ជាតិ
សង្គមជាតិ
×![]()
ភ្នំពេញ៖ បន្ទាប់ពីក្រសួងអប់រំ យុវជន និងកីឡាបានចេញសេចក្តីប្រកាសព័ត៌មានស្នើសុំឲ្យចាត់វិធានការទាក់ទងនឹងករណីសិស្សប្រុសម្នាក់វាយសិស្សស្រីម្នាក់ក្នុងថ្នាក់រៀនរួច នៅថ្ងៃទី២៥ ឧសភានេះ នគរបាលស្រុកសូទ្រនិគមក៏បានចាប់ខ្លួន និងសួរចម្លើយជនសង្ស័យកសាងសំណុំរឿងផងដែរ ក្រោយពីមានពាក្យបណ្តឹងរបស់អាណាព្យាបាលភាគីសិស្សនារី។
តាមរយៈវីដេអូ ដែលថតដោយទូរសព្ទដៃក្នុងរយៈពេលជាង៣នាទីគេបានមើលឃើញសិស្សប្រុសម្នាក់វាយធ្វើបាបសិស្សស្រីម្នាក់យ៉ាងដំណំនៅក្នុងថ្នាក់រៀន ខណៈសិស្សផ្សេងទៀតនាំគ្នាអង្គុយមើលយ៉ាងស្ងៀមស្ងាត់ហាក់ដូចជាគ្មានអ្វីកើតឡើង។
អធិការនគរបាលស្រុកសូទ្រនិគម លោក ទេព ចាន់ណា បានឲ្យសារព័ត៌មានថ្មីៗដឹងថា ភាគីទាំងពីរឆ្លើយប្រាប់សមត្ថកិច្ចថា ពួកគេជាអ្នកស្គាល់គ្នា ហើយព្រមទាំងជិះកង់ជាមួយគ្នា មកសាលារៀនថែមទៀតផង ហើយថាពួកគេអះអាងថា ពួកគេគ្រាន់តែជាប្រលែងគ្នាលេងប៉ុណ្ណោះ។ ទោះយ៉ាងណា លោកថា៖«ការឃាត់ខ្លួន និងសាកសួរចម្លើយនេះ ធ្វើឡើងបន្ទាប់ពី អាណាព្យាបាលខាងភាគីនារីរងគ្រោះបានដាក់បណ្តឹងមកសមត្ថកិច្ចយើង។ ហើយយើងនឹងធ្វើសំណុំពីបទប្រើអំពើហិង្សាដោយចេតនារួច នឹងបញ្ជូនខ្លួនគាត់ទៅស្នងការ រួចទៅតុលាការ»។
បើតាមអធិការនគរបាល ករណីនេះ បានកើតឡើងនៅម៉ោង ៩ព្រឹក ថ្ងៃទី២១ ខែឧសភា ឆ្នាំ២០១៥ នៅក្នុងថ្នាក់ទី៩B នៃវិទ្យាល័យដំដែក ស្ថិតក្នុងឃុំដំដែក ស្រុកសូទ្រនិគម ខេត្តសៀមរាប។ ហើយថា សិស្សស្រី (ជាជនរងគ្រោះ) មានឈ្មោះ វីរៈ មណីនាថ អាយុ ១៤ឆ្នាំ មានទីលំនៅបច្ចុប្បន្ន ភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប និង សិស្សប្រុស (ជាជនសង្ស័យ) មានឈ្មោះ ហុង សុជី អាយុ ១៧ឆ្នាំ មានទីលំនៅបច្ចុប្បន្ន ភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប។
ទាក់ទងនឹងបញ្ហានេះ ប្រធានមន្ទីរអប់រំយុវជន និងកីឡា ខេត្ដសៀមរាប លោក អ៊ុង សិរីឌីបានឲ្យដឹងថា មន្ទីរអប់រំ និងមន្ទីកិច្ចការនារី អភិបាលស្រុកសូទ្រនិគម ព្រមទាំងនាយក វិទ្យាល័យ បានអញ្ជើញសិស្សទាំងពីរ និងអាណាព្យាបាលភាគីសងខាង មកធ្វើកិច្ចសន្យា ព្រមានផងដែរ។
