ជាតិ
កម្ពុជា-ជប៉ុន នឹងចុះហត្ថលេខាលើជំនួយឥតសំណងជាង២៧លានដុល្លារ
×
រដ្ឋាភិបាលកម្ពុជា និងរដ្ឋាភិបាលជប៉ុន នឹងចុះហត្ថលេខាលើលិខិតប្តូរសារ និងកំណត់ហេតុពិភាក្សាស្តីពីការផ្តល់ជំនួយឥតសំណង ដែលមានទឹកប្រាក់ចំនួន៣,២៨៤លានយ៉េន ឬស្មើនឹងប្រមាណ២៧.៤៨លានដុល្លារ នៅថ្ងៃទី១១ខែឧសភា ខាងមុខ ។
យោងតាមសេចក្តីជូនព័ត៌មានរបស់ក្រសួងការបរទេសកម្ពុជា ពិធីចុះហត្ថលេខានេះ នឹងប្រព្រឹត្តទៅនៅទីស្នាក់ការក្រសួងការបរទេស និងសហប្រតិបត្តិអន្តរជាតិកម្ពុជាក្រោមអធិបតីភាព លោក ហោ ណាំហុង រដ្ឋមន្ត្រីក្រសួងការបរទេសកម្ពុជា ជាមួយលោក យូជិ គូម៉ាម៉ារ៉ូ ឯកអគ្គរដ្ឋទូតជប៉ុនប្រចាំនៅកម្ពុជា។
ប្រភពដដែលបានឲ្យដឹងថា ទឹកប្រាក់ជំនួនឥតសំណងនោះ គឺសម្រាប់ការអនុវត្តលើគម្រោងចំណួន២ គឺ គម្រោងពង្រីកប្រព័ន្ធផ្គត់ផ្គង់ទឹកស្អាតនៅខេត្តកំពតដែលមានទឹកប្រាក់ចំនួន២,៩៨៥លានយ៉េន ឬស្មើនឹងប្រមាណ ២៤.៩៨លានដុល្លារ និងគម្រោងអាហារូបករណ៍អភិវឌ្ឍន៍ធនធានមនុស្សដែលមានទឹកប្រាក់ចំនួន២៩៩លានយ៉េន ឬស្មើនឹងប្រមាណ ២.៥លានដុល្លារ ៕
© រក្សាសិទ្ធិដោយ thmeythmey.com