ចរាចរណ៍មុខអង្គរវត្តត្រូវបិទទាំងស្រុងចាប់ពីថ្ងៃនេះទៅ

ជាតិ

សង្គមជាតិ

ចរាចរណ៍មុខអង្គរវត្តត្រូវបិទទាំងស្រុងចាប់ពីថ្ងៃនេះទៅ

10, Apr 2015 , 1:23 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ ដើម្បីសម្រួលចរាចរណ៍ ក្នុងព្រឹត្តិការណ៍អង្គរសង្ក្រាន្ត ដែលគ្រោងមានអ្នកចូលរួមដ៏ច្រើនកុះករនោះ អាជ្ញាធរអប្សរា បានចេញសេចក្តីជូនដំណឹង ពីការបិទចរាចរណ៍ជាបណ្តុះអាសន្ននៅផ្លូវមុខអង្គរវត្ត។ មានតែអ្នកថ្មើរជើងប៉ុណ្ណោះ ដែលអាចឆ្លងកាត់ផ្លូវទាំងនោះបាន។

យោងតាមការពន្យល់ក្នុងសេចក្តីជូនដំណឹងរបស់អាជ្ញាធរអប្សរា ក្នុងពេលក្រុមការងារកំពុងមមាញឹកក្នុងការរៀបចំទីតាំងប្រារព្ធកម្មវិធីអង្គរសង្ក្រាន្ត នៅមុខប្រាសាទអង្គរវត្ត និងនៅពេលដែលប្រជាពលរដ្ឋជាច្រើនចូលរួមក្នុងព្រឹត្តិការណ៍មួយនេះ អាជ្ញាធរជាតិអប្សរា នឹងធ្វើការបិទផ្លូវមុខអង្គរវត្ត ដោយមិនអនុញ្ញាតឲ្យយានយន្ត និងមធ្យោបាយផ្សេងៗធ្វើដំណើរឡើយ លើកលែងតែរថយន្ត និងមធ្យោបាយរបស់ក្រុមការងារ ដែលដឹកជញ្ជូនសម្ភារៈការងារតែប៉ុណ្ណោះ។

ចំណុចដែលអាជ្ញាធរអប្សរាហាមឃាត់នោះ គឺចាប់ពីចំណុចកែងផ្លូវប៉ុស្តិ៍យាមនគរបាលបេតិកភណ្ឌ ចំណុចកែងផ្លូវមកពីព្រលានយន្តហោះ និងចំណុចកែងផ្លូវខាងជើងត្រពាំងសេះ។ ក្រៅពីនោះ ផ្លូវស្របកសិណខាងលិចប្រាសាទអង្គរវត្ត ដែលចេញពីក្រុងសៀមរាប ឆ្ពោះទៅភ្នំបាខែង ឫប្រាសាទនានាក្នុងវង់ធំ ចាប់ពីកែងផ្លូវកូម៉ៃ ទៅជើង ទល់នឹងប៉ុស្តិ៍យាមអង្គភាពនគរបាលបេតិកភណ្ឌ បត់ឆ្វេងទៅដល់ផ្លូវថ្មី ត្រូវបង្វែរជាផ្លូវឯកទិស។

ក្នុងសេចក្តីជូនដំណឹងរបស់ខ្លួនដែលចេញផ្សាយកាលពីថ្ងៃទី៨ មេសាកន្លងទៅ អាជ្ញាធរអប្សរាមិនបានបញ្ជាក់ពីថ្ងៃបើកដំណើរផ្លូវជាធម្មតាវិញទេ ដោយគ្រាន់តែចារថា ការប្តូរទិសនេះ នឹងចាប់អនុវត្តចាប់ពីថ្ងៃទី១០ មេសានេះតទៅ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

5 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

7 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

20 ម៉ោង

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

2 ថ្ងៃ

អត្ថបទពេញនិយមបន្ថែម