ជាតិ
សង្គមជាតិ
×![]()
ដោយ: ថ្មីៗ
លិខិតមិត្តអ្នកអាន
បន្ទាប់ពីរដ្ឋាភិបាលផ្ទេរអាជីវកម្មបូមខ្សាច់ឲ្យក្រសួងរ៉ែ និងថាមពជាអ្នកគ្រប់គ្រងមក ការណ៍នេះធ្វើឲ្យអ្នករកស៊ីបូមខ្សាច់សាទរ និងសង្ឃឹមថា នីតិវិធីស្នើសុំ និងបែបបទផ្សេងៗ នឹងទទួលបានឆាប់រហ័ស និងមានប្រសិទ្ធិភាព។ ប៉ុន្តែក្តីសង្ឃឹមនេះ បានរលាយសាបដូចទឹក ពីអារម្មណ៍របស់អាជីវករបូមខ្សាច់។ ក្រសួងរ៉ែ និងថាមពល បានចុះទប់ស្កាត់បានការបូមខ្សាច់អាណាធិបតេយ្យ នៅតាមដងទន្លមេគង្គ ដោយស្នើសុំឲ្យអាជីវករទាំងអស់ ផ្អាកធ្វើអាជីវកម្មបណ្តោះអាសន្ត ដោយរង់ចាំក្រសួង ចុះសិក្សាពីផលប៉ះពាល់ សង្គម និងបរិស្ថាន ដោយត្រូវចំណាយពេលពី៣ ទៅ៦ខែ ។
ការសិក្សាដែលចំណាយពេលដ៏យូរនេះបានធ្វើឲ្យប៉ះពាល់ដល់អាជីករ និងអ្នកប្រើប្រាស់ខ្សាច់ ដែលតម្លៃខ្សាច់នៅពេលនោះ កើនដល់ជិត ២០ដុល្លារ ក្នុងមួយម៉ែត្រត្រីគុណ។ ដើម្បីឆ្លើយតបនឹងបញ្ហានេះក្រសួងបានសម្រច ផ្តល់អាជ្ញាបណ្ណឲ្យកំពង់ផែស្វ័យតក្រុងភ្នំពេញ ដើម្បីបូមស្តារផ្លូវទឹក និងផ្គត់ផ្គង់ខ្សាច់នៅលើទីផ្សារ ដោយមិនចាំបាច់ ដេញថ្លៃអ្វីទាំងអស់ ចំណែកអាជីវករផ្សេងៗទៀត ត្រូវរង់ចាំក្រសួងរៀបចំនីតិវិធីដេញថ្លៃ។ ការផ្តល់អាជ្ញាបណ្ណឲ្យកំពង់ផែស្វ័យតក្រុងភ្នំពេញ ដោយមិនបានដេញថ្លៃ បានធ្វើឲ្យមានជាចម្ងល់ និងការមិនសប្បាយចិត្តរបស់អាជីវករ ដោយចោទសួរថា ឯណាទៅតម្លាភាព និងភាពយុត្តិធម៌ សម្រាប់ការធ្វើអាជីវកម្មខ្សាច់?
