ជាតិ
សង្គមជាតិ
ការប្រមូលសំរាម នឹងរអាក់រអួលរយៈពេល៥ថ្ងៃនាឱកាសចូលឆ្នាំ រូបគំនរសំរាមកាលពីពេលកន្លងទៅ ក្នុងពេលដែលបុគ្គលិកក្រុមហ៊ុនស៊ិន ទ្រី ធ្វើបាតុកម្ម
× ការសំអាត ប្រមូល និងដឹកជញ្ជូនសំរាម នឹងប្រព្រឹត្តទៅមិនបានពេញលេញឡើយនៅរាជធានីភ្នំពេញក្នុងរយៈពេល៥ថ្ងៃ ចាប់ពីថ្ងៃទី១៣ ដល់ថ្ងៃទី១៧មេសាឆ្នាំ២០១៥ ។ នេះបើយោងតាមសេចក្តីជូនដំណឹងរបស់សាលារាជធានីភ្នំពេញ។
សេចក្តីជូនដំណឹងដដែល បានឲ្យដឹងថា ការប្រមូលសំរាមមិនបានពេញលេញនេះ គឺដោយសារកម្មករ-កម្មការិនីរបស់ក្រុមហ៊ុនស៊ីនទ្រី ត្រូវឈប់សម្រាកដើម្បីទៅលេងស្រុកកំណើតក្នុងឱកាសបុណ្យចូលឆ្នាំប្រពៃណីខ្មែរ។ ការសំអាត ប្រមូល និងដឹកជញ្ជូនសំរាមនឹងចាប់ផ្តើមឡើងវិញនៅថ្ងៃទី១៧ខែមេសា បន្ទាប់ពីពិធីបុណ្យចូលឆ្នាំបានបញ្ចប់។
«ក្រុមហ៊ុនស៊ីនទ្រី នឹងដាក់ធុងសំរាមខ្នាតធំ និងរៀបចំកម្មករមួយចំនួនសម្រាប់បម្រើឲ្យការសំអាត ប្រមូល និងដឹកជញ្ជូនសំរាមតាមដងផ្លូវធំៗ និងទីប្រជុំជនមួយចំនួនផងដែរ ដើម្បីចៀសវាងការបោះចោលសំរាមគ្មានសណ្តាប់ធ្នាប់»។ នេះបើតាមសេចក្តីជូនដំណឹងដដែល។
សាលារាជធានីភ្នំពេញ ស្នើឲ្យប្រជាពលរដ្ឋក្នុងរាជធានីភ្នំពេញទាំងអស់ជ្រាប និងជួយវេចខ្ចប់ ទុកដាក់សំរាមឲ្យបានត្រឹមត្រូវ រួចយកទៅដាក់ក្នុងធុងសំរាម ដែលក្រុមហ៊ុនស៊ីនទ្រីបានដាក់ឲ្យប្រើប្រាស់ជាបណ្តោះអាសន្ននៅតាមដងផ្លូវ និងទីតាំងសាធារណៈមួយចំនួន៕ © រក្សាសិទ្ធិដោយ thmeythmey.com