ជាតិ
នយោបាយជាតិ
បក្សមូលដ្ឋានរបស់ក្រុមលោក យ៉ង សាំងកុមារ និងលោក កែម ឡី ស្ថិតនៅភាពមិនច្បាស់?
លោក យ៉ង សាំងកុមារ (ឆ្វេង) និងលោក កែម ឡី
×![]()
គណបក្ស«ប្រជាធិបតេយ្យតាមមូលដ្ឋាន» របស់ក្រុមលោក កែម ឡី និងលោក យ៉ង សាំងកុមារ មិនទាន់កំណត់ពេលច្បាស់លាស់នៅឡើយទេ ក្នុងការដាក់សំណើរទៅកាន់ក្រសួងមហាផ្ទៃ។ លោក សាម អ៊ីន ជាស្ថាបនិកមួយរូបនៃក្រុមបណ្ដាញសង្គមខ្មែរដើម្បីខ្មែរ ដែលកំពុងរកការគាំទ្រពីប្រជាពលរដ្ឋមូលដ្ឋាន បានបញ្ជាក់ថា ក្រុមរបស់លោក កំពុងសកម្មពិភាក្សាជាមួយប្រជាពលរដ្ឋ ដើម្បីរៀបចំដំណើរការបង្កើតបក្ស«ប្រជាធិបតេយ្យតាមមូលដ្ឋាន»នាពេលខាងមុខ។
រហូតមកដល់ពេលនេះគណបក្សមូលដ្ឋានដែលមជ្ឍដ្ឋានទូទៅកំពុងតាមដាន និងទន្ទឹងរងចាំមើលនោះ ត្រូវបានលោក សាម អ៊ីន បន្ថែមថា ក្រុមការងារលោកកំពុងជ្រើសរើសអ្នកមានសមត្ថភាពតំណាងប្រជាពលរដ្ឋតាមមូលដ្ឋានដើម្បីពង្រឹងបក្ស និងរៀបចំគោលការណ៍គណបក្សឲ្យបានរួចរាល់ជាមុនសិន។ ឆ្លើយនឹងសំនួរថា តើគណបក្សមូលដ្ឋាននេះ អាចបង្កើតឡើងដូចការគ្រោងទុកនោះទេ? មន្ត្រីសម្របសម្រួលរូបនេះ ឆ្លើយតបវិញថា បើក្រុមការងាររបស់លោកមានការសម្រេច និងរៀបចំតាមមូលដ្ឋានហើយនោះ យ៉ាងយូរនៅចុងខែសីហា ឬដើមខែកញ្ញា បណ្ដាញសង្គមរបស់លោកនឹងជូនដំណឹងទៅកាន់ក្រសួងមហាផ្ទៃ ដើម្បីចុះឈ្មោះបង្កើតបក្សមូលដ្ឋាននេះ។
ថ្លែងប្រាប់សារព័ត៌មានថ្មីៗកាលពីថ្ងៃសៅរ៍ ស្ថាបនិកបណ្ដាញសង្គមខ្មែរដើម្បីខ្មែររូបនេះបានរៀបរាប់ពីដំណើរការត្រៀមបង្កើតបក្សមូលដ្ឋានរបស់ខ្លួនយ៉ាងដូច្នេះថា៖«នៅពេលនេះយើងបានជួបពិភាក្សាជាមួយប្រជាពលរដ្ឋចំនួន១០ឃុំហើយ។ ហើយយើងកំពុងពិភាក្សារៀបចំគោលការណ៍បក្ស រៀបចំតំណាងប្រជាពលរដ្ឋដែលមានសមត្ថភាព មានចំណេះដឹងអាចទុកចិត្តបានតាមមូលដ្ឋាន។ ហើយយើងពិភាក្សាបង្កើតស្លាកគណបក្ស និងការសម្រេចស្រុះស្រួលគ្នាសិន»។
កន្លងមកលោក យ៉ង សាំងកុមារ អះអាងថា គម្រោងបង្កើតគណបក្សមូលដ្ឋានរបស់ក្រុមលោក នៅតែបន្តទៅមុខជានិច្ច។ លោក សាំងកុមារ ធ្លាប់បញ្ជាក់ប្រាប់សារព័ត៌មានថ្មីៗថា គណបក្សរបស់ក្រុមលោកគ្រោងបង្កើតកាលពីខែមេសា តែត្រូវពន្យាពេល នៅត្រឹមចុងខែមិថុនា និងដើមខែកក្កដា ឆ្នាំ ២០១៥នេះ។ នៅតែពេលនេះលោក សាម អ៊ីន ស្ថាបនិកបណ្ដាញសង្គមខ្មែរដើម្បីខ្មែរ បញ្ជាក់ជាថ្មីថា បក្សមូលដ្ឋានរបស់លោកនឹងលេចចេញជារូបរាង នៅត្រឹមចុងខែសីហា ឬដើមខែកញ្ញា។ តើគណបក្សមូលដ្ឋានរបស់ក្រុមលោក យ៉ង សាំងកុមារ និងលោក កែម ឡីនេះ អាចលេចចេញជារូបរាងដែរទេ? ឬក៏គណបក្សមូលដ្ឋាននេះត្រូវការពេលវេលាសិន?៕
