កីឡាអន្តរជាតិ
អន្តរជាតិ
Pacquiao បង្ហាញជំនឿចិត្តខ្ពស់ក្នុងការធ្វើឲ្យ Floyd ភ្លក់រសជាតិបរាជ័យលើកដំបូងក្នុងអាជីព
× ស្ដេចប្រដាល់ហ្វីលីពីន Manny Pacquiao បានបង្ហាញទំនុកចិត្តចំពោះមុខអ្នកគាំទ្ររបស់ខ្លួននៅក្នុងរដ្ឋ ឡាសវីហ្គាស ថា រូបគេសង្ឃឹម១០០ភាគរយ ក្នុងការផ្ដួល Floyd Mayweather នៅក្នុងការប្រកួតនាថ្ងៃសៅរ៍ខាងមុខនេះ។
«ខ្ញុំមិនមានភាពភ័យខ្លាចនោះទេ។ នេះជាការប្រកួតចុងក្រោយ មុននឹងខ្ញុំចូលនិវត្ត។ ខ្ញុំមានទំនុកចិត្ត១០០ភាគរយ»។ នេះជាការអះអាងរបស់អ្នកប្រដាល់ល្បីល្បាញហ្វីលីពីន Manny Pacquiao ។
ថ្លែងប្រាប់សារព័ត៌មានBBC កាលពីថ្ងៃទី២៨ មេសា Pacquiao បន្ថែមថា គេជឿជាក់ថានឹងផ្ដួលកីឡាករផ្លយ មេវេឌ័រ ឲ្យស្គាល់រសជាតិចាញ់ជាលើកដំបូងរបស់គេនៅក្នុងការប្រកួតនេះ។ «មនុស្សដទៃមានការព្រួយបារម្ភជំនួសខ្ញុំ។ប៉ុន្ដែខ្ញុំមានការចាប់អារម្មណ៍នៃការប្រកួតនេះ។ ហើយនៅពេលនេះខ្ញុំជឿថាខ្ញុំនឹងធ្វើឲ្យគេ [ផ្លយ មេវេឌ័រ] ទទួលបានបទពិសោធន៍នៃការបរាជ័យរបស់គេជាលើកដំបូង»។ នេះការបញ្ជាក់របស់ Pacquiao។
ចំណែកគ្រូបង្វឹកកីឡាករ Pacquiao លោក Freddie Roach បានបញ្ជាក់ថា លោកនឹងកីឡាករប៉ាគីអៅ បានរៀបចំការហ្វឹកហាត់យ៉ាងល្អ សម្រាប់ជ័យជំនះនៅក្នុងការប្រកួតនេះ។
ជាមួយគ្នានេះ កីឡាករ Floyd Mayweather បានឆ្លើយតបយ៉ាងខ្លីថា រូបគេគឺជាកីឡាករដែលមានការគិតច្បាស់ជាង និងឆ្លាតជាងកីឡាករ ប៉ាក់គីអៅ។
Floyd សញ្ជាតិអាមេរិក ដែលឈ្នះទាំង៤៧លើកក្នុងអាជីពរបស់ខ្លួននឹងប៉ះគ្នាជាលើកដំបូងជាមួយស្ដេចប្រដាល់ហ្វីលីពីន Pacquiao នៅថ្ងៃសៅរ៍ទី ២ ឧសភា នៅសង្វៀន MGM Grand Arena ក្នុងរដ្ឋឡាស វីហ្គាស៕
© រក្សាសិទ្ធិដោយ thmeythmey.com