ជាតិ
សង្គមជាតិ
បក្សប្រឆាំងស្នើឲ្យរដ្ឋាភិបាលបញ្ចេញរបាយការណ៍ពាក់ព័ន្ធនឹងការសម្លាប់បាតុករ
×![]()
ដោយ: ខន ចំប៉ា
អ្នកតំណាងរាស្ត្រគណបក្សសង្គ្រោះជាតិ អ្នកស្រី មូ សុខហួរ បានស្នើឲ្យរដ្ឋាភិបាលកម្ពុជា បញ្ចេញនូវរបាយការណ៍ទាំងឡាយពាក់ព័ន្ធនឹងការបង្ក្រាបលើក្រុមបាតុករដែលបណ្តាលឲ្យមានអ្នកស្លាប់កាលពីអំឡុងឆ្នាំ ២០១៣ និង២០១៤ កន្លងទៅ។ តែអ្នកនាំពាក្យទីស្តីការគណរដ្ឋមន្ត្រី បានចាត់ទុកសំណើរបស់មន្ត្រីគណបក្សនេះថា មិនយល់ដឹងពីនីតិវិធីត្រឹមត្រូវក្នុងនាមខ្លួនជាតំណាងរាស្ត្រ។ 
ថ្លែងក្នុងនាមគណបក្សសង្គ្រោះជាតិ អ្នកស្រី មូ សុខហួរ ស្នើឲ្យរដ្ឋាភិបាល បញ្ចេញរបាយការណ៍ពិតប្រាកដនៃការសម្លាប់បាតុករក្នុងពេលបង្ក្រាបដោយហិង្សាកាលពីអំឡុងពេលបាតុកម្មរបស់គណបក្សសង្គ្រោះជាតិ និងការតវ៉ារបស់ក្រុមកម្មករកន្លងទៅ។ ក្នុងពិធីរម្លឹកខួប ៦៦ ឆ្នាំនៃការបាត់បង់ទឹកដីខ្មែរកម្ពុជាក្រោម នៅថ្ងៃព្រហស្បតិ៍នេះ អ្នកតំណាងរាស្ត្រគណបក្សសង្គ្រោះជាតិ បានបញ្ជាក់យ៉ាងនេះថា៖« សូមឲ្យបញ្ចប់វប្បធម៌និទណ្ឌភាព។ សូមឲ្យរដ្ឋាភិបាលបញ្ចេញនូវរបាយការណ៍ពាក់ព័ន្ធនឹងការសម្លាប់នៃការបង្ក្រាបដ៏សហាវយង់ឃ្នង ទៅលើបាតុករដែលក្នុងនោះមានកម្មករ ប្រជាពលរដ្ឋស្លូតត្រង់ក្នុងអំឡុងពេល ២០១៣ ២០១៤ កន្លងមកនេះ»។
លើសពីនេះបញ្ហាប្រើកងកម្លាំងខុសច្បាប់ យកមកបង្ក្រាបវាយដុំលើប្រជាជនខ្មែរស្លូតត្រង់ និងបញ្ហាយកប្រព័ន្ធតុលាការមកធ្វើជាឧបករណ៍ដើម្បីបង្ក្រាប និងចាប់ចង ព្រមទាំងផ្តន្ទាទោសដល់ពលរដ្ឋខ្មែរ កន្លងមក ក៏អ្នកស្រី មូ សុខហួរ បានលើកឡើង និងអំពាវនាវឲ្យរដ្ឋាភិបាល លុបបំបាត់ផងដែរ។ មន្ត្រីជាន់ខ្ពស់គណបក្សសង្គ្រោះជាតិរូបនេះ ថែមទាំងទាមទារឲ្យរដ្ឋាភិបាលអនុវត្តតាមច្បាប់បាតុកម្មដោយសន្តិវិធី ឆ្នាំ ២០០៩ ឲ្យបានពេញលេញ។
អ្វីដែលអ្នស្រី មូ សុខហួរ លើកឡើង អ្នកនាំពាក្យទីស្តីការគណរដ្ឋមន្ត្រីលោក ផៃ ស៊ីផាន ចាត់ទុកថា គណបក្សប្រឆាំង តាមរយៈអ្នកស្រី មូ សុខហួរ កំពុងកេងចំណេញនយោបាយក្នុងព្រឹត្តិការណ៍បុណ្យរម្លឹកខួបដីកម្ពុជាក្រោម។ មន្ត្រីជាន់ខ្ពស់រដ្ឋាភិបាលរូបនេះ បានរិះគន់អ្នកស្រី មូ សុខហួរ ថា មិនយល់ដឹងពីច្បាប់ ខណៈដែលខ្លួនជាអ្នកតំណាងរាស្ត្រ ព្រោះរឿងចាប់ខ្លួន ឬការវិនិច្ឆ័យយ៉ាងណាចំពោះអំពើហិង្សាពេលបាតុកម្មនោះ គឺជាសមត្ថកិច្ចរបស់តុលាការ ។ លោក ផៃ ស៊ីផាន បញ្ជាក់ដូច្នេះថា៖« កុំសួរពីរបាយការណ៍មករដ្ឋាភិបាល ទៅសួរតុលាការទៅ។ អ្នកស្រី មូ សុខហួរ ត្រូវធ្វើខ្លួនឲ្យស៊ីវិល័យទាន់សម័យបន្តិចទៅ កុំក្នុងខ្លួនមានភាព«ព្រៃ»នោះ»៕
