កីឡាអន្តរជាតិ
អន្តរជាតិ
×![]()
នៅថ្ងៃប្រកួតតឺនីសផ្តាច់ព្រ័ត្រពានរង្វាន់Roland-Garros នៅទីក្រុងប៉ារីស ថ្ងៃសៅរ៍ម្សិលមិញ កីឡាការនីអាមេរិកSerena Williams បានទទួលជោគជ័យលើដៃគូប្រកួតរបស់នាង ជាជនជាតិឆែកLucie Safarova ជាមួយលទ្ធផល ៦-៣, ៦-៧(២/៧), ៦-។ នេះជាលើកទី៣ហើយ ដែលSerena បានទទួលពានរង្វាន់បារាំង។ ថ្ងៃអាទិត្យនេះ ជាថ្ងៃប្រកួតវគ្គផ្តាច់ព្រ័ត្រRoland-Garros បុរស រវាងជនជាតិស៊ែរប៊ី Novak Djokovic និងជនជាតិស្វ៊ីស Stan Wawrinka។
ទោះជាគ្រុនផ្តាសាយប៉ុន្មានថ្ងៃមកហើយក្តី ក៏កីឡាការនីតឺនីសអាមេរិក សេរេណា វីល្លីយ៉ាំ អាយុ៣៣ឆ្នាំ នៅតែអាចដណ្តើមបានជោគជ័យក្នុងការប្រកួតវគ្គផ្តាច់ព្រ័ត្រ Roland-Garros នៅទីក្រុងប៉ារីសបានដែរ។ នៅសេតទី២ កីឡាការនីជនជាតិឆែក លូស៊ី សាហ្វារ៉ូវ៉ា អាយុ២៨ឆ្នាំ បានតទល់យ៉ាងស្វិតស្វាញរហូតឈ្នះសេតទី២ ធ្វើអោយកីឡាការនីអាមេរិកប្រុងខ្លួនឡើងវិញ។ នៅសេតទី២នេះ អ្នកទស្សនាខ្លះគិតថា សេរេណា ប្រហែលជាពិបាកនឹងយកឈ្នះដៃគូនាងហើយ។ ប៉ុន្តែ សេរេណាបានខំដណ្តើមយកជោគជ័យមកវិញ នៅសេតទី។
ក្នុងពេលទទួលពានរង្វាន់ សេរេណាបាននិយាយជាភាសាបារាំង សំដែងក្តីរំភើបចំពោះជោគជ័យដ៏ធំនេះ។ ពានបារាំងRoland-Garrosធ្វើអោយកីឡាការនីអាមេរិកសេរេណា ឈ្នះពានតឺនីសធំៗអន្តរជាតិសរុប២០ពានរង្វាន់។ មុនទទួលពានRoland-Garrosជាលើកទី៣នៅឆ្នាំ២០១៥នេះ នាងធ្លាប់ឈ្នះពាននេះ ពីរដងហើយដែរ គឺក្នុងឆ្នាំ២០០២ និងឆ្នាំ២០១។
ខាងផ្នែកបុរសវិញ នៅវគ្គផ្តាច់ព្រ័ត្រថ្ងៃអាទិត្យ នេះ កីឡាករជនជាតិស៊ែរប៊ី លំដាប់លេខ១ពិភពលោក Novak Djokovic នឹងប្រកួតជាមួយកីឡាករស្វ៊ីស Stan Wawrinka។ កន្លងមក តែត្រឹម៣សេតប៉ុណ្ណោះ ចូកូវិចបានឈ្នះយ៉ាងរហ័សលើកីឡាករជើងឯកអេស្ប៉ាញ Rafael Nadal។ លោកណាដាល់ ឈ្នះពានរង្វាន់នៅបារាំង៩ដងហើយ។ ទោះបែបនេះក្តី ម្សិលមិញក្នុងវគ្គពាក់កណ្តាលផ្តាច់ព្រ័ត្រ ចូកូវិច បានឈ្នះកីឡាករអេកូស Andy Murray យ៉ាងលំបាក។ គេគិតថា ថ្ងៃអាទិត្យនេះ លោកចូកូវិចអាចនឹងឈ្នះលើកីឡាករស្វ៊ីស វ៉ាវ្រិនកា៕
© រក្សាសិទ្ធិដោយ thmeythmey.com
