ជប៉ុនទម្លាក់ចិនពីតំណែងម្ចាស់បំណុលធំបំផុតរបស់សហរដ្ឋអាមេរិក

សេដ្ឋកិច្ចអន្តរជាតិ

អន្តរជាតិ

ជប៉ុនទម្លាក់ចិនពីតំណែងម្ចាស់បំណុលធំបំផុតរបស់សហរដ្ឋអាមេរិក

13, May 2015 , 9:19 am

រូបភាព

ដោយ:

គិតត្រឹមខែកុម្ភៈ ឆ្នាំ ២០១៥ ប្រទេសជប៉ុនបានកាន់កាប់ប័ណ្ណបំណុលរតនគារអាមេរិក ចំនួន ១២២៤,៤ ពាន់លានដុល្លារ ដោយបានទម្លាក់ប្រទេសចិនពីតំណែងម្ចាស់បំណុលធំបំផុត របស់អាមេរិក ដែលបច្ចុប្បន្នបានកាន់កាប់ប័ណ្ណរតនាគារអាមេរិក ១២២៣,៧ ពាន់លានដុល្លារនោះ។ នេះបើយោងតាមក្រសួងរតនាគារអាមេរិក ដែលបានចេញផ្សាយទិន្នន័យបំណុលរបស់ខ្លួនគិតត្រឹមខែកុម្ភៈ។

បើតាមក្រសួងរតនាគារអាមេរិក កម្រិតបំណុលដែលកាន់កាប់ដោយបរទេសសរុប បានធ្លាក់ចុះមកនៅត្រឹម៦១៦២,៨ ពាន់លានដុល្លារនៅត្រឹមខែកុម្ភៈបើធៀបទៅនឹង៦២១៩,៤ ពាន់ពាន់លានដុល្លារ កាលពីខែមករា ឆ្នាំ២០១៥ ។

ក្រៅពីប្រទេសជប៉ុន និងចិន សហរដ្ឋអាមេរិក ក៏មានម្ចាស់បំណុលធំៗជាច្រើនទៀតផងដែរ ដូចជាមជ្ឈមណ្ឌលធនាគារCaribbean ប្រទេសប៊ែលហ្សិក បណ្ដាប្រទេសអ្នកនាំចេញប្រេង ប្រទេសប្រេស៊ីល ស្វ៊ីស ចក្រភពអង់គ្លេស លុចហ្សំបួរ ហុងកុង តៃវ៉ាន់ អៀកឡង់ និងសិង្ហបុរីជាដើម។

សូមរំលឹកថា កាលពីឆ្នាំ ២០០៨ប្រទេសចិនបានវ៉ាដាច់ប្រទេសជប៉ុន ក្លាយជាអ្នកកាន់កាប់ប័ណ្ណបំណុលរបស់រដ្ឋាភិបាលអាមេរិកច្រើនជាងគេ ក្នុងខណៈពេលដែលរដ្ឋការលោក អូបាម៉ា ត្រូវការខ្ចីប្រាក់ ដើម្បីផ្តល់ហិរញ្ញប្បទានជួយសង្គ្រោះឱនភាពថវិការបស់ខ្លួន នៅក្នុងឆ្នាំនោះ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

5 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

6 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

7 ថ្ងៃ

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

5 ម៉ោង

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

1 ថ្ងៃ

អត្ថបទពេញនិយមបន្ថែម