ពីនេះ ពីនោះ
×![]()
ដោយ: ថ្មីៗ
ការដឹកនាំជីវិតខ្លួនឯង គឺជាវិធីឬរបៀបនៃការបៀបចំគម្រោងឬផែនការសម្រាប់ជីវិតខ្លួនឯង ដោយមានការទទួលខុសត្រូវមើលថែខ្លួនឯង បង្កើនសមត្ថភាពរបស់ខ្លួន កំណត់គោលដៅក្នុងជីវិតឲ្យច្បាស់លាស់ អនុវត្តន៍សកម្មភាពប្រចាំថ្ងៃឲ្យត្រូវនឹងគោលដៅដែលខ្លួនចង់បាន និងមានទំនួលខុសត្រូវខ្ពស់លើជីវិតខ្លួនឯង។ បន្ថែមពីនេះ ត្រូវចេះលើកទឹកចិត្តខ្លួនឯង និងមានជំនឿលើខ្លួនឯង ព្រោះវាជាកម្លាំងជំរុញខ្លួនអ្នកឲ្យឆ្ពោះទៅរកភាពជោគជ័យនៅក្នុងជីវិតរបស់អ្នក។
ម្យ៉ាងទៀត ដើម្បីដឹកនាំជីវិតខ្លួនឯងឲ្យឆាប់ទទួលបានជោគជ័យ អ្នកត្រូវតែឆ្លុះបញ្ចាំងឬវាយតម្លៃពីខ្លួនឯងជាមុនសិន។ ដូច្នេះអ្នកត្រូវសួរខ្លួនឯងថា៖ តើខ្ញុំចូលចិត្តអ្វីខ្លះ? មានសមត្ថភាពកម្រិតណា? មានទេព្យកោសល្យអ្វីខ្លះ? មានចំណុចខ្លាំងនិងខ្សោយអ្វីខ្លះ? គោលបំណងនៅក្នុងជីវិតរបស់ខ្ញុំ តើខ្ញុំចង់ក្លាយជាមនុស្សបែបណា? សកម្មភាពប្រចាំថ្ងៃរបស់ខ្ញុំ តើខ្ញុំអាចសម្រេចគោលដៅរបស់ខ្ញុំដែរឬទេ? តើឧបសគ្គអ្វីខ្លះ ដែលរារាំងខ្ញុំមិនឲ្យសម្រេចគោលដៅនៅក្នុងជីវិត? តើខ្ញុំត្រូវធ្វើអ្វីបន្ថែមទៀត ទើបអាចទទួលបានជោគជ័យនៅឆាកជីវិតរបស់ខ្ញុំ? ។ ល។
សំណួរទាំងនេះជាគ្រឹះសំខាន់សម្រាប់ដឹកនាំជីវិតរបស់អ្នកឲ្យឆ្ពោះទៅរកភាពសុខដុមរមនា និងភាពជោគជ័យនៅក្នុងជីវិត៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
16 ម៉ោង
