ជាតិ
តារាងសេវាសាធារណៈនៅឃុំវត្តតាមឹម ជួយកាត់បន្ថយភាពក្រីក្ររបស់អ្នកភូមិ
×![]()
ដោយ: ថ្មីៗ
បាត់ដំបង៖ សាលាឃុំវត្តតាមឹម ដែលជាសាលាឃុំមួយនៃស្រុកសង្កែ ក៏បានបិទតារាងសេវាសាធារណៈ ដែលបានធ្វើឲ្យពលរដ្ឋសាទរ និងធ្វើឲ្យអាជ្ញាធរសប្បាយចិត្តដែរ។
កញ្ញា បាន ធីណា ជានិសិត្សនៃសាកលវិទ្យាល័យមួយនៅក្នុងក្រុងបាត់ដំបងបាននិយាយថា តារាងសេវាសាធារណៈ បានផ្តល់ភាពងាយស្រួលច្រើនដល់ពលរដ្ឋ ដោយសារតែពួកគេ នឹងមិនខ្វល់ខ្វាយអំពីការបង់ប្រាក់ក្រៅផ្លូវការដូចមុនទៀតឡើយ។ សម្រាប់ធីណា ការចំហតម្លៃសេវាសាធារណៈយ៉ាងនេះ វានឹងរួមចំណែកនៃការលុបបំបាត់អំពើពុករលួយ។ ធីណា បញ្ជាក់ថា សេវាច្រកចេញចូលតែមួយនេះ ក៏អាចកំណត់ពេលវេលានៃការទទួលបានសេវា ដែលនេះគឺជាចំនុចល្អសម្រាប់ពលរដ្ឋដែលធ្លាប់តែចំណាយពេលរង់ចាំយូរ មុនទទួលបានសេវាអ្វីមួយ។លោក អុន ស្វាង មេឃុំវត្តតាមឹម បានទទួលស្គាល់ថា ការបិទផ្សាយតារាងសេវាសាធារណៈ ពិតជាបានធ្វើឲ្យពលរដ្ឋក្នុងឃុំរបស់លោករីករាយមែន។ លោកមេឃុំបានបន្តថា តម្លៃសេវាបញ្ជីអត្រានុកូលដ្ឋាន សំបុត្របញ្ជាក់កំណើត និងការចុះបញ្ជីអាពាហ៍ពិពាហ៍ សុទ្ធតែត្រូវបានបង្ហាញនៅក្នុងតារាង ដែលត្រូវបានបិទផ្សាយនៅសាលាឃុំតាំងពីពាក់កណ្តាលឆ្នាំ២០១៤មក។
«នៅមានពលរដ្ឋមួយចំនួន មិនទាន់បានដឹងអំពីតារាងតម្លៃសេវាសាធារណៈនេះទេ។ ក្នុងចំណោមពួកគេ អ្នកខ្លះរវល់ខ្លាំងពេក ហើយក៏មានអ្នកខ្លះទៀតមិនចេះអក្សរដែរ»។ នេះជាការពន្យល់របស់លោកមេឃុំ វត្តតាមឹម ដែលសន្យាថា លោកនឹងមានវិធានការផ្សព្វផ្សាយតារាងសេវាសាធារណៈនេះ ឲ្យបានទូលំទូលាយនៅក្នុងឃុំរបស់លោក។ គោលនយោបាយតារាសេវាសាធារណៈ ត្រូវបានលោកមេឃុំ បញ្ជាក់ថា វានឹងជួយកាត់បន្ថយភាពក្រីក្ររបស់ពលរដ្ឋរបស់លោកទៀតផង៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
8 ម៉ោង
