ជាតិ
សង្គមជាតិ
របាយការណ៍បឋម៖ ខ្យល់កន្ត្រាក់ម្សិលមិញខេត្តសៀមរាបប៉ះពាល់លំនៅដ្ឋានជិត៧០០ខ្នង
រូបភាព៖ ហ្វេសប៊ុក
×![]()
សៀមរាប៖ របាយការណ៍ជាបឋមរបស់អាជ្ញាធរខេត្តសៀមរាបបានឲ្យដឹងថា មានផ្ទះប្រជាពលរដ្ឋជិត៧០០ខ្នង បានរងគ្រោះដោយសារខ្យល់កន្ត្រាក់នៅល្ងាចថ្ងៃចន្ទម្សិលមិញ។ ក្នុងនោះ បង្គោលភ្លើងយ៉ាងហោចណាស់២៣ដើម បានបាក់ដួលរលំ ដែលធ្វើឲ្យចរន្តអគ្គិសនីនៅក្នុងក្រុង ត្រូវបានកាត់ផ្តាច់ អស់រយៈពេលខ្លីផងដែរ។
អាជ្ញាធរខេត្តសៀមរាប មិនទាន់សរុបរបាយការណ៍ ជុំវិញការដួលរំលំផ្ទះប្រជាពលរដ្ឋកាលពីថ្ងៃទី១៨ ឧសភា ម្សិលមិញនោះទេ។ យោងតាមរបាយការណ៍បឋម ដែលអ្នកសារព័ត៌មានទទួលបាន ផ្ទះប្រជាពលរដ្ឋនៅក្រុងសៀមរាបចំនួន ៦៥០ខ្នងរងការប៉ះពាល់ ក្នុងនោះ រលំទាំងស្រុងចំនួន ១២៤ខ្នង។ ក្រៅពីនោះ នៅស្រុកអង្គរធំ ផ្ទះចំនួន ៤៩ខ្នង បានដួលរលំទាំងស្រុង ហើយក៏មានករណីរន្ទះបាញ់ផងដែរ ប៉ុន្តែមិនបង្កគ្រោះថ្នាក់ដល់អាយុជីវិតនោះទេ។
បង្គោលភ្លើងចំនួន ២៣ដើម នៅបណ្តោយផ្លូវក្រវ៉ាត់ក្រុងសៀមរាប បានបាក់ដួលត្រេតដល់ដី ហើយដែលបានកាត់ផ្តាច់ការផ្គត់ផ្គង់អគ្គិសនីមួយរយៈផងដែរ កាលពីល្ងាចថ្ងៃដដែលនោះ។ អភិបាលរងខេត្តសៀមរាប លោក ម៉ៅ វុឌ្ឍី បានឲ្យដឹងថា ករណីខ្យល់កន្ត្រាក់ម្សិលមិញ ក៏បានបណ្តាលឲ្យផ្ទាំងប៉ាណូនៅមុខព្រលានយន្តហោះអន្តរជាតិសៀមរាប ដួលដល់ដីផងដែរ តែពុំបណ្តាលឲ្យអ្នកណារងគ្រោះទេ។ លោក ម៉ៅ វុឌ្ឍី ស្នើឲ្យពលរដ្ឋមានការប្រុងប្រយ័ត្នខ្ពស់ក្នុងរដូវវស្សានេះ ព្រោះថា ភ្លៀងលាយខ្យល់កន្ត្រាក់នៅឆ្នាំនេះ កាចសាហាវណាស់។
គួររម្លឹកថា នេះមិនមែនជាលើកទី១ទេ ដែលខេត្តសៀមរាប ជួបគ្រោះមហន្តរាយខ្យល់កន្ត្រាក់នេះ។ គេនៅចាំបានថា កាលពីថ្ងៃទី២២ មេសាកន្លងទៅ មានផ្ទះពលរដ្ឋប្រមាណ៣០០ខ្នង បានប៉ះពាល់ និងបង្គោលភ្លើងជាង២០ដើម បានបាក់នៅស្រុកពួក និងបណ្តាលឲ្យខេត្តសៀមរាបគ្មានអគ្គិសនីប្រើរយៈពេល៣ថ្ងៃ៕
អាជ្ញាធរខេត្តសៀមរាប មិនទាន់សរុបរបាយការណ៍ ជុំវិញការដួលរំលំផ្ទះប្រជាពលរដ្ឋកាលពីថ្ងៃទី១៨ ឧសភា ម្សិលមិញនោះទេ។ យោងតាមរបាយការណ៍បឋម ដែលអ្នកសារព័ត៌មានទទួលបាន ផ្ទះប្រជាពលរដ្ឋនៅក្រុងសៀមរាបចំនួន ៦៥០ខ្នងរងការប៉ះពាល់ ក្នុងនោះ រលំទាំងស្រុងចំនួន ១២៤ខ្នង។ ក្រៅពីនោះ នៅស្រុកអង្គរធំ ផ្ទះចំនួន ៤៩ខ្នង បានដួលរលំទាំងស្រុង ហើយក៏មានករណីរន្ទះបាញ់ផងដែរ ប៉ុន្តែមិនបង្កគ្រោះថ្នាក់ដល់អាយុជីវិតនោះទេ។
បង្គោលភ្លើងចំនួន ២៣ដើម នៅបណ្តោយផ្លូវក្រវ៉ាត់ក្រុងសៀមរាប បានបាក់ដួលត្រេតដល់ដី ហើយដែលបានកាត់ផ្តាច់ការផ្គត់ផ្គង់អគ្គិសនីមួយរយៈផងដែរ កាលពីល្ងាចថ្ងៃដដែលនោះ។ អភិបាលរងខេត្តសៀមរាប លោក ម៉ៅ វុឌ្ឍី បានឲ្យដឹងថា ករណីខ្យល់កន្ត្រាក់ម្សិលមិញ ក៏បានបណ្តាលឲ្យផ្ទាំងប៉ាណូនៅមុខព្រលានយន្តហោះអន្តរជាតិសៀមរាប ដួលដល់ដីផងដែរ តែពុំបណ្តាលឲ្យអ្នកណារងគ្រោះទេ។ លោក ម៉ៅ វុឌ្ឍី ស្នើឲ្យពលរដ្ឋមានការប្រុងប្រយ័ត្នខ្ពស់ក្នុងរដូវវស្សានេះ ព្រោះថា ភ្លៀងលាយខ្យល់កន្ត្រាក់នៅឆ្នាំនេះ កាចសាហាវណាស់។
គួររម្លឹកថា នេះមិនមែនជាលើកទី១ទេ ដែលខេត្តសៀមរាប ជួបគ្រោះមហន្តរាយខ្យល់កន្ត្រាក់នេះ។ គេនៅចាំបានថា កាលពីថ្ងៃទី២២ មេសាកន្លងទៅ មានផ្ទះពលរដ្ឋប្រមាណ៣០០ខ្នង បានប៉ះពាល់ និងបង្គោលភ្លើងជាង២០ដើម បានបាក់នៅស្រុកពួក និងបណ្តាលឲ្យខេត្តសៀមរាបគ្មានអគ្គិសនីប្រើរយៈពេល៣ថ្ងៃ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ម៉ោង
