អន្តរជាតិ
នយោបាយជាតិ
×![]()
លទ្ធផលបោះឆ្នោតនៅអង់គ្លេសកំពុងអង្រួនចិត្តអ្នកជំនួញធំៗនៅអង់គ្លេស ដ្បិតនាយករដ្ឋមន្ត្រី ដេវីត ខេមេរ៉ូន (David Cameron) នឹងបន្តកាន់តំណែងជានាយករដ្ឋមន្ត្រីទៀត។ បើ ខេមេរ៉ូន បន្តជានាយករដ្ឋមន្ត្រី លទ្ធភាពនៃការចាកចេញរបស់អង់គ្លេសពីសហភាពអឺរ៉ុប នឹងកាន់តែកើនឡើងច្រើន។ មេដឹកនាំរូបនេះធ្លាប់សន្យារួចហើយថា បើលោកជាប់ឆ្នោតប្រជាមតិសម្រេចចាកចេញពីសហភាពអឺរ៉ុបឬអត់នឹងត្រូវរៀបចំឡើង។
គណបក្សអភិរក្សនិយមឈ្នះឆ្នោត ក្នុងការបោះឆ្នោតសាកល បញ្ជាក់ថា លោក ដេវីត ខេមេរ៉ូន នឹងបន្តកាន់តំណែងជានាយករដ្ឋមន្ត្រីអង់គ្លេសជាថ្មីទៀត។ ការជាប់ឆ្នោតជាថ្មីរបស់មេដឹកនាំបក្សអភិរក្សនិយម មិនមែនជារឿងសាមញ្ញទេ ដ្បិតមេដឹកនាំម្នាក់នេះ សន្យាជាមួយប្រជាជនខ្លួនថា លោកនឹងត្រលប់ទៅចរចាជាមួយមេដឹកនាំសហភាពអឺរ៉ុបផ្សេងទៀតពីទំនាក់ទំនងរវាងអង់គ្លេសនិងសហភាពអឺរ៉ុប ដើម្បីត្រួសត្រាយផ្លូវជូនរដ្ឋាភិបាលលោករៀបចំប្រជាមតិមួយសម្រេចពីជោគវាសនារបស់ចក្រភពអង់គ្លេសថាគួរបន្តនៅជាសមាជិកសហភាពអឺរ៉ុបឬយ៉ាងណានៅចុងឆ្នាំ ២០១៧ ខាងមុខ។
បើទោះជា នេះជាការរំពឹងទុកក៏ពិតមែន អ្នកជំនួញភាគច្រើននៅអង់គ្លេសចាប់ផ្តើមព្រួយបារម្ភខ្លាំងចំពោះលទ្ធភាពនៃការចាកចេញរបស់ចក្រភពអង់គ្លេសពីសហភាពអឺរ៉ុប។ តាមពិតទៅមិនមែននឹកឃើញចង់ចាកចេញ ចាកចេញស្រួលឯណា អង់គ្លេសខ្លួនឯងក៏ត្រូវគិតគូច្រើនពីផលលំបាកដែលខ្លួននឹងជួបប្រទះក្រោយការដើរចេញពីសហគមន៍រួមរវាងរដ្ឋអឺរ៉ុបនេះដែរ។ អ្វីដែលសំខាន់នោះយោងតាមទ្ធផលបោះឆ្នោតថ្ងៃ ៧ ឧសភាម្សិលមិញ គណបក្សអភិរក្សរបស់លោក ខេមេរ៉ូន មានលទ្ធភាពបង្កើតរដ្ឋាភិបាលដោយមិនត្រូវការដៃគូសម្រាប់បង្កើតរដ្ឋាភិបាលចម្រុះមកពីគណបក្សប្រជាធិបតេយ្យសេរីជាក្រុមដែលគាំទ្រសហភាពអឺរ៉ុបឡើយ។
