ជាតិ
សង្គមជាតិ
នាយករដ្ឋមន្ត្រីឲ្យថវិកាផ្ទាល់ខ្លួនដល់ជ័យលាភីរូបវិទ្យាអូឡាំព្យាដ ម្នាក់ៗចំនួន៣ពាន់ដុល្លារ
×![]()
×![]()
ដោយ: ថ្មីៗ
ភ្នំពេញ៖ លោក ហ៊ុន សែន បានប្រគល់ថវិកាផ្ទាល់ខ្លួនដល់យុវសិស្សជ័យលាភីមេដាយសំរិទ្ធ និងកិត្តិយសទាំងពីររូបក្នុងម្នាក់ៗថវិកាចំនួន៣ពាន់ដុល្លាអាមេរិក នៅថ្ងៃទី១៨ ឧសភា។ នេះបើតាមការផ្សាយរបស់ទូរទស្សន៍ជាតិកម្ពុជា (ទទក)។
បើតាម TVK លោក ហ៊ុន សែនបានអនុញ្ញាតឲ្យសិស្សជ័យលាភីមេដាយសំរិទ្ធ យុវសិស្ស ហេង សូវីរ៉ូ ភេទប្រុស សិស្សថ្នាក់ទី១២នៃវិទ្យាល័យបាក់ទូក និងយុវសិស្ស ប្រាក់ ស៊ីវហួរ ភេទស្រីរៀននៅវិទ្យាល័យ មង្គលបុរី ខេត្តបន្ទាយមានជ័យ បាននូវរង្វាន់កិត្តិយសពីការប្រកួតរូបវិទ្យាអូឡាំព្យាដទ្វីបអាស៊ីនៅប្រទេសចិនចូលជួបសំណេះសំណាលនិងសំដែងការគួរសម។ នាជំនួបក្នុងទីស្តីការគណៈរដ្ឋមន្ត្រីនោះ លោកនាយករដ្ឋមន្ត្រីបានប្រគល់ថវិកាផ្ទាល់ខ្លួន ដល់យុវសិស្សជ័យលាភីទាំងពីររូបក្នុងម្នាក់ៗថវិកាចំនួន៣ពាន់ដុល្លាអាមេរិក។
បន្ទាប់ពីលោកនាយករដ្ឋមន្ត្រី ហ៊ុន សែន បានជួបសំណេះសំណាលជាមួយកីឡាករកីឡាការិនីជម្រើសជាតិកម្ពុជាចំនួនចំនួន២៥៨រូបដែលនឹងទៅចូលរួមកីឡាស៊ីហ្កេមលើកទី២៨នៅប្រទេសសឹង្ហបុរីខាងមុខគួរបញ្ជាក់ថា ក្រសួងអប់រំ យុវជន និងកីឡាបានបញ្ជូនគ្រួដឹកនាំ២រូប និងបេក្ខជន៥រូបទៅចូលរួមក្នុងការប្រឡងរូបវិទ្យាអូឡាំព្យាដ ទ្វីបអាស៊ីលើកទី១៦ ដែលបានប្រព្រឹត្តទៅពីថ្ងៃទី៣ដល់ថ្ងៃទី១១ ខែឧសភាឆ្នាំ២០១៥ នៅទីក្រុងHangzhou ខេត្តZhejiang ប្រទេសចិនដែលមានបេក្ខជនចូលរួមជាង ២០០នាក់ មកពី២៥ប្រទេស។
ជាលទ្ធផលយុវសិស្សកម្ពុជា ចំនួន២រូប ទទួលបានក្នុងនោះយុវសិស្ស ហេង សូវីរ៉ូ ភេទប្រុសរៀននៅវិទ្យាល័យ បាក់ទូក រាជធានីភ្នំពេញ ទទួលបានមេដាយសំរិទ្ធ និងយុវសិស្សប្រាក់ ស៊ីវហួរ ភេទស្រី រៀននៅវិទ្យាល័យ មង្គលបុរី ខេត្តបន្ទាយមានជ័យទទួលបានពានរង្វាន់ កិត្តិយស។
បើតាមប្រភពខាងលើ ក្រសួងអប់រំ គ្រោងនឹងបញ្ជូនគ្រួដឹកនាំ២រូប និងបេក្ខជន កម្ពុជា៥រូប ទៅចូលរួមប្រឡង រូបវិទ្យាអូឡាំព្យាដអន្តរជាតិ លើកទី៤៦ ពីថ្ងៃទី២ ដល់ថ្ងៃទី១១ ខែកក្កដាឆ្នាំ២០១៥នៅប្រទេសឥណ្ឌា។ ជាងនេះ ក្រសួងគ្រោងនឹងបញ្ជូនគ្រូដឹកនាំ២រូបនិងបេក្ខជនកម្ពុជា ចំនួន៦រូប ទៅចូលរួមប្រឡង គណិតវិទ្យា អូឡាំព្យាដអន្តរជាតិ ពីថ្ងៃទី៤ ដល់ថ្ងៃទី១៦ ខែកក្កដាឆ្នាំ២០១៥ នៅប្រទេសថៃ។
តាម TVK អតីតជ័យលាភី សិស្សពូកែថ្នាក់ ជាតិរបស់កម្ពុជាចំនួន១៦៨នាក់ ត្រូវបានបញ្ជូនទៅចូលរួម ប្រឡងចំនួន១០ប្រភេទនៅក្រៅប្រទេសទាំង នៅថ្នាក់តំបន់ និងថ្នាក់អន្តរជាតិ ហើយបាននាំមកនូវកិត្តិយសជូនជាតិមាតុភូមិ ពោលគឺទទួលបានមេដាយមាស១គ្រឿង មេដាយប្រាក់១៤គ្រឿង មេដាយសំរិទ្ធ៣០គ្រឿង ពានរង្វាន់កិត្តិយស១៨គ្រឿង ពានរង្វាន់ល្អប្រសើរបំផុត១០គ្រឿង ពានរង្វាន់ល្អបំផុតក្នុងការប្រកួត២គ្រឿង ពានរង្វាន់កិត្តិយស៤គ្រឿង និងពានរង្វាន់អ្នកវិទ្យាសាស្ត្រវ័យក្មេង ដែលអាច នឹងមានជោគជ័យ បំផុតនាពេលអនាគតចំនួន២គ្រឿង៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ម៉ោង