លោកថា៖«ទង្វើនេះគឺប្រាសចាកបទបញ្ជផ្ទៃក្នុងសាលា សីលធម៌សង្គម ហើយពួកគេក៏ទទួលស្គាល់កំហុសដែរ។ ប្រសិនមានករណីនេះទៀត ពួកគេនឹងត្រូវលុបឈ្មោះ ឬបណ្តេញចេញពីសាលាតែម្តង»៕
តាមរយៈវីដេអូ ដែលថតដោយទូរសព្ទដៃក្នុងរយៈពេលជាង៣នាទីគេបានមើលឃើញសិស្សប្រុសម្នាក់វាយធ្វើបាបសិស្សស្រីម្នាក់យ៉ាងដំណំនៅក្នុងថ្នាក់រៀន ខណៈសិស្សផ្សេងទៀតនាំគ្នាអង្គុយមើលយ៉ាងស្ងៀមស្ងាត់ហាក់ដូចជាគ្មានអ្វីកើតឡើង។
អធិការនគរបាលស្រុកសូទ្រនិគម លោក ទេព ចាន់ណា បានឲ្យសារព័ត៌មានថ្មីៗដឹងថា ភាគីទាំងពីរឆ្លើយប្រាប់សមត្ថកិច្ចថា ពួកគេជាអ្នកស្គាល់គ្នា ហើយព្រមទាំងជិះកង់ជាមួយគ្នា មកសាលារៀនថែមទៀតផង ហើយថាពួកគេអះអាងថា ពួកគេគ្រាន់តែជាប្រលែងគ្នាលេងប៉ុណ្ណោះ។ ទោះយ៉ាងណា លោកថា៖«ការឃាត់ខ្លួន និងសាកសួរចម្លើយនេះ ធ្វើឡើងបន្ទាប់ពី អាណាព្យាបាលខាងភាគីនារីរងគ្រោះបានដាក់បណ្តឹងមកសមត្ថកិច្ចយើង។ ហើយយើងនឹងធ្វើសំណុំពីបទប្រើអំពើហិង្សាដោយចេតនារួច នឹងបញ្ជូនខ្លួនគាត់ទៅស្នងការ រួចទៅតុលាការ»។
បើតាមអធិការនគរបាល ករណីនេះ បានកើតឡើងនៅម៉ោង ៩ព្រឹក ថ្ងៃទី២១ ខែឧសភា ឆ្នាំ២០១៥ នៅក្នុងថ្នាក់ទី៩B នៃវិទ្យាល័យដំដែក ស្ថិតក្នុងឃុំដំដែក ស្រុកសូទ្រនិគម ខេត្តសៀមរាប។ ហើយថា សិស្សស្រី (ជាជនរងគ្រោះ) មានឈ្មោះ វីរៈ មណីនាថ អាយុ ១៤ឆ្នាំ មានទីលំនៅបច្ចុប្បន្ន ភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប និង សិស្សប្រុស (ជាជនសង្ស័យ) មានឈ្មោះ ហុង សុជី អាយុ ១៧ឆ្នាំ មានទីលំនៅបច្ចុប្បន្ន ភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប។
ទាក់ទងនឹងបញ្ហានេះ ប្រធានមន្ទីរអប់រំយុវជន និងកីឡា ខេត្ដសៀមរាប លោក អ៊ុង សិរីឌីបានឲ្យដឹងថា មន្ទីរអប់រំ និងមន្ទីកិច្ចការនារី អភិបាលស្រុកសូទ្រនិគម ព្រមទាំងនាយក វិទ្យាល័យ បានអញ្ជើញសិស្សទាំងពីរ និងអាណាព្យាបាលភាគីសងខាង មកធ្វើកិច្ចសន្យា ព្រមានផងដែរ។
លោកថា៖«ទង្វើនេះគឺប្រាសចាកបទបញ្ជផ្ទៃក្នុងសាលា សីលធម៌សង្គម ហើយពួកគេក៏ទទួលស្គាល់កំហុសដែរ។ ប្រសិនមានករណីនេះទៀត ពួកគេនឹងត្រូវលុបឈ្មោះ ឬបណ្តេញចេញពីសាលាតែម្តង»៕
© រក្សាសិទ្ធិដោយ thmeythmey.com
