ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
ការគោរពវិញ្ញាណក្ខន្ធសព លោក ជា ស៊ីម ចាប់ផ្តើមពីថ្ងៃទី១០-១៨មិថុនា
10, Jun 2015 ,
6:59 pm
រូបភាព
×
ដោយ:
ថ្មីៗ
ការគោរពវិញ្ញាណក្ខន្ធសព លោក ជា ស៊ីម ប្រធានគណបក្សប្រជាជនកម្ពុជាជាផ្លូវការ បានចាប់ផ្តើមពីព្រឹកថ្ងៃទី១០មិថុនានេះ រហូតដល់ថ្ងៃទី១៨មិថុនា។ព្រះមហាក្សត្រសម្តេចព្រះមហាក្សត្រីបានយាងទៅគោរពវិញ្ញាណក្ខន្ធសពលោក ជា ស៊ីមនៅព្រឹកថ្ងៃទី១០មិថុនានេះ។ បន្តបន្ទាប់មករហូតដល់ថ្ងៃទី១៨មិថុនា គឺប្រតិភូអង្គទូតនានាប្រចាំនៅកម្ពុជា និងថ្នាក់ដឹកនាំក្រសួងស្ថាប័នរដ្ឋ ថ្នាក់ដឹកនាំខេត្តរាជធានីទាំង២។ យ៉ាងណាក៏គេនៅមិនដឹងថា តើគណៈប្រតិភូនៃប្រទេសណាខ្លះ នឹងមកគោរពវិញ្ញាណក្ខន្ធសព លោក ជា ស៊ីម នៅឡើយ ដោយនៅព្រឹកថ្ងៃទី១០មិថុនានេះ មានតែសមាជិកការិយាល័យនយោបាយបក្សកម្មុយនីស្តវៀតណាម លោកង្វៀន ស៊ីង ហុង(Nguyen Sinh Hung)ប៉ុណ្ណោះ ដែលបានដឹកនាំគណៈប្រតិភូ មកគោរពវិញ្ញាណក្ខន្ធសពរបស់លោក ជា ស៊ីម។
មានសំឡេង
តាំងតែពីល្ងាចថ្ងៃទី៨មិថុនារហូតដល់ថ្ងៃទី៩មិថុនានេះ មានតែថ្នាក់ដឹកនាំនិងសមាជិកនៃគណបក្សប្រជាជនកម្ពុជាប៉ុណ្ណោះដែលបានចូលទៅគោរពវិញ្ញាណក្ខន្ធសពរបស់លោក ជា ស៊ីម ដែលជាប្រធានគណបក្ស។ការគោរពវិញ្ញាណក្ខន្ធជាផ្លូវការពីសំណាក់ស្ថាប័នរដ្ឋ បានចាប់ផ្តើមពីព្រឹកថ្ងៃទី១០មិថុនានេះ រហូតដល់ថ្ងៃទី១៨មិថុនា។
នៅព្រឹកថ្អៃទី១០មិថុនានេះ ព្រះមហាក្សត្រ ព្រះបាទ ព្រះបរមនាថនរោត្តម សីហមុនី និងសម្តេចព្រះមហាក្សត្រី នរោត្តម មុនីនាថ សីហនុបានយាងទៅគោរពវិញ្ញាណក្ខន្ធសពលោក ជា ស៊ីមនៅគេហដ្ឋានរបស់លោក ក្នុងសង្កាត់ទន្លេបាសាក់ ខណ្ឌចំការមន។ បន្ទាប់ពីព្រះមហាក្សត្រ និងព្រះមហាក្សត្រីគឺមានគណៈប្រតិភូរដ្ឋសភា រាជរដ្ឋាភិបាលកម្ពុជា និងកាកបាទក្រហមកម្ពុជា គណៈប្រតិភូក្រសួងព្រះបរមរាជវាំង ទីស្តីការគណៈរដ្ឋមន្ត្រី ក្រសួងការពារជាតិ ក្រសួងមហាផ្ទៃ និងគណៈប្រតិភូរណសិរ្យសាមគ្គីកសាងអភិវឌ្ឍន៍មាតុភូមិកម្ពុជា។
បើយោងតាមកម្មវិធីបុណ្យសពគណៈប្រតិភូនៃអង្គទូតនានាប្រចាំនៅកម្ពុជា និងថ្នាក់ដឹកនាំក្រសួងស្ថាប័នរដ្ឋ ថ្នាក់ដឹកនាំខេត្តរាជធានីទាំង២៥នឹងដឹកនាំសមាជិករបស់ខ្លួនចូលគោរពវិញ្ញាណក្ខន្ធសព លោក ជា ស៊ីម ជាបន្តបន្ទាប់រហូតដល់ថ្ងៃទី១៨មិថុនា។
