ជាតិ
នយោបាយជាតិ
អ្នកនាំពាក្យ៖ អនុប្រធានគណបក្សប្រជាជនកម្ពុជាអាចមាន ២ រូប និង..............
×![]()
ខណៈអ្នកវិភាគស្ថានការណ៍នយោបាយខ្លះលើកឡើងថា អនាគតអនុប្រធានគណបក្សប្រជាជនកម្ពុជាអាចមាន ២ រូប ពោលគឺមានអនុប្រធានទី ១ និងអនុប្រធានទី ២ នោះ អ្នកនាំពាក្យគណបក្សប្រជាជនកម្ពុជា លោក សុខ ឥសាន្ត ក៏មិនបានច្រានចោលការលើកឡើងនោះដែរ ដោយលោកគ្រាន់តែចង់ឲ្យអ្នកទាំងនោះ រង់ចាំមើលលទ្ធផលនៃមហាសន្និបាតគណៈកម្មាធិការកណ្តាលបក្សសិន ។ 
លោក សុខ ឥសាន្ត ក៏ថ្លែងបែបមិនច្បាស់ដែរថា អនាគតអនុប្រធានរបស់គណបក្សប្រជាជនកម្ពុជាអាចនឹងមាន ២ រូប ឬមួយរូបនោះទេ? លោកថា អនុប្រធានបក្សមានពីររូប ឬមួយរូបនោះ វាអាស្រ័យទៅតាមការបោះឆ្នោតសម្រេចរបស់អង្គមហាសន្និបាតនៅថ្ងៃទី ២០ ខែមិថុនា ខាងមុខ។ មន្ត្រីជាន់ខ្ពស់របស់គណបក្សប្រជាជនកម្ពុជារូបនេះ បានបញ្ជាក់ប្រាប់សារព័ត៌មានថ្មីៗយ៉ាងនេះថា៖« ខ្ញុំថា វាដូចជាលឿនពេកនៅពេលដែលយើងនិយាយថា អនុប្រធានគណបក្សប្រជាជនកម្ពុជា នឹងមានពីររូបនោះ។ យើងត្រូវរង់ចាំការបោះឆ្នោតរបស់អង្គសន្និបាតជាមុនសិន។ អនុប្រធានអាចមាន ២ រូបឬមួយរូបទៅតាមអង្គសន្និបាត។ ខ្ញុំមិនច្បាស់ទេ »។
ទន្ទឹមនឹងនេះ លោក សុខ ឥសាន្ត ក៏នៅមិនទាន់អាចបញ្ជាក់បានដែរថា បេក្ខជនដែលនឹងត្រូវឈរឈ្មោះជាអនុប្រធានគណបក្សប្រជាជនកម្ពុជា នឹងមានប៉ុន្មានរូបនោះដែរ? លោកថា ចំនួនបេក្ខជនដែលឈរឈ្មោះនោះ នឹងត្រូវឆ្លងកាត់តាមការសម្រចគណៈកម្មាធិការអចិន្ត្រៃយ៍របស់បក្សជាមុនសិន។ «គណៈកម្មាធិការអចិន្ត្រៃយ៍នឹងបើកកិច្ចប្រជុំមុនថ្ងៃមហាសន្និបាត ហើយសម្រចរើសបេក្ខជន ដើម្បីឈរឈ្មោះឲ្យអង្គសន្និបាតបោះឆ្នោតរើស» ។ នេះជាការបញ្ជាក់របស់អ្នកនាំពាក្យខាងលើ។
ក្នុងបទសម្ភាសន៍ជាមួយសារព័ត៌មានថ្មីៗ កាលពីថ្ងៃចន្ទដើមសប្តាហ៍កន្លងទៅ លោក អ៊ូ វីរៈ ដែលជាអ្នកវិភាគនយោបាយ និយាយថា គណបក្សប្រជាជនកម្ពុជា អាចនឹងមានអនុប្រធានគណបក្សចំនួន ២ រូប។ លោកថា អនុប្រធាន ២ រូប វាគឺជាសញ្ញាល្អសម្រាប់គណបក្សប្រជាជនកម្ពុជា ហើយវាក៏ជាសារមួយប្រាប់ទៅអ្នកគាំទ្របក្សខ្លួនដែរថា ក្រោយមរណភាពរបស់លោក ជា ស៊ីម ផ្ទៃក្នុងបក្សមិនមានអ្វីប្រែប្រួលនោះទេ តែផ្ទុយទៅវិញ គឺមានតែភាពល្អូកល្អិនជាមួយគ្នា។
