ពីនេះ ពីនោះ
ធ្វើយ៉ាងដូចម្តេចទើបក្លាយជាអ្នកស្តាប់ដ៏ល្អ ?
×
មិនមែនមនុស្សគ្រប់គ្នានិយាយទៅកាន់អ្នក អ្នកអាចចាប់បានសាច់រឿងទាំងមូលនោះទេ។ ហើយមនុស្សគ្រប់គ្នាដែលបាននិយាយមកកាន់អ្នក ក៏មិនប្រាកដ់ថា ជារឿងពិតទាំងអស់នោះដែរ។ តើគួរស្តាប់ពួកគេនិយាយដោយរបៀបណា ទើបអាចយល់សាច់រឿងទាំងមូលបាន? តើគួរសង្កេតមើលបែបណា ទើបដឹងថាអ្វីដែលគេនិយាយជារឿងពិតឬមិនពិត?
ទី១) សម្លឹងមើលដៃគូឆ្លើយឆ្លង៖ នៅពេលកំពុងស្តាប់ដៃគូឆ្លើយឆ្លង អ្នកត្រូវសម្លឹងមើលដៃគូឲ្យចំមុខ និងស្តាប់ដោយយកចិត្តទុកដាក់។
ទី២) កត់ត្រាចំណុចសំខាន់៖ ត្រូវកត់ចំណាំនូវចំណុចសំខាន់ៗ ដែលទាក់ទិននឹងប្រធានបទ និងកត់ចំណាំនូវពាក្យគន្លឹះ និងចំណុចណាដែលអ្នកមិនទាន់យល់ច្បាស់។
ទី៣) ចេះឆ្ងល់ និងចោទជាសំណួរ៖ ត្រូវចេះឆ្ងល់ឲ្យបានគ្រប់ជ្រុងជ្រោយ និងចោទជាសំណួរនូវចំណុចដែលអ្នកមិនទាន់យល់ ដោយប្រើសំណួរ (what, when, where, why, who, and How)។
ទី៤) លើកទឹកចិត្តដៃគូឆ្លើយឆ្លង៖ អ្នកត្រូវធ្វើការឆ្លើយតបទៅដៃគូវិញ ដោយបង្ហាញទឹកមុខចាប់អារម្មណ៍ និងស្នាមញញឹម ឬប្រើជាសញ្ញាដែលអាចបញ្ជាក់បានថា អ្នកយល់ពីអ្វីដែលគេបាននិយាយប្រាប់អ្នក។
ទី៥) សង្ខេបខ្លឹមសារ៖ ត្រូវសង្ខេបនូវចំណុចដែលអ្នកចាប់អារម្មណ៍ និងគិតថា ជាចំណុចសំខាន់នៃសាច់រឿងទាំងមូល ហើយត្រូវនិយាយនូវចំណុចសង្ខេបទាំងនោះទៅកាន់ដែគូសន្ទនាវិញ ដើម្បីបញ្ជាក់ថា ដៃគូរបស់អ្នកពិតជានិយាយអីច្ចឹងមែនឬទេ។
ទី៦) ថ្លឹងថ្លែងហេតុផលឲ្យបានច្បាស់៖ មិនមែនអ្វីដែលដៃគូឆ្លើយឆ្លងរបស់អ្នកនិយាយ អ្នកអាចជឿឬគិតថាគេនិយាយត្រូវទាំងអស់នោះទេ។ អ្នកត្រូវតែដឹងថា គេជាមនុស្សបែបណា? គេមានទំនោរទៅខាងណា? អ្វីដែលគេបាននិយាយពិតជាមានហេតុផលគ្រប់ជ្រុងជ្រោយ និងភស្តុតាងច្បាស់លាស់ដែរឬទេ? ៕
© រក្សាសិទ្ធិដោយ thmeythmey.com