លោក សម រង្ស៊ី ដែលទើបត្រឡប់មកពីក្រៅប្រទេស បានថ្លែងពីព្រលានយន្តហោះអន្តរជាតិភ្នំពេញថា លោក នឹងដឹកនាំតំណាងរាស្ត្រគណបក្សសង្គ្រោះជាតិ ទៅចូលរួមគោរពវិញ្ញាណក្ខន្ធលោក ជា ស៊ីម ប្រធានគណបក្សប្រជាជនកម្ពុជានិងប្រធានព្រឹទ្ធសភា នៅថ្ងៃទី១១មិថុនាស្អែកនេះ។
យ៉ាងណាក៏ដោយ គេនៅមិនទាន់ដឹងថា តើគណៈប្រតិភូនៃប្រទេសជិតខាងណាខ្លះ នឹងមកគោរពវិញ្ញាណក្ខន្ធសព លោក ជា ស៊ីម នៅឡើយ ដោយនៅព្រឹកថ្ងៃទី១០មិថុនា នេះ មានតែប្រធានរដ្ឋសភាវៀតណាម លោកNguyen Sinh Hung ដែលបានដឹកនាំគណៈប្រតិភូ មកគោ រពវិញ្ញាណក្ខន្ធសពរបស់លោក ជា ស៊ីម។
សពលោក ជា ស៊ីម នឹងត្រូវបូជានៅព្រឹកថ្ងៃទី១៩មិថុនា។ ពិធីរំកិលសពឡើងលើថយន្តបុស្បុកនឹងចាប់ផ្តើមនៅម៉ោង៧ព្រឹកថ្ងៃទី១៩មិថុនា ដើម្បីដង្ហែរទៅបូជានៅឈាបនដ្ឋាន ដែលស្ថិតនៅលើទីធ្លាមុខវត្តបុទុមវត្តី។មេន ឬមេរុដែលជាឈាបនដ្ឋានបូជាមានទំហំ ២៥ម៉ែត្រ៤ជ្រុង និងមានកំពស់២៤ម៉ែត្រ។ មួយគ្នានោះ រោងបុណ្យចំនួន៣ ក៏នឹងត្រូវសាងសង់នៅជុំវិញមេននោះដែរ ដើម្បីទទួលភ្ញៀវ និងព្រះសង្ឃ ដែលនឹងចូលរួមក្នុងពិធីបូជាសព របស់លោក ជាស៊ីម ផងដែរ។
ដើម្បីរៀបចំកម្មវិធីបុណ្យឲ្យអធិកអធម ឲ្យស័ក្តសមនឹងឋានៈរបស់លោក ជា ស៊ីម ដែលជាមនុស្សសំខាន់បន្ទាប់ពីព្រះមហាក្សត្រព្រះមហាក្សត្រ ព្រះបាទ ព្រះបរមនាថនរោត្តម សីហមុនី បានត្រាស់បង្គាប់បង្កើតគណៈកម្មការរៀបចំពិធីបុណ្យសពលោក ជា ស៊ីម ដែលមានសមាសភាព២៧រូបដែលភាគច្រើនគឺជាថ្នាក់ដឹកនាំកំពូលរបស់ប្រទេស។យោងតាមព្រះរាជក្រឹត្យចុះថ្ងៃទី៨មិថុនាលោក ហេង សំរិន ដែលជាប្រធានរដ្ឋសភា គឺជាប្រធានគណៈកម្មការលោកនាយករដ្ឋមន្ត្រី ហ៊ុន សែន ជាអនុប្រធាន លោក គង់ សំអុលរដ្ឋមន្ត្រីក្រសួងព្រះបរមរាជវាំងគឺជាអនុប្រធានអចិន្ត្រៃយ៍ និងលោក សាយឈុំ ជាប្រធានព្រឹទ្ធសភាដែលជាប់ឆ្នោតនៅថ្ងៃទី៩មិថុនាម្សិលមិញក៏ជាអនុប្រធាន នៃគណៈកម្មការនេះដែរ។
សមាសភាពបន្តបន្ទាប់មកទៀត គឺជាថ្នាក់ដឹកនាំព្រឹទ្ធសភារដ្ឋសភារបស់គណបក្សប្រជាជនកម្ពុជា ឧបនាយករដ្ឋមន្ត្រី រដ្ឋមន្ត្រីថ្នាក់ដឹកនាំកងប្រដាប់អាវុធនានានិងអភិបាលរាជធានីភ្នំពេញ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
7 ថ្ងៃ
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
12 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម