ជាតិ
លោក ញូង សាមឿន មន្ត្រីលីកាដូប្រចាំខេត្តកំពង់ធំ
×![]()
កំពង់ធំ៖ នាប៉ុន្មានខែក្នុងឆ្នាំ២០១៥ ករណីរំលោភបំពានសិទ្ធិមនុស្សក្នុងខេត្តកំពង់ធំ នៅតែបន្តកើតមានដដែលដូចជា ករណីអំពើហិង្សាក្នុងគ្រួសារ ការរំលោភយកដីធ្លីរបស់ប្រជាជនពីជនមានអំណាចជាដើម។ ក្រៅពីនេះ ក៏មានករណីប្រព្រឹត្តអំពើហិង្សាលើប្រជាពលរដ្ឋពីសំណាក់សមត្ថកិច្ច អំឡុងពេលបុណ្យចូលឆ្នាំខែ្មរដែលទើបតែកន្លងទៅថ្មីៗនេះដែរ។ សម្រាប់អ្នកសង្កេតការណ៍សិទ្ធិមនុស្ស ករណីចុងរក្រោយនេះ ត្រូវបានចាត់ទុកជាសញ្ញាមិនល្អមួយ។
បញ្ហារំលោភសិទ្ធិមនុស្សក្នុងខេត្តកំពង់ធំ មានប្រមាណជា៦០ករណីជារៀងរាល់ឆ្នាំ។ នេះបើតាមរបាយការណ៍ពីអង្គការសិទ្ធិមនុស្សលីកាដូប្រចាំខេត្តកំពង់ធំ ដែលបញ្ជាក់ដោយលោក ញូង សាមឿន។ មន្ត្រីការពារសិទ្ធិមនុស្សរូបនេះបានប្រាប់ថា នៅក្នុងខេត្តកំពង់ធំ ការរំលោភសិទ្ធិមនុស្ស នៅតែកើតមានក្នុងរង្វង់ពី៤ទៅ៥ករណីជារៀងរាល់ខែ។
មន្ត្រីលីកាដូដដែលបានប្រាប់ឲ្យដឹងថា ក្នុងចំណោមករណីហិង្សាដែលបានកើតឡើងក្នុងរយៈពេលដើមឆ្នាំនេះ មានករណីសមត្ថកិច្ចប្រព្រឹត្តហិង្សាលើពលរដ្ឋ ដែលជានេះករណីគួរព្រួយបារម្ភ ដោយសារតែអ្នកបង្កហិង្សាគឺជាអ្នកអនុវត្តច្បាប់។
«ករណីទី១ គឺនៅភូមិបន្ទាយចាស់ ឃុំត្នោតជុំ ស្រុកបារាយណ៍។ នេះជាករណីដែលប៉ូលិសប៉ុស្តិ៍ បានប្រើហិង្សាមកមកលើពលរដ្ឋ ដោយយកខ្នោះវាយ ធ្វើឱ្យបែកមុខមាត់ ពេលរាំកម្សាន្តក្នុងឱកាសចូលឆ្នាំថ្មី។ ករណីទី២ គឺកើតឡើងដោយប៉ូលិសប៉ុស្តិ៍ភូមិសំព្រោច ស្រុកស្ទោង ខេត្តកំពង់ធំដែលប្រើហិង្សា ធ្វើឲ្យ ពលរដ្ឋរងគ្រោះ បែកប្លោកនោម ហើយកំពុងតែសម្រាកព្យាបាលនៅមន្ទីរពេទ្យខេត្ត»។ នេះជាការរៀបរាប់របស់លោក ញូង សាមឿន ដែលបញ្ជាក់បន្ថែមថា ចំពោះហិង្សាទាំង២នេះ ត្រូវបានអង្គការ លីកាដូ ចុះធ្វើអន្តរាគមន៍ និងបានបញ្ចូនករណីទាំង២ ឱ្យទៅខាងតុលាការខេត្ត ស៊ើបអង្កេតដើម្បីចាត់ការបន្ត។
ចំពោះមន្ត្រីលីកាដូដដែល ករណីហិង្សាមកលើប្រជាជន ពីសំណាក់សមត្ថកិច្ច មិនគួរកើតឡើងនោះទេ ព្រោះសមត្ថកិច្ចជាអ្នកគោរពច្បាប់ ដែលមិនគួររំលោភបំពានច្បាប់ដែរ។ លោកបាននិយាយទៀតថា ពីមុនៗធ្លាប់កើតមានមែន ប៉ុន្តែមិនគួរកើតឡើងនាពេលថ្មីនេះទេ ព្រោះសមត្ថកិច្ចក៏ដូចជាប្រជាពលរដ្ឋបច្ចុប្បន្ន មានការយល់ដឹងច្រើនជាងមុន។ លោកបន្តថា អាជ្ញាធរត្រូវមាននិតិវិធី ដើម្បីដោះស្រាយបញ្ហាជាមួយប្រជាពលរដ្ឋ បើទោះបីប្រជាពលរដ្ឋធ្វើខុសខ្លះៗក៏ដោយ៕
