កីឡាអន្តរជាតិ
អន្តរជាតិ
អ្នកកាសែត CNNនិងESPN ត្រូវហាមមិនឲ្យចូលយកព័ត៌មានក្នុងជំនួបរវាង Floyd និង Pacquiao
×
អ្នកយកព័ត៌មានកីឡាជាស្ត្រីពីរនាក់របស់ស្ថាប័នព័ត៌មានធំៗចំនួនពីគឺ CNNនិងESPN បាននិយាយថា ក្រុមគាំទ្រកីឡាករ Floyd Mayweatherបានព្យាយាមរារាំងពួកគេពីការចូលយកព័ត៌មានក្នុងការប្រកួតជាមួយ កីឡាករManny Pacquiaoនៅ Las Vegas កាលពីថ្ងៃអាទិត្យ។
បើតាមកាសែត the guardian អ្នកនាងRachel Nichols អ្នកយកព័ត៌មានកីឡារបស់ទូរទស្សន៍ CNN និង អ្នកនាង Michelle Beadle របស់ទូរទស្សន៍ ESPN បានឱ្យដឹងថាក្រុមខាងកីឡាករMayweatherបានបិទលេខកូដកាតព័ត៌មានរបស់ពួកគេ និងមិនអនុញ្ញាតឱ្យពួកគេចូលទៅក្បែរឆាកសម្រាប់ការប្រកួតនោះទេ។ អ្នកកាសែតស្រីរបស់ CNN បាននិយាយថា ក្រុមការងាររបស់កីឡាករ Mayweatherបានប្រាប់ផលិតករនាងថា ទីធ្លានៅក្បែរសង្វៀនត្រូវគេបិទហើយ។
"ខ្ញុំរួមជាមួយនឹង [Nichols] ត្រូវបានហាមឃាត់ពីសង្វៀន MGM Grand Arena សម្រាប់ការប្រយុទ្ធនៅយប់នេះដោយជំរុំ Mayweatherបាន» Beadle បាន tweet ។
សហគ្រាសទទួលបន្ទុកផ្នែកទំនាក់ទំនងសាធារណៈតំណាងឱ្យ កីឡាករ Mayweatherបានបដិសេធថាគ្មានការហាមឃាត់អ្នកយកព័ត៌មានទាំងពីរនាក់នោះទេ។ ទោះជាយ៉ាងណាម្ចាស់ក្រុមនេះ បានបញ្ជាក់ថា កាតសម្គាល់ខ្លួនរបស់អ្នកទាំងពីរនាក់បានធ្វើរួចទៅហើយ ប៉ុន្តែសម្រាប់ នាង Beadleគឺមិនមានឈ្មោះនៅក្នុងបញ្ជីអ្នកសារព័ត៌មាននោះទេ។
ក្រោយមកអ្នកនាង Beadle បានបញ្ជាក់ថា HBO បានពិចារណាពីទទួលស្គាល់ឈ្មោះរបស់នាងឡើងវិញកាលពីយប់ថ្ងៃសុក្រប៉ុន្តែនាងបានត្រឡប់ទៅផ្ទះវិញបន្ទាប់ពីបានដឹងថាកាតសម្គាល់ខ្លួនរបស់នាង ត្រូវបានគេដកចេញ។សម្រាប់នាង Beadle ការរារាំងក្នុងការចូលយកព័ត៌មាននេះ គឺជាចេតនារបស់កីឡាករ Mayweatherដែលព្យាយាមហាមឃាត់មិនឱ្យក្រុមអ្នកយកព័ត៌មាន ដែលអាចគូសបញ្ជាក់ពីការចោទប្រកាន់នានា ប្រឆាំងនឹងខ្លួននោះទេ។
សូមបញ្ជាក់ថា កីឡាករ Manny Pacquiao បានប្រកួតចាញ់កីឡាករ Floyd Mayweatherដោយពិន្ទុ នៅក្នុងការប្រកួតប្រចាំសតវត្សមួយ នៅសង្វៀន MGM Las Vegasកាលពីថ្ងៃអាទិត្យ៕
© រក្សាសិទ្ធិដោយ thmeythmey.com