កីឡាអន្តរជាតិ
ជាតិ
ក្រោយកោតសរសើរអង្គរវត្ត Beckham ប្រាប់អ្នកទេសចរកុំមើលរំលងប្រាសាទតាព្រហ្ម
×![]()
ដោយ: រួបរួម
បន្ទាប់ពីបង្ហោះរូបថតជាមួយនឹងស្នាមញញឹមនៅមុខប្រាសាទអង្គរវត្ត អតីតខ្សែបម្រើឆ្នើមក្រុមកីឡាបាល់ទាត់ជម្រើសជាតិអង់គ្លេស David Beckham បានបង្ហោះរូបមួយទៀតនៅគណនី Instagram និងហ្វេសប៊ុក ដែលខ្លួនបានថតនៅប្រាសាទតាព្រហ្មក្នុងខេត្តសៀមរាប ដោយណែនាំឲ្យអ្នកទេសចរដាក់ប្រាសាទនេះនៅក្នុងបញ្ជីសម្រាប់ដំណើរកម្សាន្តមកកម្ពុជា។
កាលពីថ្ងៃទី១៦ ខែមិថុនា David Beckham បានសរសេរថា៖ «មានពេលាវេលាដ៏មិនគួរឲ្យជឿនៅកម្ពុជា ដោយបានជួបពលរដ្ឋដ៏អស្ចារ្យមួយចំនួន ហើយក្មេងៗពិតជាគួរឲ្យអាណិតស្រឡាញ់ខ្លាំងណាស់។ ប្រសិនបើអ្នកមានឱកាសមកទស្សនាប្រទេសកម្ពុជា ចូរដាក់ប្រាសាទតាព្រហ្មនៅក្នុងបញ្ជីទស្សនកិច្ចរបស់អ្នក!»។
សូមបញ្ជាក់ផងដែរថា កាលពីចុងសប្តាហ៍កន្លងមក អតីតកីឡាករលំដាប់ពិភពលោកវ័យ៤០ឆ្នាំរូបនេះ បានបង្ហោះរបស់ខ្លួននៅមុខប្រាសាទអង្គរវត្តដោយសរសេរថា៖ «ថ្ងៃដ៏អស្ចារ្យនៅកម្ពុជា ដោយបានទស្សនាប្រាសាទអង្គរវត្ត...ទីកន្លែងមួយក្នុងចំណោមទីកន្លែងដ៏ស្រស់ស្អាតបំផុតក្នុងពិភពលោក»។
David Beckham ឯកអគ្គរាជទូតសុច្ឆន្ទៈអង្គការយូនីសេហ្វ បានធ្វើដំណើរមកកាន់ប្រទេសកម្ពុជា ក្នុងគោលបំណងស្វែងយល់ពីការងាររបស់អង្គការយូនីសេហ្វនិងដៃគូ ដែលកំពុងជួយគាំទ្រដល់កុមាររងគ្រោះពីការរំលោភបំពានលើរាងកាយ ផ្លូវភេទ និងផ្លូវចិត្ត និងកំពុងការពារកុមារដែលងាយរងគ្រោះពីសំណាក់គ្រោះថ្នាក់ផ្សេងៗទៀត។ នេះបើតាមសេចក្តីប្រកាសព័ត៌មានរបស់អង្គការយូនីសេហ្វនៅថ្ងៃទី១៥ ខែមិថុនា។
នៅដើមឆ្នាំនេះ គឺជាទិវាខួបលើកទី១០ របស់លោក ដេវីដ ប៊ែកខេម ដែលបានទទួលភារកិច្ចជាឯកអគ្គរាជទូតសុច្ឆន្ទៈអង្គការយូនីសេហ្វ ហើយរូបលោករួមទាំងអង្គការនេះបានបង្កើតនូវមូលនិធិមួយដែលមានឈ្មោះថា «លេខ៧ មូលនិធិដេវីដ ប៊ែកខេម និងយូនីសេហ្វ»(http://www.7.org) ដើម្បីជួយការពារកុមារពីគ្រោះថ្នាក់។ មូលនិធិនេះនឹងគាំទ្រដល់អង្គការយូនីសេហ្វ ឲ្យអនុវត្តនូវកម្មវិធីអភិវឌ្ឍន៍ជីវិតកុមារនៅទូទាំងពិភពលោក រួមទាំងកុមាររងគ្រោះដោយអំពើហិង្សានៅក្នុងប្រទេសកម្ពុជាផងដែរ។
David Beckham ធ្លាប់បានលេងឲ្យក្រុមជម្រើសជាតិអង់គ្លេសចំនួន១១៥ប្រកួតចាប់ពីឆ្នាំ១៩៩៦ ដល់ឆ្នាំ២០០៩ ហើយក៏ជាអតីតខ្សែប្រយុទ្ធឆ្នើមក្លិប Manchester United, Real Madrid, La Galaxy, AC Milan និង Paris Saint Germainផងដែរ។
