អន្តរជាតិ
នយោបាយអន្តរជាតិ
លោក ហ៊ុន សែន បញ្ជាឲ្យសវនករជាតិផ្សព្វផ្សាយរបាយការណ៍ឲ្យទាន់ពេលវេលា ដោយមិនបាច់សុំយោបល់
× លោកនាយករដ្ឋមន្ត្រី ហ៊ុន សែន បញ្ជាឲ្យសវនករជាតិទាំងអស់ ផ្សព្វផ្យាយរបាយការណ៍នៅតាមក្រសួងរបស់ខ្លួនជាសាធារណៈ ដោយមិនចាំបាច់សុំយោបល់ពីរូបលោក មុននឹងផ្សព្វផ្សាយនោះទេ។ថ្លែងក្នុងកិច្ចប្រជុំត្រួតពិនិត្យប្រចាំឆ្នាំនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ កាលពីថ្ងៃពុធ ប្រមុខរដ្ឋាភិបាលកម្ពុជា បានបញ្ជាសវនករគ្រប់ក្រសួង និងស្ថាប័ន ត្រូវរៀបចំប្រព័ន្ធរបាយការណ៍ហិរញ្ញវត្ថុត្រឹមត្រូវ សុក្រិតឲ្យទាន់ពេលវេលា ទៅតាមស្ដង់ដាររបស់រដ្ឋាភិបាល«មិនមានការចាំបាច់សុំយោបល់នាយករដ្ឋមន្ត្រី ថាតើត្រូវផ្សព្វផ្សាយ ឬមិនផ្សព្វផ្សាយទេ។ រឿងនេះវាត្រូវតែផ្សព្វផ្សាយ ព្រោះយើងធ្វើការដោយអត់មានការបិទបាំងអ្វីទាំងអស់ មិនចាំបាច់មករវល់ដល់នាយករដ្ឋមន្ត្រីទេ។ បានសេចក្ដីថា ធ្វើសវនកម្មហើយតម្រូវឲ្យផ្សព្វផ្សាយ គឺផ្សព្វផ្សាយទៅ កុំឲ្យមានការយឺតយ៉ាវ»។ នេះជាការបញ្ជារបស់លោក ហ៊ុន សែន ដែលកំពុងតែឆ្លើយតបទៅនឹងឯកអគ្គរដ្ឋទូតសហភាពអឺរ៉ុប លោក ហ្សង់ ហ្វង់ស័រកូតាន់ ជុំវិញបញ្ហារបាយការណ៍សវនកម្មជាតិកន្លងមក។
សូមស្ដាប់សំឡេង៖
© រក្សាសិទ្ធិដោយ thmeythmey.com