បញ្ហារំលោភសិទ្ធិមនុស្សក្នុងខេត្តកំពង់ធំ មានប្រមាណជា៦០ករណីជារៀងរាល់ឆ្នាំ។ នេះបើតាមរបាយការណ៍ពីអង្គការសិទ្ធិមនុស្សលីកាដូប្រចាំខេត្តកំពង់ធំ ដែលបញ្ជាក់ដោយលោក ញូង សាមឿន។ មន្ត្រីការពារសិទ្ធិមនុស្សរូបនេះបានប្រាប់ថា នៅក្នុងខេត្តកំពង់ធំ ការរំលោភសិទ្ធិមនុស្ស នៅតែកើតមានក្នុងរង្វង់ពី៤ទៅ៥ករណីជារៀងរាល់ខែ។
មន្ត្រីលីកាដូដដែលបានប្រាប់ឲ្យដឹងថា ក្នុងចំណោមករណីហិង្សាដែលបានកើតឡើងក្នុងរយៈពេលដើមឆ្នាំនេះ មានករណីសមត្ថកិច្ចប្រព្រឹត្តហិង្សាលើពលរដ្ឋ ដែលជានេះករណីគួរព្រួយបារម្ភ ដោយសារតែអ្នកបង្កហិង្សាគឺជាអ្នកអនុវត្តច្បាប់។
«ករណីទី១ គឺនៅភូមិបន្ទាយចាស់ ឃុំត្នោតជុំ ស្រុកបារាយណ៍។ នេះជាករណីដែលប៉ូលិសប៉ុស្តិ៍ បានប្រើហិង្សាមកមកលើពលរដ្ឋ ដោយយកខ្នោះវាយ ធ្វើឱ្យបែកមុខមាត់ ពេលរាំកម្សាន្តក្នុងឱកាសចូលឆ្នាំថ្មី។ ករណីទី២ គឺកើតឡើងដោយប៉ូលិសប៉ុស្តិ៍ភូមិសំព្រោច ស្រុកស្ទោង ខេត្តកំពង់ធំដែលប្រើហិង្សា ធ្វើឲ្យ ពលរដ្ឋរងគ្រោះ បែកប្លោកនោម ហើយកំពុងតែសម្រាកព្យាបាលនៅមន្ទីរពេទ្យខេត្ត»។ នេះជាការរៀបរាប់របស់លោក ញូង សាមឿន ដែលបញ្ជាក់បន្ថែមថា ចំពោះហិង្សាទាំង២នេះ ត្រូវបានអង្គការ លីកាដូ ចុះធ្វើអន្តរាគមន៍ និងបានបញ្ចូនករណីទាំង២ ឱ្យទៅខាងតុលាការខេត្ត ស៊ើបអង្កេតដើម្បីចាត់ការបន្ត។
ចំពោះមន្ត្រីលីកាដូដដែល ករណីហិង្សាមកលើប្រជាជន ពីសំណាក់សមត្ថកិច្ច មិនគួរកើតឡើងនោះទេ ព្រោះសមត្ថកិច្ចជាអ្នកគោរពច្បាប់ ដែលមិនគួររំលោភបំពានច្បាប់ដែរ។ លោកបាននិយាយទៀតថា ពីមុនៗធ្លាប់កើតមានមែន ប៉ុន្តែមិនគួរកើតឡើងនាពេលថ្មីនេះទេ ព្រោះសមត្ថកិច្ចក៏ដូចជាប្រជាពលរដ្ឋបច្ចុប្បន្ន មានការយល់ដឹងច្រើនជាងមុន។ លោកបន្តថា អាជ្ញាធរត្រូវមាននិតិវិធី ដើម្បីដោះស្រាយបញ្ហាជាមួយប្រជាពលរដ្ឋ បើទោះបីប្រជាពលរដ្ឋធ្វើខុសខ្លះៗក៏ដោយ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
11 ម៉ោង