នៅចុងខែមេសា ឆ្នាំ២០១៥ ក្រសួងបានប្រកាសដាក់ដេញថ្លៃជ្រើសរើសក្រុមហ៊ុនដើម្បីធ្វើអាជីវកម្មខ្សាច់ នៅតាមទន្លេមេគង្គចំនួន០៤ ឡូត៍ នៅតំបន់ប្រឡាយស្តៅ-តាឯក ស្ថិតក្នុងស្រុកកងមាស ខេត្តកំពង់ចាម និងស្រុកមុខកំពូល ស្រុកខ្សាច់កណ្តាល ខេត្តកណ្តាល ដែលដំណើរការនៃការបើកឯកសារដេញថ្លៃធ្វើឡើងនៅថ្ងៃទី២៩ ខែឧសភា ឆ្នាំ២០១៥ វេលាម៉ោង ១៥:០០នាទី។
នៅក្នុងនីតិវិធី និងលក្ខខណ្ឌគោល សម្រាប់កំណត់បុរេលក្ខណៈសម្បត្តិ និងបច្ចេកទេសពាក់ព័ន្ធនឹងការងារដាក់ដេញថ្លៃអាជីវកម្មខ្សាច់ និងការឆ្លើយបំភ្លឺរបស់មន្ត្រីជាន់ខ្ពស់របស់ក្រសួងបានបង្ហាញថា បើទោះបីជាអ្នកដេញថ្លៃដាក់តម្លៃប្រាក់អត្ថប្រយោជន៍បន្ថែមពីការធ្វើអាជីវកម្មធនធានរ៉ែខ្ពស់ជាងគេក៏ដោយ មិនប្រាកដថាទទួលបានជោគជ័យនោះទេ ក្រសួងត្រួវធ្វើការវាយតម្លៃលើកទី២ ទៅលើសមត្ថភាពបច្ចេកទេស ហិរញ្ញវត្ថុ និងប្រាក់អត្ថប្រយោជន៍បន្ថែម ដោយគណៈកម្មាធិការកំណត់បុរេលក្ខណសម្បត្តិវាយតម្លៃ និងប្រគល់កិច្ចសន្យា។
ចំណុចទាំងអស់នេះហើយដែលជាក្តីព្រួយបារម្ភរបស់អាជីវករសម្រាប់ដំណើរការនៃការដេញថ្លៃធ្វើអាជីវកម្មខ្សាច់ ក្នុងករណីដែលក្រសួងមិនចង់ឲ្យក្រុមហ៊ុនណាមួយទទួលបានជោគជ័យ ក្រសួងអាចយកលេសដោយចោទថាឯកសារនេះមិនគ្រប់គ្រាន់ ឬមិនសមស្រមទៅតាមលក្ខណៈបច្ចេកទេស។ ក្រសួងរ៉ែ និងថាមពល អាចទទួលលុយស៊ូកប៉ាន់ពីអាជីវករខ្លះ ជាថ្នូរដើម្បីផ្តល់អាជ្ញាបណ្ណបូមខ្សាច់ទៅម្ចាស់អាជីវកម្មបូមខ្សាច់ទាំងនោះ។
ទោះជាយ៉ាងណាក៏ដោយ មុននឹងចូលរួមដាក់ដេញថ្លៃ ក្រសួងតម្រូវឲ្យក្រុមហ៊ុនទិញពាក្យដាក់ដេញថ្លៃដែលមានតម្លៃ ៥០០ ដុល្លារក្នុងមួយច្បាប់ និងមានប្រាក់កក់ រហូតដល់ទៅ ៥០ ០០០ ដុល្លារអាមេរិច ទើបអាចចូលរួមដេញថ្លៃបាន។ ប្រសិនបើក្រុមហ៊ុនដែលចូលរួមដេញថ្លៃ បានផ្តល់ប្រាក់អត្ថប្រយោជន៍ខ្ពស់ជាងគេ ក្រសួងគួរតែផ្តល់លទ្ធភាពឲ្យក្រុមហ៊ុននោះ ធ្វើអាជីកម្មខ្សាច់សំណង់ ដោយមិនចាំបាច់យកលេស ត្រូវត្រួតពិនិត្យឯកសារនៅដំណាក់កាលទី២ នោះឡើយ។ បើក្នុងករណីដែលក្រុមហ៊ុន អនុវត្តទៅ មិនគោរពទៅតាមនីតិវិធី ឬការកំណត់របស់ក្រសួងរ៉ែ និងថាមពល ក្រសួងមានសិទ្ធ ដកយកប្រាក់កក់ ហើយប្រកាសដាក់ដេញថ្លៃម្តងទៀតបាន បើមិនដូចច្នេះទេ ឯណាទៅដែលហៅថាការដេញថ្លៃ ដែលប្រកបទៅដោយតម្លាភាព និងភាពត្រឹមត្រូវ?
