២០១៥នេះ ដោយមាន៣០១៥នាក់ ដើម្បីជំនួសមន្ត្រីចូលនិវត្តន៍ចំនួន២១៥៩នាក់ និងមន្ត្រីដែលត្រូវបានលុបឈ្មោះចេញចំនួន៨៥៦នាក់។ ក្របខណ្ឌផ្តល់ជូនឆ្នាំ២០១៥សម្រាប់ស្ថាប័នផ្សេងទៀតរួមមាន សុខាភិបាល (៤៣៣នាក់) មហាផ្ទៃ (៤០០នាក់) កសិកម្ម រុក្ខាប្រម៉ាញ់ និងនេសាទ (២៧៧នាក់) សេដ្ឋកិច្ច និងហិរញ្ញវត្ថុ (១៧៦នាក់) វប្បធម៌ និងវិចិត្រសិល្បៈ (១០៧នាក់) ។
ចំណែកស្ថាប័ន-អង្គភាពផ្សេងទៀត រួមមាន ទីស្តីការគណៈរដ្ឋមន្ត្រី (២៦នាក់) ព្រះបរមរាជវាំង (៦នាក់)ទេសចរណ៍ (១២នាក់) ពាណិជ្ជកម្ម (៦៤នាក់) អភិវឌ្ឍន៍ជនបទ (៥០នាក់) បរិស្ថាន (៣៣នាក់) ឧស្សាហកម្ម និងសិប្បកម្ម (៣៦នាក់) រ៉ែ និងថាមពល (៨នាក់) ធនធានទឹក និងឧតុនិយម (៤០នាក់) កិច្ចការនារី (១៩នាក់) ការបរទេស និងសហប្រតិបត្តិការអន្តរជាតិ (១៤នាក់) ព័ត៌មាន (៧១នាក់) យុត្តិធម៌ (៣៤នាក់) ផែនការ (២៩នាក់) ធម្មការ និងសាសនា (៦នាក់) សង្គមកិច្ច អតីតយុទ្ធជន និងយុវនីតិសម្បទា (១៨នាក់) ទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច (៦នាក់) រៀបចំដែនដីនគររូបនីយកម្ម និងសំណង់ (៣៤នាក់) ប្រៃសណីយ៍ និងទូរគមនាគមន៍ (៣១នាក់) មុខងារសាធារណៈ (១២នាក់) ការងារ និងបណ្តុះបណ្តាលវិជ្ជាជីវៈ (៣៤នាក់) រដ្ឋលេខាធិការដ្ឋានអាកាសចរណ៍ស៊ីវិល (៧នាក់) និងអង្គភាពប្រឆាំងអំពើពុករលួយ (៣នាក់) ៕
តាមរយៈលិខិតដែលចុះថ្ងៃទី៧ ខែមេសា ឆ្នាំ២០១៥ លោក ពេជ្រ ប៊ុនធិន បានស្នើដល់ថ្នាក់ដឹកនាំស្ថាប័នទាំងអស់ឲ្យចាត់ចែងរៀបចំការប្រឡងប្រជែងជ្រើសរើសបេក្ខជនដើម្បីបម្រើការនៅអង្គភាពថ្នាក់ជាតិ និងថ្នាក់ក្រោមជាតិ ព្រមទាំងយកចិត្តទុកដាក់លើបេក្ខភាពជាជនពិការដែលមានសមត្ថភាព។
លោកបានស្នើសុំផងដែរថា៖ «សូមគ្រប់ក្រសួងស្ថាប័ន មេត្តារៀបចំស្នើសុំមន្ត្រីតំណាងក្រសួងមុខងារសាធារណៈចូលក្នុងដំណើរការប្រឡងឲ្យបានមុនពេលរៀបចំបង្កើតគណៈកម្មការរៀបចំការប្រឡងប្រជែងជ្រើសរើសប្រចាំឆ្នាំដើម្បីក្រសួងមានលទ្ធភាពចូលរួមសហការចាប់តាំងពីដំណាក់កាលដំបូង»។
សម្រាប់ឆ្នាំ២០១៥នេះ អង្គភាព-ស្ថាប័នរដ្ឋចំនួន២៩ ត្រៀមផ្តល់ក្របខណ្ឌជូនដល់មន្ត្រីរាជការ ដែលមានសរុប៥០០១នាក់ ដើម្បីជំនួសមន្ត្រីចូលនិវត្តន៍ឆ្នាំ២០១៤ ចំនួន៣៦៨២នាក់ មន្ត្រីដែលត្រូវបានលុបឈ្មោះចេញចំនួន១២២៦នាក់ និងមន្ត្រីបាត់បង់សម្បទាវិជ្ជាជីវៈចំនួន៩៣នាក់។
ក្រសួងអប់រំ យុវជន និងកីឡា នឹងផ្តល់ក្របខណ្ឌដល់មន្ត្រីច្រើនជាងគេនាឆ្នាំ២០១៥នេះ ដោយមាន៣០១៥នាក់ ដើម្បីជំនួសមន្ត្រីចូលនិវត្តន៍ចំនួន២១៥៩នាក់ និងមន្ត្រីដែលត្រូវបានលុបឈ្មោះចេញចំនួន៨៥៦នាក់។ ក្របខណ្ឌផ្តល់ជូនឆ្នាំ២០១៥សម្រាប់ស្ថាប័នផ្សេងទៀតរួមមាន សុខាភិបាល (៤៣៣នាក់) មហាផ្ទៃ (៤០០នាក់) កសិកម្ម រុក្ខាប្រម៉ាញ់ និងនេសាទ (២៧៧នាក់) សេដ្ឋកិច្ច និងហិរញ្ញវត្ថុ (១៧៦នាក់) វប្បធម៌ និងវិចិត្រសិល្បៈ (១០៧នាក់) ។
ចំណែកស្ថាប័ន-អង្គភាពផ្សេងទៀត រួមមាន ទីស្តីការគណៈរដ្ឋមន្ត្រី (២៦នាក់) ព្រះបរមរាជវាំង (៦នាក់)ទេសចរណ៍ (១២នាក់) ពាណិជ្ជកម្ម (៦៤នាក់) អភិវឌ្ឍន៍ជនបទ (៥០នាក់) បរិស្ថាន (៣៣នាក់) ឧស្សាហកម្ម និងសិប្បកម្ម (៣៦នាក់) រ៉ែ និងថាមពល (៨នាក់) ធនធានទឹក និងឧតុនិយម (៤០នាក់) កិច្ចការនារី (១៩នាក់) ការបរទេស និងសហប្រតិបត្តិការអន្តរជាតិ (១៤នាក់) ព័ត៌មាន (៧១នាក់) យុត្តិធម៌ (៣៤នាក់) ផែនការ (២៩នាក់) ធម្មការ និងសាសនា (៦នាក់) សង្គមកិច្ច អតីតយុទ្ធជន និងយុវនីតិសម្បទា (១៨នាក់) ទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច (៦នាក់) រៀបចំដែនដីនគររូបនីយកម្ម និងសំណង់ (៣៤នាក់) ប្រៃសណីយ៍ និងទូរគមនាគមន៍ (៣១នាក់) មុខងារសាធារណៈ (១២នាក់) ការងារ និងបណ្តុះបណ្តាលវិជ្ជាជីវៈ (៣៤នាក់) រដ្ឋលេខាធិការដ្ឋានអាកាសចរណ៍ស៊ីវិល (៧នាក់) និងអង្គភាពប្រឆាំងអំពើពុករលួយ (៣នាក់) ៕
© រក្សាសិទ្ធិដោយ thmeythmey.com
