ជាតិ
សង្គមជាតិ
×![]()
ដោយ: ថ្មីៗ
ក្រសួងវប្បធម៌ និងវិចិត្រសិល្បៈចាប់ផ្តើមពង្រឹងច្បាប់យ៉ាងតឹងរឹងក្នុងការដាក់ទោសអ្នកដែលលួចចម្លងឌីសក្លែងក្លាយ ដែលអាចជាប់ព័ន្ធធនាគារចាប់ពី១ឆ្នាំដល់២ឆ្នាំ នៅឆ្នាំ២០១៥នេះ។ នេះបើតាមការចុះផ្សាយរបស់ទីភ្នាក់ងារសារពត៌មានកម្ពុជាAKP ។
បើតាម AKP ដែលបានស្រង់សម្តីលោក គង់ កាន់តារា អនុរដ្ឋលេខាធិការ ក្រសួងវប្បធម៌និងវិចិត្រសិល្បៈ ក្នុងឆ្នាំ២០១៥ នេះតាមការកត់សម្គាល់លើការចរាចរឌីសអាសអាភាសគឺមាន ការថយចុះខ្លាំងខណៈឌីសលួចថតចម្លងក្លែងក្លាយ ដែលបានដាក់លក់នៅលើទីផ្សារមានការថយចុះតែបន្ដិចបន្ដួច។ លោកគង់កាន់តារា បានបញ្ជាក់ថា កន្លងមកការអនុវត្ដទៅលើអ្នកប្រព្រឹត្ដដោយយោង ទៅលើអនុក្រឹត្យលេខ៦៣ គឺមិនបានដាក់ទោសទណ្ឌបញ្ចូនជនល្មើសទៅតុលាការអ្វីនោះទេ ប៉ុន្ដែចាប់ពីពេលនេះតទៅអ្នកដែលបានលួចថតចម្លងឌីសក្លែងក្លាយត្រូវអនុវត្ដន៍តាមច្បាប់ស្ដីពីសិទ្ធិអ្នកនិពន្ធ និងសិទ្ធិប្រហាក់ប្រហែលដោយតុលាការអាចចោទប្រកាន់ដាក់ពន្ធធនាគារចាប់ពី១ឆ្នាំដល់២ឆ្នាំ។
លោកគង់ កាន់តារា បានកត់សម្គាល់ថា ការចុះបង្ក្រាបឌីសក្លែងក្លាយកន្លងមកប្រៀបបានទៅនឹងការវែកចកនៅក្នុងបឹង បើទោះបីជាសមត្ថកិច្ចខិតខំប្រឹងប្រែង ក្នុងការបង្ក្រាបយ៉ាងណាក៏ដោយ ជនល្មើសហាក់បីដូចជាមិនសូវ រាងចាល និងបន្ដលួចធ្វើសកម្មភាពនៅដដែល ដោយមិនខ្លាចញញើតនឹងច្បាប់ឡើយ ។
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ម៉ោង
