ជាតិ
សង្គមជាតិ
សង្គមស៊ីវិលរិះគន់លើការដាក់ទោសលើអ្នកប្រឡងបាក់ឌុបក្នុងឆ្នាំនេះថាធ្ងន់ធ្ងរ
×![]()
ដោយ: ថ្មីៗ
សង្គមស៊ីវិលរិះគន់យ៉ាងខ្លាំងទៅលើវិធានការដាក់ទោសដែលសម្រេចដោយក្រសួងអប់រំនិងអង្គភាពប្រឆាំងអំពើពុករលួយ។ ស្ថាប័នទាំងពីរដែលបន្តសហការគ្នាប្រឆាំងអំពើពុករលួយក្នុងពេលប្រឡងបាក់ឌុប បានសម្រេចដាក់ទោសពន្ធនាគារលើមន្ត្រីអប់រំដែលប្រព្រឹត្តិអំពើពុករលួយ និងទម្លាក់ដោយស្វយប្រវត្ត បេក្ខជនដែលសូកប៉ាន់ និងលួចចម្លងសំណៅមេរៀន។
ក្រុមសង្គមស៊ីវិលបានរិះគន់វិធានការរបស់ក្រសួងអប់រំ និងអង្គភាពប្រឆាំងអំពើពុករលួយថាមានលក្ខណៈធ្ងន់ធ្ងរខ្លាំង ដែលសម្រេចដាក់ទោសពន្ធនាគារលើមន្ត្រីអប់រំដែលប្រព្រឹត្តិអំពើពុករលួយ និងទម្លាក់ដោយស្វយប្រវត្ត បេក្ខជនដែលសូកប៉ាន់ និងលួចចម្លងសំណៅមេរៀននោះ។
ប្រធានស្ដីទីសមាគមគ្រូបង្រៀនកម្ពុជាឯករាជ្យអ្នកស្រី អ៊ុក ឆាយ៉ាវី បានថ្លែងប្រាប់វិទ្យុស្ដ្រីនៅថ្ងៃនេះថា អ្នកស្រីមិនអាចទទួលយកការដាក់ទោសបែបនេះពីស្ថាប័នរដ្ឋទាំងពីរនេះឡើយ។
អ្នកស្រី អ៊ុក ឆាយ៉ាវី មានប្រសាសន៍បន្ដថា បើសិនជាក្រសួងអប់រំឬអង្គភាពប្រឆាំងអំពើពុករលួយចង់អនុវត្តវិធានការបែបនេះមែន ពួកគេគួរតែស្វែងយល់ពីស្ថានភាពនិងជីវភាពរបស់គ្រូនិងសិស្សទាំងនោះជាមុនសិន។
ស្រដៀងគ្នានេះដែរសមាជិកនៃសម្ព័ន្ធភាពប្រជាពលរដ្ឋអ្នកសម្របសម្រួលបណ្ដាញរួបរួមដើម្បីគណនេយ្យភាពសង្គមប្រចាំតំបន់អាស៊ីប៉ាស៊ីហ្វិចលោក សន ជ័យ បានមានប្រសាសន៍ថាការដាក់ទោសពន្ធនាគារទៅលើសិស្ស ឬគ្រូបង្រៀននេះមានសភាពធ្ងន់ធ្ងរ។ លោកថាបើយើងប្រៀបធៀបជាមួយអ្នកដែលកាប់បំផ្លាញព្រៃឈើឬអ្នកបំផ្លាញបរិស្ថានលោកយល់ថាអ្នកទាំងនោះគួរតែចាំបាច់ជាង។ហើយបើចំនុចដែលក្រសួងអប់រំឬអង្គភាពប្រឆាំងអំពើពុករលួយចង់អោយមានតម្លាភាពចំពោះការប្រឡងនោះ គ្រាន់តែដាក់ទោសពិន័យបែបរដ្ឋបាលក៏អាចជាសញ្ញាមួយធ្វើអោយប្រព័ន្ធអប់រំមានតម្លាភាពបែបដែរ។
ឆ្លើយតបនឹងប្រតិកម្មរបស់សង្គមស៊ីវិលអនុប្រធានអង្គភាពប្រឆាំងអំពើពុករលួយលោក ឃាង សេង បានចាត់ទុកការអត្ថាធិប្បាយរបស់សង្គមស៊ីវិលថា ជាសិទ្ធិរបស់ពួកគេ ប៉ុន្តែលោកពន្យល់បន្ថែមថា អ្វីដែលអង្គភាពប្រឆាំងអំពើពុករលួយបានសម្រេច ក៏ព្រោះតែចង់ឲ្យវិស័យអប់រំមានតម្លាភាពនិងយុត្តិធម៌។លោកបន្ដថាមកដល់ពេលនេះខាងលោកមិនទាន់ចាប់ដាក់អ្នកណាម្នាក់ដាក់ពន្ធនាគានោះទេ។លោកឃាងសេងបន្ថែមថាកន្លងមកប្រភេទនៃការដាក់ទោសពិន័យសំរាប់អ្នកលួចចម្លងឯកសារឬអ្នកទទួលយកលុយសិស្ស ក្នុងពេលប្រឡងគឺជាទោសព្យួរទាំងអស់៕