បន្ទាប់ពីរដ្ឋាភិបាលផ្ទេរអាជីវកម្មបូមខ្សាច់ឲ្យក្រសួងរ៉ែ និងថាមពជាអ្នកគ្រប់គ្រងមក ការណ៍នេះធ្វើឲ្យអ្នករកស៊ីបូមខ្សាច់សាទរ និងសង្ឃឹមថា នីតិវិធីស្នើសុំ និងបែបបទផ្សេងៗ នឹងទទួលបានឆាប់រហ័ស និងមានប្រសិទ្ធិភាព។ ប៉ុន្តែក្តីសង្ឃឹមនេះ បានរលាយសាបដូចទឹក ពីអារម្មណ៍របស់អាជីវករបូមខ្សាច់។ ក្រសួងរ៉ែ និងថាមពល បានចុះទប់ស្កាត់បានការបូមខ្សាច់អាណាធិបតេយ្យ នៅតាមដងទន្លមេគង្គ ដោយស្នើសុំឲ្យអាជីវករទាំងអស់ ផ្អាកធ្វើអាជីវកម្មបណ្តោះអាសន្ត ដោយរង់ចាំក្រសួង ចុះសិក្សាពីផលប៉ះពាល់ សង្គម និងបរិស្ថាន ដោយត្រូវចំណាយពេលពី៣ ទៅ៦ខែ ។
ការសិក្សាដែលចំណាយពេលដ៏យូរនេះបានធ្វើឲ្យប៉ះពាល់ដល់អាជីករ និងអ្នកប្រើប្រាស់ខ្សាច់ ដែលតម្លៃខ្សាច់នៅពេលនោះ កើនដល់ជិត ២០ដុល្លារ ក្នុងមួយម៉ែត្រត្រីគុណ។ ដើម្បីឆ្លើយតបនឹងបញ្ហានេះក្រសួងបានសម្រច ផ្តល់អាជ្ញាបណ្ណឲ្យកំពង់ផែស្វ័យតក្រុងភ្នំពេញ ដើម្បីបូមស្តារផ្លូវទឹក និងផ្គត់ផ្គង់ខ្សាច់នៅលើទីផ្សារ ដោយមិនចាំបាច់ ដេញថ្លៃអ្វីទាំងអស់ ចំណែកអាជីវករផ្សេងៗទៀត ត្រូវរង់ចាំក្រសួងរៀបចំនីតិវិធីដេញថ្លៃ។ ការផ្តល់អាជ្ញាបណ្ណឲ្យកំពង់ផែស្វ័យតក្រុងភ្នំពេញ ដោយមិនបានដេញថ្លៃ បានធ្វើឲ្យមានជាចម្ងល់ និងការមិនសប្បាយចិត្តរបស់អាជីវករ ដោយចោទសួរថា ឯណាទៅតម្លាភាព និងភាពយុត្តិធម៌ សម្រាប់ការធ្វើអាជីវកម្មខ្សាច់?