រហូតមកដល់ពេលនេះគណបក្សមូលដ្ឋានដែលមជ្ឍដ្ឋានទូទៅកំពុងតាមដាន និងទន្ទឹងរងចាំមើលនោះ ត្រូវបានលោក សាម អ៊ីន បន្ថែមថា ក្រុមការងារលោកកំពុងជ្រើសរើសអ្នកមានសមត្ថភាពតំណាងប្រជាពលរដ្ឋតាមមូលដ្ឋានដើម្បីពង្រឹងបក្ស និងរៀបចំគោលការណ៍គណបក្សឲ្យបានរួចរាល់ជាមុនសិន។ ឆ្លើយនឹងសំនួរថា តើគណបក្សមូលដ្ឋាននេះ អាចបង្កើតឡើងដូចការគ្រោងទុកនោះទេ? មន្ត្រីសម្របសម្រួលរូបនេះ ឆ្លើយតបវិញថា បើក្រុមការងាររបស់លោកមានការសម្រេច និងរៀបចំតាមមូលដ្ឋានហើយនោះ យ៉ាងយូរនៅចុងខែសីហា ឬដើមខែកញ្ញា បណ្ដាញសង្គមរបស់លោកនឹងជូនដំណឹងទៅកាន់ក្រសួងមហាផ្ទៃ ដើម្បីចុះឈ្មោះបង្កើតបក្សមូលដ្ឋាននេះ។
ថ្លែងប្រាប់សារព័ត៌មានថ្មីៗកាលពីថ្ងៃសៅរ៍ ស្ថាបនិកបណ្ដាញសង្គមខ្មែរដើម្បីខ្មែររូបនេះបានរៀបរាប់ពីដំណើរការត្រៀមបង្កើតបក្សមូលដ្ឋានរបស់ខ្លួនយ៉ាងដូច្នេះថា៖«នៅពេលនេះយើងបានជួបពិភាក្សាជាមួយប្រជាពលរដ្ឋចំនួន១០ឃុំហើយ។ ហើយយើងកំពុងពិភាក្សារៀបចំគោលការណ៍បក្ស រៀបចំតំណាងប្រជាពលរដ្ឋដែលមានសមត្ថភាព មានចំណេះដឹងអាចទុកចិត្តបានតាមមូលដ្ឋាន។ ហើយយើងពិភាក្សាបង្កើតស្លាកគណបក្ស និងការសម្រេចស្រុះស្រួលគ្នាសិន»។
កន្លងមកលោក យ៉ង សាំងកុមារ អះអាងថា គម្រោងបង្កើតគណបក្សមូលដ្ឋានរបស់ក្រុមលោក នៅតែបន្តទៅមុខជានិច្ច។ លោក សាំងកុមារ ធ្លាប់បញ្ជាក់ប្រាប់សារព័ត៌មានថ្មីៗថា គណបក្សរបស់ក្រុមលោកគ្រោងបង្កើតកាលពីខែមេសា តែត្រូវពន្យាពេល នៅត្រឹមចុងខែមិថុនា និងដើមខែកក្កដា ឆ្នាំ ២០១៥នេះ។ នៅតែពេលនេះលោក សាម អ៊ីន ស្ថាបនិកបណ្ដាញសង្គមខ្មែរដើម្បីខ្មែរ បញ្ជាក់ជាថ្មីថា បក្សមូលដ្ឋានរបស់លោកនឹងលេចចេញជារូបរាង នៅត្រឹមចុងខែសីហា ឬដើមខែកញ្ញា។ តើគណបក្សមូលដ្ឋានរបស់ក្រុមលោក យ៉ង សាំងកុមារ និងលោក កែម ឡីនេះ អាចលេចចេញជារូបរាងដែរទេ? ឬក៏គណបក្សមូលដ្ឋាននេះត្រូវការពេលវេលាសិន?៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