តាមពិតទៅអង់គ្លេសតែងខឹងសម្បាររឿងជនអន្តោរប្រវេសន៍ និងអ្នកចំនូលស្រុកថ្មីៗពីអឺរ៉ុបខាងកើតដែលបន្តពពាក់ពពូនគ្នាមករស់នៅក្នុងប្រទេសអង់គ្លេស។ ការកើនឡើងនេះប៉ះពាល់ដល់ប្រជាជនអង់គ្លេសដែលអាចប្រឈមមុខនឹងការបាត់បង់ទីផ្សារការងារផង។ ក្នុងការឃោសនាបោះឆ្នោតកន្លងទៅនេះ គណបក្សអភិរក្សនិយមនេះ បានបង្ហាញចំណុចសំខាន់បួនធំៗដើម្បីត្រៀមចរចាជាមួយសហភាពអឺរ៉ុបក្នុងនោះមាន ទី១ ត្រៀមគ្រប់គ្រងជនអន្តោរប្រវេសន៍មកពីបណ្តាប្រទេសសហភាពអឺរ៉ុបផ្សេងទៀត។ ទី២ ទាមទារអំណាចដែលបែងចែកមិនបានច្បាស់លាស់ពីស្ថាប័នក្រុងប្រ៊ុយសែល។ ទី៣ កែទម្រង់ប្រព័ន្ធគ្រប់គ្រងដែលអនុញ្ញាតអោយសភាជាតិអង់គ្លេសទប់ស្កាត់មិនអនុវត្តច្បាប់សម្រេចដោយសហភាពអឺរ៉ុប។ និងទី៤ អង់គ្លេសនឹងបញ្ចប់ការប្រឹងប្រែងរបស់ខ្លួនក្នុងការជំរុញអោយមានការរួបរួមគ្នាក្នុងសហភាពអឺរ៉ុប។
ប៉ុន្តែយ៉ាងណាក៏ដោយអ្នកនយោបាយក្នុងបក្សអភិរក្សនេះមិនទាន់ស្រុះស្រួលគ្នានៅឡើយទេក្នុងការរៀបចំពីគោលជំហរ និងការទាមទាររបស់ខ្លួនពីសហភាពអឺរ៉ុប។ បើសិនជាលោក ខេមេរ៉ូន បរជ័យក្នុងការទាមទារអ្វីដែលលោកចង់បាន គេមិនរំពឹងថា អ្នកនយោបាយម្នាក់នេះមានលេសអ្វីដើម្បីបន្តសិ្ថតនៅជាមួយសហភាពអឺរ៉ុបឡើយ។ មានន័យថា បើទារអ្វីដែលខ្លួនចង់បានមិនបាន មានតែដើរចេញប៉ុណ្ណោះ ប៉ុន្តែលោក ខេមេរ៉ូន និងបក្សលោកយល់ច្បាស់ថាការខាតបង់មានកម្រិតណាបើ អង់គ្លេសចិត្តសឿងហ៊ានដើរចេញពីសហភាពអឺរ៉ុប៕
គណបក្សអភិរក្សនិយមឈ្នះឆ្នោត ក្នុងការបោះឆ្នោតសាកល បញ្ជាក់ថា លោក ដេវីត ខេមេរ៉ូន នឹងបន្តកាន់តំណែងជានាយករដ្ឋមន្ត្រីអង់គ្លេសជាថ្មីទៀត។ ការជាប់ឆ្នោតជាថ្មីរបស់មេដឹកនាំបក្សអភិរក្សនិយម មិនមែនជារឿងសាមញ្ញទេ ដ្បិតមេដឹកនាំម្នាក់នេះ សន្យាជាមួយប្រជាជនខ្លួនថា លោកនឹងត្រលប់ទៅចរចាជាមួយមេដឹកនាំសហភាពអឺរ៉ុបផ្សេងទៀតពីទំនាក់ទំនងរវាងអង់គ្លេសនិងសហភាពអឺរ៉ុប ដើម្បីត្រួសត្រាយផ្លូវជូនរដ្ឋាភិបាលលោករៀបចំប្រជាមតិមួយសម្រេចពីជោគវាសនារបស់ចក្រភពអង់គ្លេសថាគួរបន្តនៅជាសមាជិកសហភាពអឺរ៉ុបឬយ៉ាងណានៅចុងឆ្នាំ ២០១៧ ខាងមុខ។