នៅចុងខែមេសា ឆ្នាំ២០១៥ ក្រសួងបានប្រកាសដាក់ដេញថ្លៃជ្រើសរើសក្រុមហ៊ុនដើម្បីធ្វើអាជីវកម្មខ្សាច់ នៅតាមទន្លេមេគង្គចំនួន០៤ ឡូត៍ នៅតំបន់ប្រឡាយស្តៅ-តាឯក ស្ថិតក្នុងស្រុកកងមាស ខេត្តកំពង់ចាម និងស្រុកមុខកំពូល ស្រុកខ្សាច់កណ្តាល ខេត្តកណ្តាល ដែលដំណើរការនៃការបើកឯកសារដេញថ្លៃធ្វើឡើងនៅថ្ងៃទី២៩ ខែឧសភា ឆ្នាំ២០១៥ វេលាម៉ោង ១៥:០០នាទី។
នៅក្នុងនីតិវិធី និងលក្ខខណ្ឌគោល សម្រាប់កំណត់បុរេលក្ខណៈសម្បត្តិ និងបច្ចេកទេសពាក់ព័ន្ធនឹងការងារដាក់ដេញថ្លៃអាជីវកម្មខ្សាច់ និងការឆ្លើយបំភ្លឺរបស់មន្ត្រីជាន់ខ្ពស់របស់ក្រសួងបានបង្ហាញថា បើទោះបីជាអ្នកដេញថ្លៃដាក់តម្លៃប្រាក់អត្ថប្រយោជន៍បន្ថែមពីការធ្វើអាជីវកម្មធនធានរ៉ែខ្ពស់ជាងគេក៏ដោយ មិនប្រាកដថាទទួលបានជោគជ័យនោះទេ ក្រសួងត្រួវធ្វើការវាយតម្លៃលើកទី២ ទៅលើសមត្ថភាពបច្ចេកទេស ហិរញ្ញវត្ថុ និងប្រាក់អត្ថប្រយោជន៍បន្ថែម ដោយគណៈកម្មាធិការកំណត់បុរេលក្ខណសម្បត្តិវាយតម្លៃ និងប្រគល់កិច្ចសន្យា។
ចំណុចទាំងអស់នេះហើយដែលជាក្តីព្រួយបារម្ភរបស់អាជីវករសម្រាប់ដំណើរការនៃការដេញថ្លៃធ្វើអាជីវកម្មខ្សាច់ ក្នុងករណីដែលក្រសួងមិនចង់ឲ្យក្រុមហ៊ុនណាមួយទទួលបានជោគជ័យ ក្រសួងអាចយកលេសដោយចោទថាឯកសារនេះមិនគ្រប់គ្រាន់ ឬមិនសមស្រមទៅតាមលក្ខណៈបច្ចេកទេស។ ក្រសួងរ៉ែ និងថាមពល អាចទទួលលុយស៊ូកប៉ាន់ពីអាជីវករខ្លះ ជាថ្នូរដើម្បីផ្តល់អាជ្ញាបណ្ណបូមខ្សាច់ទៅម្ចាស់អាជីវកម្មបូមខ្សាច់ទាំងនោះ។
ទោះជាយ៉ាងណាក៏ដោយ មុននឹងចូលរួមដាក់ដេញថ្លៃ ក្រសួងតម្រូវឲ្យក្រុមហ៊ុនទិញពាក្យដាក់ដេញថ្លៃដែលមានតម្លៃ ៥០០ ដុល្លារក្នុងមួយច្បាប់ និងមានប្រាក់កក់ រហូតដល់ទៅ ៥០ ០០០ ដុល្លារអាមេរិច ទើបអាចចូលរួមដេញថ្លៃបាន។ ប្រសិនបើក្រុមហ៊ុនដែលចូលរួមដេញថ្លៃ បានផ្តល់ប្រាក់អត្ថប្រយោជន៍ខ្ពស់ជាងគេ ក្រសួងគួរតែផ្តល់លទ្ធភាពឲ្យក្រុមហ៊ុននោះ ធ្វើអាជីកម្មខ្សាច់សំណង់ ដោយមិនចាំបាច់យកលេស ត្រូវត្រួតពិនិត្យឯកសារនៅដំណាក់កាលទី២ នោះឡើយ។ បើក្នុងករណីដែលក្រុមហ៊ុន អនុវត្តទៅ មិនគោរពទៅតាមនីតិវិធី ឬការកំណត់របស់ក្រសួងរ៉ែ និងថាមពល ក្រសួងមានសិទ្ធ ដកយកប្រាក់កក់ ហើយប្រកាសដាក់ដេញថ្លៃម្តងទៀតបាន បើមិនដូចច្នេះទេ ឯណាទៅដែលហៅថាការដេញថ្លៃ ដែលប្រកបទៅដោយតម្លាភាព និងភាពត្រឹមត្រូវ?
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 នាទី
