កីឡាជាតិ
ជាតិ
ឃឹម បូរី នាំក្រុមជម្រើសជាតិឈ្នះមីយ៉ាន់ម៉ារ ១-០ នាជំនួបមិត្តភាពនៅលើទឹកដីថៃ
×![]()
ដោយ: រួបរួម
លទ្ធផលនៃការប្រកួតមិត្តភាពអន្តរជាតិរបស់ក្រុមជម្រើសជាតិកម្ពុជា ជាមួយមីយ៉ាន់ម៉ារនៅកីឡដ្ឋាន Nonthaburi Stadium ប្រទេសថៃ មិនមែនបញ្ចប់លទ្ធផលស្មើ ០-០ ដូចការចុះផ្សាយរបស់គេហទំព័រ Livescore នានានោះឡើយ។ តាមពិត កម្ពុជាធ្វើបានល្អប្រសើរដោយទទួលបានជ័យជម្នះ ១-០ លើមីយ៉ាន់ម៉ារ ដែលសម្រេចផលដោយខ្សែប្រយុទ្ធណាហ្គាវើល ឃឹម បូរី នៅក្នុងនាទី ទី៣៨។ នេះជាការអះអាងលោក ខេន សុខុម ជំនួយការគ្រូបង្វឹកក្រុមជម្រើសជាតិ។
លោក ខេន សុខុម បានអះអាងផងដែរ កម្ពុជាមានឱកាសយ៉ាងហោច៣លើកក្នុងការស៊ុតបាល់បញ្ចូលទីប៉ុន្តែធ្វើមិនបានសម្រេច។ នេះជាជ័យជម្នះលើកទីបីរបស់ក្រុមជម្រើសជាតិលើមីយ៉ាន់ម៉ារ ក្នុងជំនួប១៧លើកកន្លងមក ហើយក៏ជាជ័យលើកដំបូងផងដែរក្រុមអ្នកចម្បាំងអង្គរលើមីយ៉ាន់ម៉ារ បើគិតចាប់តាំងពីឆ្នាំ១៩៩៧មក។
សម្រាប់ការប្រកួតជម្រុះ World Cup នៅថ្ងៃទី១១ ខែមិថុនា កម្ពុជាក្រោមការដឹកនាំរបស់គ្រូបង្វឹកជប៉ុន Kazunori Oharaទទួលភ្ញៀវសឹង្ហបុរី មុននឹងមានការប្រកួតជាបន្តបន្ទាប់ជាមួយអាហ្វហ្គានីស្ថាន ជប៉ុន និងស៊ីរី រីឯ មីយ៉ាន់ម៉ារបើកការប្រកួតជាមួយម្ចាស់ផ្ទះឡាវក្នុងពូល G មុននឹងជួបកូរ៉េខាងត្បូង គូវែត និងលីបង់។
យោងតាមតារាងចំណាត់ថ្នាក់ FIFA World Ranking ដែលផ្សាយកាលពីថ្ងៃទី៤ ខែមិថុនា មីយ៉ាន់ម៉ារស្ថិតនៅចំណាត់ថ្នាក់ទី១៤៣ ខណៈកម្ពុជាស្ថិតនៅចំណាត់ថ្នាក់ទី១៧៨ បន្ទាប់ពីទទួលបានលទ្ធផលស្មើ ១-១ ជាមួយឡាវ៕
លោក ខេន សុខុម បានអះអាងផងដែរ កម្ពុជាមានឱកាសយ៉ាងហោច៣លើកក្នុងការស៊ុតបាល់បញ្ចូលទីប៉ុន្តែធ្វើមិនបានសម្រេច។ នេះជាជ័យជម្នះលើកទីបីរបស់ក្រុមជម្រើសជាតិលើមីយ៉ាន់ម៉ារ ក្នុងជំនួប១៧លើកកន្លងមក ហើយក៏ជាជ័យលើកដំបូងផងដែរក្រុមអ្នកចម្បាំងអង្គរលើមីយ៉ាន់ម៉ារ បើគិតចាប់តាំងពីឆ្នាំ១៩៩៧មក។
សម្រាប់ការប្រកួតជម្រុះ World Cup នៅថ្ងៃទី១១ ខែមិថុនា កម្ពុជាក្រោមការដឹកនាំរបស់គ្រូបង្វឹកជប៉ុន Kazunori Oharaទទួលភ្ញៀវសឹង្ហបុរី មុននឹងមានការប្រកួតជាបន្តបន្ទាប់ជាមួយអាហ្វហ្គានីស្ថាន ជប៉ុន និងស៊ីរី រីឯ មីយ៉ាន់ម៉ារបើកការប្រកួតជាមួយម្ចាស់ផ្ទះឡាវក្នុងពូល G មុននឹងជួបកូរ៉េខាងត្បូង គូវែត និងលីបង់។
យោងតាមតារាងចំណាត់ថ្នាក់ FIFA World Ranking ដែលផ្សាយកាលពីថ្ងៃទី៤ ខែមិថុនា មីយ៉ាន់ម៉ារស្ថិតនៅចំណាត់ថ្នាក់ទី១៤៣ ខណៈកម្ពុជាស្ថិតនៅចំណាត់ថ្នាក់ទី១៧៨ បន្ទាប់ពីទទួលបានលទ្ធផលស្មើ ១-១ ជាមួយឡាវ៕
© រក្សាសិទ្ធិដោយ thmeythmey.com
