ជាតិ
សង្គមជាតិ
×![]()
ដោយ: ធឿន បញ្ញាឬទិ្ធ
ឯកអគ្គរដ្ឋទូតសហភាពអឺរ៉ុប លោក ហ្សង់ ហ្វ្រង់ស័រកូតាន់ មានប្រសាសន៍ថា លោកនៅតែបន្ដជំហរគាំទ្រដល់វិធានការនានារបស់សង្គមស៊ីវិលនៅកម្ពុជា ដើម្បីទប់ស្កាត់ប្រយុទ្ធប្រឆាំងនិងការរើសអើង និងអំពើហិង្សាលើអ្នកស្រលាញ់ភេទដូចគ្នានៅកម្ពុជា។ ការថ្លែងបែបនេះធ្វើឡើងនៅក្នុងទិវាប្រឆាំងនឹងការរើសអើងអ្នកស្រលាញ់ភេទដូចគ្នា កាលពីថ្ងៃទី១៧ ឧសភា នៅសហភាពអឺរ៉ុប។
លោក ហ្សង់ ហ្វ្រង់ស័រកូតាន់ បានបន្ថែមថា ក្នុងរយៈពេលជាច្រើនឆ្នាំកន្លងមកនេះ ប្រទេសកម្ពុជាមានការវិវត្តផលវិជ្ជមានជាច្រើន ដូច្នេះសហភាពអឺរ៉ុប និងបន្ដការគាំទ្រ និងការចូលរួមចំណែករបស់ខ្លួនក្នុងការតស៊ូ ដើម្បីទាមទារសិទ្ធិរបស់បុគ្គលស្រលាញ់ភេទដូចគ្នា អ្នកប្ដូរភេទ និងអ្នកស្រលាញ់ទាំងពីរភេទនៅកម្ពុជា ហៅកាត់ថា (LGBT)។
ទាក់ទងនឹងបញ្ហានេះ កញ្ញា សាយ សៀកឡាយ ដែលជាអ្នកស្រលាញ់ភេទស្រីដូចគ្នា បានឲ្យដឹងថា កន្លងមក សៀកឡាយ ធ្លាប់ជួបនូវការលំបាកជាច្រើន ដូចជាការធ្វើទុក្ខបុកម្នេញផ្លូវចិត្ត និងការរើសអើងនៅក្នុងគ្រួសារ សាលារៀន និងតាមសហគមន៍ ដែលធ្វើឲ្យមានភាពទុកព្រួយ ភាពអស់សង្ឃឹម ទង្វើបែបធ្វើទារុណកម្មខ្លួនឯងជាដើម។
ជាមួយគ្នានេះឯកអគ្គរដ្ឋទូតស៊ុយអ៊ែតប្រចាំកម្ពុជា លោកស្រី Anna Hultgardមានប្រសាសន៍ថា លោកស្រីគាំទ្រនិងជំរុញ ឲ្យអ្នកស្រលាញ់ភេទដូចគ្នានៅកម្ពុជា ធ្វើការហែក្បួនក្នុងការទាមទារសិទ្ធិរបស់ពួកគេ កុំឲ្យមានការរើសអើង នៅក្នុងរយៈពេល២ឬ៣ឆ្នាំខាងមុខទៀត ដូចជាប្រទេសស៊ុយអែត ដែលធ្លាប់បានធ្វើការទាមទារកន្លងមក។ លោកស្រីបន្ថែមថា៖ «ខ្ញុំជឿជាក់ថាយើងទាំងអស់គ្នាពិតជាជឿជាក់ទៅលើសមភាព និងតម្លៃស្មើគ្នា នៅក្នុងនាមជាមនុស្សជាតិ»។
ទន្ទឹមនឹងនេះលោកស្រីឯកអគ្គរដ្ឋទូតស៊ុយអែត ក៏ជំរុញឲ្យរដ្ឋាភិបាលកម្ពុជា រដ្ឋសភា ចាំបាច់ត្រូវតែអនុម័តនូវច្បាប់ដើម្បីការពារប្រឆាំងនិងការរើសអើង អ្នកស្រលាញ់ភេទដូចគ្នានេះ និងបង្កើតស្ថាប័ននានាដើម្បីទទួលពាក្យបណ្ដឹង និងដោះស្រាយចំពោះបញ្ហាអ្នកស្រលាញ់ភេទដូគ្នា។
កន្លងមករដ្ឋាភិបាលកម្ពុជា រួមមានក្រសួងអប់រំ និងក្រសួងកិច្ចការនារី បាននឹងកំពុងយកចិត្តទុកដាក់យ៉ាងខ្លាំងដែរ ចំពោះការរើសអើងភេទនេះ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 នាទី
