កីឡាអន្តរជាតិ
អន្តរជាតិ
David Beckham ចូលប្រឡូកជាលើកដំបូងក្នុងពិភពភាពយន្ត
×
នៅទីបំផុត ក្តីស្រមៃចូលប្រឡូកក្នុងពិភពភាពយន្តរបស់ David Beckham បានក្លាយជាការពិតហើយ។ អតីតកីឡាករបាល់ទាត់នេះត្រូវបានជ្រើសរើសឲ្យសម្តែងជាតួអង្គមួយនៅក្នុងរឿង King Arthur របស់សមិទ្ធិករ Guy Ritchie ដែលបង្ហាញពីប្រវត្តិរបស់សេ្តច Arthur មុនពេលឡើងគ្រងរាជនៅអង់គ្លេស។
នៅក្នុងរឿងនោះ David ត្រូវព្យាយាមដកដាវ Excalibur ពីក្នុងផ្ទាំងថ្ម ឲ្យបានមុនស្តេច Arthur ។ លោក Harvey Weinstein ផលិតករជនជាតិអាមេរិកាំងបានសម្តែងនូវក្តីពេញចិត្តចំពោះការប្រឡូកក្នុងពិភពភាពយន្តរបស់អតីតកីឡាករបាល់ទាត់អង់គ្លេសអាយុ ៤០ ឆ្នាំនេះ។ នៅក្នុងបទសម្ភាសន៍មួយជាមួយកាសែត The Sun លោកបាននិយាយថា៖ « David មានសមត្ថភាព អាចធ្វើអ្វីៗគ្រប់បែបយ៉ាងដែលគេចង់ធ្វើ រួមទាំងការក្លាយជាតារាភាពយន្តផងដែរ »។
ការបោះជំហានដំបូងនេះប្រហែលជាអាចឲ្យ David Beckham មានឱកាសចូលខ្លួនក្នុងផលិតកម្មរបស់ Hollywood ។ King Arthur នឹងចាប់បញ្ចាំងនៅដើមខែសីហា ឆ្នាំ២០១៦ខាងមុខនេះ៕
© រក្សាសិទ្ធិដោយ thmeythmey.com