យោងតាមកាសែតបារាំង Le360.ma Beckham ត្រៀមប្រឡូកខ្លួនក្នុងវិស័យភាពយន្តនាឆ្នាំ២០១៦ខាងមុខ ក្រោមការដឹកនាំរបស់លោក Guy Ritchnieដែលជាមិត្តភ័ក្ត្ររបស់ខ្លួន៕
កាលពីថ្ងៃទី១៦ ខែមិថុនា David Beckham បានសរសេរថា៖ «មានពេលាវេលាដ៏មិនគួរឲ្យជឿនៅកម្ពុជា ដោយបានជួបពលរដ្ឋដ៏អស្ចារ្យមួយចំនួន ហើយក្មេងៗពិតជាគួរឲ្យអាណិតស្រឡាញ់ខ្លាំងណាស់។ ប្រសិនបើអ្នកមានឱកាសមកទស្សនាប្រទេសកម្ពុជា ចូរដាក់ប្រាសាទតាព្រហ្មនៅក្នុងបញ្ជីទស្សនកិច្ចរបស់អ្នក!»។
សូមបញ្ជាក់ផងដែរថា កាលពីចុងសប្តាហ៍កន្លងមក អតីតកីឡាករលំដាប់ពិភពលោកវ័យ៤០ឆ្នាំរូបនេះ បានបង្ហោះរបស់ខ្លួននៅមុខប្រាសាទអង្គរវត្តដោយសរសេរថា៖ «ថ្ងៃដ៏អស្ចារ្យនៅកម្ពុជា ដោយបានទស្សនាប្រាសាទអង្គរវត្ត...ទីកន្លែងមួយក្នុងចំណោមទីកន្លែងដ៏ស្រស់ស្អាតបំផុតក្នុងពិភពលោក»។
David Beckham ឯកអគ្គរាជទូតសុច្ឆន្ទៈអង្គការយូនីសេហ្វ បានធ្វើដំណើរមកកាន់ប្រទេសកម្ពុជា ក្នុងគោលបំណងស្វែងយល់ពីការងាររបស់អង្គការយូនីសេហ្វនិងដៃគូ ដែលកំពុងជួយគាំទ្រដល់កុមាររងគ្រោះពីការរំលោភបំពានលើរាងកាយ ផ្លូវភេទ និងផ្លូវចិត្ត និងកំពុងការពារកុមារដែលងាយរងគ្រោះពីសំណាក់គ្រោះថ្នាក់ផ្សេងៗទៀត។ នេះបើតាមសេចក្តីប្រកាសព័ត៌មានរបស់អង្គការយូនីសេហ្វនៅថ្ងៃទី១៥ ខែមិថុនា។
នៅដើមឆ្នាំនេះ គឺជាទិវាខួបលើកទី១០ របស់លោក ដេវីដ ប៊ែកខេម ដែលបានទទួលភារកិច្ចជាឯកអគ្គរាជទូតសុច្ឆន្ទៈអង្គការយូនីសេហ្វ ហើយរូបលោករួមទាំងអង្គការនេះបានបង្កើតនូវមូលនិធិមួយដែលមានឈ្មោះថា «លេខ៧ មូលនិធិដេវីដ ប៊ែកខេម និងយូនីសេហ្វ»(http://www.7.org) ដើម្បីជួយការពារកុមារពីគ្រោះថ្នាក់។ មូលនិធិនេះនឹងគាំទ្រដល់អង្គការយូនីសេហ្វ ឲ្យអនុវត្តនូវកម្មវិធីអភិវឌ្ឍន៍ជីវិតកុមារនៅទូទាំងពិភពលោក រួមទាំងកុមាររងគ្រោះដោយអំពើហិង្សានៅក្នុងប្រទេសកម្ពុជាផងដែរ។
David Beckham ធ្លាប់បានលេងឲ្យក្រុមជម្រើសជាតិអង់គ្លេសចំនួន១១៥ប្រកួតចាប់ពីឆ្នាំ១៩៩៦ ដល់ឆ្នាំ២០០៩ ហើយក៏ជាអតីតខ្សែប្រយុទ្ធឆ្នើមក្លិប Manchester United, Real Madrid, La Galaxy, AC Milan និង Paris Saint Germainផងដែរ។
យោងតាមកាសែតបារាំង Le360.ma Beckham ត្រៀមប្រឡូកខ្លួនក្នុងវិស័យភាពយន្តនាឆ្នាំ២០១៦ខាងមុខ ក្រោមការដឹកនាំរបស់លោក Guy Ritchnieដែលជាមិត្តភ័ក្ត្ររបស់ខ្លួន៕
© រក្សាសិទ្ធិដោយ thmeythmey.com
