កីឡាអន្តរជាតិ
អន្តរជាតិ
×![]()
ដោយ: ថ្មីៗ
តាមរយៈឃ្លីបវីដេអូខ្លីមួយ ស្តេចប្រដាល់ហ្វីលីពីន Manny Pacquiaoបានផ្ញើសាររំលែកទុក្ខដល់ជនរងគ្រោះដោយសារការរញ្ជួយដីនៅក្នុងប្រទេសនេប៉ាល់កាលពីព្រឹកថ្ងៃទី២៥ ខែមេសា ឆ្នាំ២០១៥ ។
ឈរនៅក្បែរអ្នកស្រី Jinkeeដែលជាភរិយា Pacquiaoបាននិយាយថា៖ «បេះដូងរបស់យើងនៅជាមួយបងប្អូនប្រុសស្រីទាំងអស់ដែលរងគ្រោះដោយសារការរញ្ជួយដីនៅក្នុងប្រទេសនេប៉ាល់»។
Pacquiaoដែលត្រូវប្រកួតជាមួយកីឡាករអាមេរិក Floyd Mayweatherនាថ្ងៃទី៣ ខែឧសភា នៅសហរដ្ឋអាមេរិក បានលើកទឹកចិត្តពលរដ្ឋនេប៉ាល់ទាំងអស់ឲ្យមានភាពរឹងមាំ និងក្លាហាន។ «អ្នកមិននៅឯកោឡើយ នេប៉ាល់។ គ្រួសារខ្ញុំ និងខ្ញុំ បួងសួងដល់អ្នកឲ្យមានសុវត្ថិភាព និងគេចផុតពីគ្រោះ។ សូមព្រះប្រទានពរដល់អ្នកទាំងអស់គ្នា»។ នេះការជូនពររបស់ស្តេចប្រដាល់ហ្វីលីពីន៕
© រក្សាសិទ្ធិដោយ thmeythmey.com