បើតាមលោក សុខ ឥសាន្ត តំណែងជាប្រធានគណបក្សប្រជាជនកម្ពុជាបន្តពីលោក ជា ស៊ីម គឺប្រាកដណាស់ថា នឹងធ្លាក់ទៅលើលោកនាយករដ្ឋមន្ត្រី ហ៊ុន សែន តាមរយៈការប្រកាសរបស់គណៈកម្មាធិការអចិន្ត្រៃយ៍បក្ស ដោយមិនចាំបាច់បោះឆ្នោតជ្រើសរើសនោះទេ។ មន្ត្រីជាន់ខ្ពស់គណបក្សប្រជាជនកម្ពុជារូបនេះ បញ្ជាក់ថា៖ «រឿងនេះ សម្តេច បានប្រកាសតាំងពីដើមរៀងមកហើយថា បើសម្តេច ជា ស៊ីម មរណកាលទៅ គឺសម្តេចធ្វើជាប្រធាន»៕
លោក សុខ ឥសាន្ត ក៏ថ្លែងបែបមិនច្បាស់ដែរថា អនាគតអនុប្រធានរបស់គណបក្សប្រជាជនកម្ពុជាអាចនឹងមាន ២ រូប ឬមួយរូបនោះទេ? លោកថា អនុប្រធានបក្សមានពីររូប ឬមួយរូបនោះ វាអាស្រ័យទៅតាមការបោះឆ្នោតសម្រេចរបស់អង្គមហាសន្និបាតនៅថ្ងៃទី ២០ ខែមិថុនា ខាងមុខ។ មន្ត្រីជាន់ខ្ពស់របស់គណបក្សប្រជាជនកម្ពុជារូបនេះ បានបញ្ជាក់ប្រាប់សារព័ត៌មានថ្មីៗយ៉ាងនេះថា៖« ខ្ញុំថា វាដូចជាលឿនពេកនៅពេលដែលយើងនិយាយថា អនុប្រធានគណបក្សប្រជាជនកម្ពុជា នឹងមានពីររូបនោះ។ យើងត្រូវរង់ចាំការបោះឆ្នោតរបស់អង្គសន្និបាតជាមុនសិន។ អនុប្រធានអាចមាន ២ រូបឬមួយរូបទៅតាមអង្គសន្និបាត។ ខ្ញុំមិនច្បាស់ទេ »។
ទន្ទឹមនឹងនេះ លោក សុខ ឥសាន្ត ក៏នៅមិនទាន់អាចបញ្ជាក់បានដែរថា បេក្ខជនដែលនឹងត្រូវឈរឈ្មោះជាអនុប្រធានគណបក្សប្រជាជនកម្ពុជា នឹងមានប៉ុន្មានរូបនោះដែរ? លោកថា ចំនួនបេក្ខជនដែលឈរឈ្មោះនោះ នឹងត្រូវឆ្លងកាត់តាមការសម្រចគណៈកម្មាធិការអចិន្ត្រៃយ៍របស់បក្សជាមុនសិន។ «គណៈកម្មាធិការអចិន្ត្រៃយ៍នឹងបើកកិច្ចប្រជុំមុនថ្ងៃមហាសន្និបាត ហើយសម្រចរើសបេក្ខជន ដើម្បីឈរឈ្មោះឲ្យអង្គសន្និបាតបោះឆ្នោតរើស» ។ នេះជាការបញ្ជាក់របស់អ្នកនាំពាក្យខាងលើ។
ក្នុងបទសម្ភាសន៍ជាមួយសារព័ត៌មានថ្មីៗ កាលពីថ្ងៃចន្ទដើមសប្តាហ៍កន្លងទៅ លោក អ៊ូ វីរៈ ដែលជាអ្នកវិភាគនយោបាយ និយាយថា គណបក្សប្រជាជនកម្ពុជា អាចនឹងមានអនុប្រធានគណបក្សចំនួន ២ រូប។ លោកថា អនុប្រធាន ២ រូប វាគឺជាសញ្ញាល្អសម្រាប់គណបក្សប្រជាជនកម្ពុជា ហើយវាក៏ជាសារមួយប្រាប់ទៅអ្នកគាំទ្របក្សខ្លួនដែរថា ក្រោយមរណភាពរបស់លោក ជា ស៊ីម ផ្ទៃក្នុងបក្សមិនមានអ្វីប្រែប្រួលនោះទេ តែផ្ទុយទៅវិញ គឺមានតែភាពល្អូកល្អិនជាមួយគ្នា។
បើតាមលោក សុខ ឥសាន្ត តំណែងជាប្រធានគណបក្សប្រជាជនកម្ពុជាបន្តពីលោក ជា ស៊ីម គឺប្រាកដណាស់ថា នឹងធ្លាក់ទៅលើលោកនាយករដ្ឋមន្ត្រី ហ៊ុន សែន តាមរយៈការប្រកាសរបស់គណៈកម្មាធិការអចិន្ត្រៃយ៍បក្ស ដោយមិនចាំបាច់បោះឆ្នោតជ្រើសរើសនោះទេ។ មន្ត្រីជាន់ខ្ពស់គណបក្សប្រជាជនកម្ពុជារូបនេះ បញ្ជាក់ថា៖ «រឿងនេះ សម្តេច បានប្រកាសតាំងពីដើមរៀងមកហើយថា បើសម្តេច ជា ស៊ីម មរណកាលទៅ គឺសម្តេចធ្វើជាប្រធាន»៕
© រក្សាសិទ្ធិដោយ thmeythmey.com