បើទោះជា នេះជាការរំពឹងទុកក៏ពិតមែន អ្នកជំនួញភាគច្រើននៅអង់គ្លេសចាប់ផ្តើមព្រួយបារម្ភខ្លាំងចំពោះលទ្ធភាពនៃការចាកចេញរបស់ចក្រភពអង់គ្លេសពីសហភាពអឺរ៉ុប។ តាមពិតទៅមិនមែននឹកឃើញចង់ចាកចេញ ចាកចេញស្រួលឯណា អង់គ្លេសខ្លួនឯងក៏ត្រូវគិតគូច្រើនពីផលលំបាកដែលខ្លួននឹងជួបប្រទះក្រោយការដើរចេញពីសហគមន៍រួមរវាងរដ្ឋអឺរ៉ុបនេះដែរ។ អ្វីដែលសំខាន់នោះយោងតាមទ្ធផលបោះឆ្នោតថ្ងៃ ៧ ឧសភាម្សិលមិញ គណបក្សអភិរក្សរបស់លោក ខេមេរ៉ូន មានលទ្ធភាពបង្កើតរដ្ឋាភិបាលដោយមិនត្រូវការដៃគូសម្រាប់បង្កើតរដ្ឋាភិបាលចម្រុះមកពីគណបក្សប្រជាធិបតេយ្យសេរីជាក្រុមដែលគាំទ្រសហភាពអឺរ៉ុបឡើយ។
តាមពិតទៅអង់គ្លេសតែងខឹងសម្បាររឿងជនអន្តោរប្រវេសន៍ និងអ្នកចំនូលស្រុកថ្មីៗពីអឺរ៉ុបខាងកើតដែលបន្តពពាក់ពពូនគ្នាមករស់នៅក្នុងប្រទេសអង់គ្លេស។ ការកើនឡើងនេះប៉ះពាល់ដល់ប្រជាជនអង់គ្លេសដែលអាចប្រឈមមុខនឹងការបាត់បង់ទីផ្សារការងារផង។ ក្នុងការឃោសនាបោះឆ្នោតកន្លងទៅនេះ គណបក្សអភិរក្សនិយមនេះ បានបង្ហាញចំណុចសំខាន់បួនធំៗដើម្បីត្រៀមចរចាជាមួយសហភាពអឺរ៉ុបក្នុងនោះមាន ទី១ ត្រៀមគ្រប់គ្រងជនអន្តោរប្រវេសន៍មកពីបណ្តាប្រទេសសហភាពអឺរ៉ុបផ្សេងទៀត។ ទី២ ទាមទារអំណាចដែលបែងចែកមិនបានច្បាស់លាស់ពីស្ថាប័នក្រុងប្រ៊ុយសែល។ ទី៣ កែទម្រង់ប្រព័ន្ធគ្រប់គ្រងដែលអនុញ្ញាតអោយសភាជាតិអង់គ្លេសទប់ស្កាត់មិនអនុវត្តច្បាប់សម្រេចដោយសហភាពអឺរ៉ុប។ និងទី៤ អង់គ្លេសនឹងបញ្ចប់ការប្រឹងប្រែងរបស់ខ្លួនក្នុងការជំរុញអោយមានការរួបរួមគ្នាក្នុងសហភាពអឺរ៉ុប។
ប៉ុន្តែយ៉ាងណាក៏ដោយអ្នកនយោបាយក្នុងបក្សអភិរក្សនេះមិនទាន់ស្រុះស្រួលគ្នានៅឡើយទេក្នុងការរៀបចំពីគោលជំហរ និងការទាមទាររបស់ខ្លួនពីសហភាពអឺរ៉ុប។ បើសិនជាលោក ខេមេរ៉ូន បរជ័យក្នុងការទាមទារអ្វីដែលលោកចង់បាន គេមិនរំពឹងថា អ្នកនយោបាយម្នាក់នេះមានលេសអ្វីដើម្បីបន្តសិ្ថតនៅជាមួយសហភាពអឺរ៉ុបឡើយ។ មានន័យថា បើទារអ្វីដែលខ្លួនចង់បានមិនបាន មានតែដើរចេញប៉ុណ្ណោះ ប៉ុន្តែលោក ខេមេរ៉ូន និងបក្សលោកយល់ច្បាស់ថាការខាតបង់មានកម្រិតណាបើ អង់គ្លេសចិត្តសឿងហ៊ានដើរចេញពីសហភាពអឺរ៉ុប៕
© រក្សាសិទ្ធិដោយ thmeythmey.com