ក្រុមសង្គមស៊ីវិលបានរិះគន់វិធានការរបស់ក្រសួងអប់រំ និងអង្គភាពប្រឆាំងអំពើពុករលួយថាមានលក្ខណៈធ្ងន់ធ្ងរខ្លាំង ដែលសម្រេចដាក់ទោសពន្ធនាគារលើមន្ត្រីអប់រំដែលប្រព្រឹត្តិអំពើពុករលួយ និងទម្លាក់ដោយស្វយប្រវត្ត បេក្ខជនដែលសូកប៉ាន់ និងលួចចម្លងសំណៅមេរៀននោះ។
ប្រធានស្ដីទីសមាគមគ្រូបង្រៀនកម្ពុជាឯករាជ្យអ្នកស្រី អ៊ុក ឆាយ៉ាវី បានថ្លែងប្រាប់វិទ្យុស្ដ្រីនៅថ្ងៃនេះថា អ្នកស្រីមិនអាចទទួលយកការដាក់ទោសបែបនេះពីស្ថាប័នរដ្ឋទាំងពីរនេះឡើយ។
អ្នកស្រី អ៊ុក ឆាយ៉ាវី មានប្រសាសន៍បន្ដថា បើសិនជាក្រសួងអប់រំឬអង្គភាពប្រឆាំងអំពើពុករលួយចង់អនុវត្តវិធានការបែបនេះមែន ពួកគេគួរតែស្វែងយល់ពីស្ថានភាពនិងជីវភាពរបស់គ្រូនិងសិស្សទាំងនោះជាមុនសិន។
ស្រដៀងគ្នានេះដែរសមាជិកនៃសម្ព័ន្ធភាពប្រជាពលរដ្ឋអ្នកសម្របសម្រួលបណ្ដាញរួបរួមដើម្បីគណនេយ្យភាពសង្គមប្រចាំតំបន់អាស៊ីប៉ាស៊ីហ្វិចលោក សន ជ័យ បានមានប្រសាសន៍ថាការដាក់ទោសពន្ធនាគារទៅលើសិស្ស ឬគ្រូបង្រៀននេះមានសភាពធ្ងន់ធ្ងរ។ លោកថាបើយើងប្រៀបធៀបជាមួយអ្នកដែលកាប់បំផ្លាញព្រៃឈើឬអ្នកបំផ្លាញបរិស្ថានលោកយល់ថាអ្នកទាំងនោះគួរតែចាំបាច់ជាង។ហើយបើចំនុចដែលក្រសួងអប់រំឬអង្គភាពប្រឆាំងអំពើពុករលួយចង់អោយមានតម្លាភាពចំពោះការប្រឡងនោះ គ្រាន់តែដាក់ទោសពិន័យបែបរដ្ឋបាលក៏អាចជាសញ្ញាមួយធ្វើអោយប្រព័ន្ធអប់រំមានតម្លាភាពបែបដែរ។
ឆ្លើយតបនឹងប្រតិកម្មរបស់សង្គមស៊ីវិលអនុប្រធានអង្គភាពប្រឆាំងអំពើពុករលួយលោក ឃាង សេង បានចាត់ទុកការអត្ថាធិប្បាយរបស់សង្គមស៊ីវិលថា ជាសិទ្ធិរបស់ពួកគេ ប៉ុន្តែលោកពន្យល់បន្ថែមថា អ្វីដែលអង្គភាពប្រឆាំងអំពើពុករលួយបានសម្រេច ក៏ព្រោះតែចង់ឲ្យវិស័យអប់រំមានតម្លាភាពនិងយុត្តិធម៌។លោកបន្ដថាមកដល់ពេលនេះខាងលោកមិនទាន់ចាប់ដាក់អ្នកណាម្នាក់ដាក់ពន្ធនាគានោះទេ។លោកឃាងសេងបន្ថែមថាកន្លងមកប្រភេទនៃការដាក់ទោសពិន័យសំរាប់អ្នកលួចចម្លងឯកសារឬអ្នកទទួលយកលុយសិស្ស ក្នុងពេលប្រឡងគឺជាទោសព្យួរទាំងអស់៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ម៉ោង