ថ្លែងក្នុងនាមគណបក្សសង្គ្រោះជាតិ អ្នកស្រី មូ សុខហួរ ស្នើឲ្យរដ្ឋាភិបាល បញ្ចេញរបាយការណ៍ពិតប្រាកដនៃការសម្លាប់បាតុករក្នុងពេលបង្ក្រាបដោយហិង្សាកាលពីអំឡុងពេលបាតុកម្មរបស់គណបក្សសង្គ្រោះជាតិ និងការតវ៉ារបស់ក្រុមកម្មករកន្លងទៅ។ ក្នុងពិធីរម្លឹកខួប ៦៦ ឆ្នាំនៃការបាត់បង់ទឹកដីខ្មែរកម្ពុជាក្រោម នៅថ្ងៃព្រហស្បតិ៍នេះ អ្នកតំណាងរាស្ត្រគណបក្សសង្គ្រោះជាតិ បានបញ្ជាក់យ៉ាងនេះថា៖« សូមឲ្យបញ្ចប់វប្បធម៌និទណ្ឌភាព។ សូមឲ្យរដ្ឋាភិបាលបញ្ចេញនូវរបាយការណ៍ពាក់ព័ន្ធនឹងការសម្លាប់នៃការបង្ក្រាបដ៏សហាវយង់ឃ្នង ទៅលើបាតុករដែលក្នុងនោះមានកម្មករ ប្រជាពលរដ្ឋស្លូតត្រង់ក្នុងអំឡុងពេល ២០១៣ ២០១៤ កន្លងមកនេះ»។
លើសពីនេះបញ្ហាប្រើកងកម្លាំងខុសច្បាប់ យកមកបង្ក្រាបវាយដុំលើប្រជាជនខ្មែរស្លូតត្រង់ និងបញ្ហាយកប្រព័ន្ធតុលាការមកធ្វើជាឧបករណ៍ដើម្បីបង្ក្រាប និងចាប់ចង ព្រមទាំងផ្តន្ទាទោសដល់ពលរដ្ឋខ្មែរ កន្លងមក ក៏អ្នកស្រី មូ សុខហួរ បានលើកឡើង និងអំពាវនាវឲ្យរដ្ឋាភិបាល លុបបំបាត់ផងដែរ។ មន្ត្រីជាន់ខ្ពស់គណបក្សសង្គ្រោះជាតិរូបនេះ ថែមទាំងទាមទារឲ្យរដ្ឋាភិបាលអនុវត្តតាមច្បាប់បាតុកម្មដោយសន្តិវិធី ឆ្នាំ ២០០៩ ឲ្យបានពេញលេញ។
អ្វីដែលអ្នស្រី មូ សុខហួរ លើកឡើង អ្នកនាំពាក្យទីស្តីការគណរដ្ឋមន្ត្រីលោក ផៃ ស៊ីផាន ចាត់ទុកថា គណបក្សប្រឆាំង តាមរយៈអ្នកស្រី មូ សុខហួរ កំពុងកេងចំណេញនយោបាយក្នុងព្រឹត្តិការណ៍បុណ្យរម្លឹកខួបដីកម្ពុជាក្រោម។ មន្ត្រីជាន់ខ្ពស់រដ្ឋាភិបាលរូបនេះ បានរិះគន់អ្នកស្រី មូ សុខហួរ ថា មិនយល់ដឹងពីច្បាប់ ខណៈដែលខ្លួនជាអ្នកតំណាងរាស្ត្រ ព្រោះរឿងចាប់ខ្លួន ឬការវិនិច្ឆ័យយ៉ាងណាចំពោះអំពើហិង្សាពេលបាតុកម្មនោះ គឺជាសមត្ថកិច្ចរបស់តុលាការ ។ លោក ផៃ ស៊ីផាន បញ្ជាក់ដូច្នេះថា៖« កុំសួរពីរបាយការណ៍មករដ្ឋាភិបាល ទៅសួរតុលាការទៅ។ អ្នកស្រី មូ សុខហួរ ត្រូវធ្វើខ្លួនឲ្យស៊ីវិល័យទាន់សម័យបន្តិចទៅ កុំក្នុងខ្លួនមានភាព«ព្រៃ»នោះ»៕
© រក្សាសិទ្ធិដោយ thmeythmey.com
