ជាតិ
សង្គមជាតិ
ខ្លោងទ្វារអង្គរសង្ក្រាន្តថ្មីចេញជារូបរាង
× សៀមរាប៖ រចនាបថនៃខ្លោងទ្វារអង្គរសង្ក្រាន្តថ្មី បានចេញជារូបរាងហើយនៅថ្ងៃនេះ។ ក្រុមជាង បានរួសរាន់កែលម្អ និងលាបពណ៌ខ្លោងថ្មី ដើម្បីស្វាគមន៍ព្រឹត្តិការណ៍អង្គរសង្ក្រាន្ត ដែលនឹងមកដល់នៅថ្ងៃអង្គារ ដើម្បីសប្តាហ៍ក្រោយនេះ។
ទំនងជាគ្មានអ្នករិះគន់ទៀតទេ សម្រាប់ខ្លោងថ្មីរបស់អង្គរសង្ក្រាន្ត។ ក្រុមជាងទំនងជាបញ្ចប់ការរៀបចំខ្លោងថ្មី នៅល្ងាចថ្ងៃព្រហស្បតិ៍នេះ។ នេះបើតាមការបញ្ជាក់ពីមន្ត្រីមួយរូបរបស់អាជ្ញាធរជាតិអប្សរា ដែលសុំមិនបញ្ចេញឈ្មោះ។
គួរបញ្ជាក់ថា បន្ទាប់ពីមានការរិះគន់ពីសាធារណៈអំពីខ្លោងទ្វារអង្គរសង្ក្រាន្តចាស់ ថាមានរចនាបថស្រដៀងនឹងវិហារចិន ឫវិហារវៀតណាម និងក្រោយការលួចដុតខ្លោងទ្វារនៅយប់ថ្ងៃទី៧ មេសារួចមក ក្រុមការងារនៃព្រឹត្តិការណ៍អង្គរសង្ក្រាន្ត បានសម្រេចដូរ និងកែលម្អខ្លោងទ្វារឡើងវិញ ដើម្បីឲ្យស្របតាមមតិមហាជន និងជៀសវាងការមិនពេញចិត្តណា ដែលកើតឡើងដោយសារខ្លោងទ្វារ។ អ្នកនាំពាក្យព្រឹត្តិការណ៍អង្គរសង្ក្រាន្តបញ្ជាក់ថា រចនាបថថ្មីនេះ គឺមានទម្រង់ជារចនាបថខ្មែរច្រើនជាងរចនាបថចាស់ ដែលរងការរិះគន់៕
© រក្សាសិទ្ធិដោយ thmeythmey.com