ជាតិ
បទយកការណ៍ / បទសម្ភាសន៍
×![]()
ដោយ: ខន ចំប៉ា
ខណ្ឌទួលគោក គឺជាទីតាំងមួយ ក្នុងចំណោមខណ្ឌមួយចំនួនទៀត ដែលត្រូវបានជ្រើសរើសក្នុងចំណោមខណ្ឌដំបូងក្នុងរាជធានីភ្នំពេញ ដែលត្រូវអនុវត្តគោលនយោបាយ «ច្រកចេញចូលតែមួយ»។ ការិយាល័យច្រកចេញចូលតែមួយ បានផ្លាស់ប្តូរទិដ្ឋភាពអវិជ្ជមានមួយចំនួន។ គ្មានទៀតឡើយ ការិយាល័យដែលគ្មានមនុស្សធ្វើការ គ្មានទៀតឡើយភាពរញេរញ៉ៃនៃការតថ្លៃតម្លៃសេវាសាធារណៈជាចំហ។
ម៉ោងប្រមាណ៨ព្រឹក មនុស្សប្រុសស្រី ក្មេងចាស់ប្រមាណ១០នាក់បានមកដល់អគារធំមួយកំពស់២ជាន់ ដែលមានឆ្លាក់អក្សរខ្មែរ និងអង់គ្លេស ជាស៊ីម៉ង់លាបពណ៌ខៀវនៅលើដំបូលអគារថា «ការិយាល័យច្រកចេញចូលតែមួយ» និង «One window service office»។ ជាអគារដែលមានលាបពណ៌ពងមាន់ ស្ថិតនៅក្នុងបរិវេណដ៏ចង្អៀតនៃសាលាខណ្ឌទួលគោក នៅលើវិថីទេពផន។
មិនមែនមានតែពលរដ្ឋប្រមាណ១០នាក់នោះទេ ពលរដ្ឋផ្សេងៗទៀតបានមកដល់បន្តបន្ទាប់គ្នា ដើម្បីរកសេវារៀងៗខ្លួន។ អ្នកខ្លះបញ្ជាក់សញ្ញាបត្រ អ្នកខ្លះមកធ្វើស្លាកលេខម៉ូតូ អ្នកខ្លះទៀតមកស្នើសុំច្បាប់បើកអាជីវកម្មផ្សេងៗ ។ ជាការិយាល័យការងារ ដែលមើលទៅហាក់មានវិន័យយ៉ាងត្រឹមត្រូវ។ មន្ត្រីម្នាក់ៗអង្គុយបំពេញការងារតាមតួនាទីរៀងៗខ្លួន នៅខាងក្រោយផ្ទាំងកញ្ចក់ដ៏ធំមួយ ដែលខណ្ឌចែកបន្ទប់ជាពីរ។ ពលរដ្ឋដែលមករកសេវា ក៏ហាក់យល់ដឹង និងស្គាល់ពីនីតិវិធីនៃការស្នើរកសេវា។ ពួកគេឈរតម្រង់ជួរនៅមុខកញ្ចក់ចោះប្រហោងធំមួយដែលជួយអ្នកមករកសេវា និងមន្ត្រីបាននិយាយស្តាប់គ្នាឮ ហើយក៏សុំឯកសារដើម្បីបំពេញរកសេវាដែលពួកគេចង់បាន។
រីករាយនឹងសេវាកម្មសាធារណៈថ្មី
នេះជាទិដ្ឋភាពថ្មីនៃដំណើរការការងាររដ្ឋបាលថ្នាក់មូលដ្ឋាននៅក្នុងខណ្ឌទួលគោក ក្នុងរយៈពេលជាងមួយឆ្នាំចុងក្រោយនេះ ពោលគឺចាប់តាំងពី ការិយាល័យច្រកចេញចូលតែមួយនេះ បានបើកទ្វារបម្រើពលរដ្ឋតាំងពីខែមេសាឆ្នាំ២០១៤មក។
មន្ត្រីជំនាញ២០រូបដែលសុទ្ធតែទទួលបានការបណ្តុះបណ្តាលដើម្បីអនុវត្តការងារច្រកចេញចូលតែមួយនេះ កំពុងតែមមាញឹកនឹងការងារទាំង១១ផ្នែក ដែលមានសេវាកម្មទាំងអស់១៩៣ សេវា។
ច្រកចេញចូលតែមួយ ត្រូវបានបង្កើតឡើងក្នុងគោលដៅផ្តល់សេវាដោយប្រសិទ្ធភាព និងគ្មានអំពើពុករលួយដល់ពលរដ្ឋ។ ក្នុងនាមជាប្រធានការិយាល័យច្រកចេញចូលតែមួយនៃខណ្ឌទួលគោក លោក ឌី សុវណ្ណរតនៈ បានបង្ហាញមោទនភាពចំពោះបរិយាកាសការងារថ្មី និងរស់រវើកក្នុងសកម្មភាពបម្រើពលរដ្ឋ។ អ្នកទទួលខុសត្រូវរូបនេះពន្យល់ថា មន្ត្រីទាំង២០រូបអង្គុយធ្វើការនៅកន្លែងតែមួយដោយគោរពទៅតាមនីតិវិធីការងារយ៉ាងច្បាស់លាស់ ហើយថាពួកគេគ្មានឱកាសប្រព្រឹត្តិអំពើពុករលួយនោះឡើយ។ ចំពោះប្រធានការិយាល័យច្រកចេញចូលតែមួយរូបនេះ គ្មានឡើយការសូកប៉ាន់ ឬការបង់ថ្លៃសេវាបន្ថែមដើម្បីទទួលបានសេវាលឿនជាងធម្មតានោះ។ លោក ឌី សុវណ្ណរតនៈ អះអាងយ៉ាងដូច្នេះ ពីព្រោះលោកអាចគ្រប់គ្រងមន្ត្រីក្រោឱវាទរបស់លោកបានដោយផ្ទាល់។ ប្រធានការិយាល័យច្រកចេញចូលតែមួយ មិនមានបន្ទប់ការិយាល័យផ្ទាល់ខ្លួនដាច់ដោយឡែកឡើយ។ តុធ្វើការរបស់ប្រធានការិយាល័យនេះ គឺនៅក្នុងចំណោមតុមន្ត្រីជាច្រើនរូបទៀត នៅក្នុងបន្ទប់ធំល្មមមួយ។ អង្គុយនៅតុការិយាល័យដែលមានតម្កល់ឯកសារជាច្រើន លោក សុវណ្ណរតនៈ បញ្ជាក់ប្រាប់យ៉ាងដូច្នេះថា៖«ខ្ញុំអាចឃើញពួកគេបំពេញការងារដោយផ្ទាល់ភ្នែករបស់ខ្ញុំ។ ការងាររបស់ពួកយើងមានរចនាសម្ព័ន្ធ និងដំណាក់កាលរបស់វាច្បាល់លាស់។ យើងសប្បាយចិត្តនឹងការងារទាំងនេះ ព្រោះយើងបានជួបពលរដ្ឋដោយផ្ទាល់ ហើយពួកគេក៏បានសាទរ និងកោតសរសើរពួកយើង សម្រាប់របៀបនៃការធ្វើការងារថ្មីនេះដែរ»។
សេវាកម្មជិត២០០សេវានៅកន្លែងតែមួយ។ តម្លៃនៃសេវាកម្មទាំងអស់សុទ្ធតែត្រូវបានបិទផ្សាយជាសាធារណៈនៅមុខអគារការិយាល័យ។ ពលរដ្ឋក្មេងចាស់ ប្រុសស្រី មិនតិចជាង៥០នាក់ទេដែលបានមករកសេវាផ្សេងៗ ជារៀងរាល់ថ្ងៃនៅក្នុងអគារការិយាល័យច្រកចេញចូលតែមួយនៃខណ្ឌទួលគោក។
កំពុងអង្គុយបំពេញបែបបទធ្វើស្លាកលេខម៉ូតូ អ៊ំប្រុស ជួប សន វ័យ៦២ឆ្នាំ បានថ្លែងដោយក្លៀវក្លា និងឥតរួញរាឡើយថា សេវាកម្មធ្វើស្លាកលេខម៉ូតូនៅក្នុងខណ្ឌទួលគោកនេះ ចំណាយថវិកាតិច ពេលវេលាតិចជាងពេលដែលលោកធ្លាប់រកសេវានេះនៅមន្ទីរសាធារណការរាជធានី។ អ៊ំប្រុស ជួប សន បាននិយាយក្នុងសំឡេងខ្លាំងៗថា គាត់មិនបានបង់ប្រាក់លើសពីតម្លៃ៧៨០០០រៀល ដែលត្រូវបានបិទនៅលើតារាងតម្លៃសេវាសាធារណៈនោះឡើយ។ «មន្ត្រីរបស់រដ្ឋត្រូវបម្រើរាស្ត។ មិនមែនមកគាបសង្កត់ទារលុយពីប្រជាពលរដ្ឋនោះទេ»។ អ៊ំ សន បន្ទរបន្ថែម។
នៅមិនឆ្ងាយពីអ៊ំប្រុសរូបនេះ និស្សិត ឆេង ម៉េងលី នៃវិទ្យាស្ថានវ៉ាន់ដា ទើបតែបញ្ចប់ការបញ្ជាក់សញ្ញាបត្ររបស់ខ្លួន។ និស្សិតរូបនេះក៏និយាយទទួលស្គាល់ថា សេវានៅច្រកចេញចូលតែមួយនេះ លឿនជាង និងល្អជាង សេវានៅសាលារាជធានីភ្នំពេញ។ បើទោះជាមានការបិទផ្សាយតារាងតម្លៃជាសាធារណៈក៏ដោយ និស្សិតរូបនេះ នៅតែនិយាយស្នើឲ្យមន្ត្រីនៅក្នុងការិយាល័យច្រកចេញចូលតែមួយ ត្រូវមានចិត្តស្មោះត្រង់ថែមទៀត ចំពោះពលរដ្ឋដូចរូបលោក ដែលមិនបានចាប់អារម្មណ៍អានតារាងតម្លៃ ហើយចូលទៅរកសេវាតែម្តងនោះ។ «ខ្ញុំទើបមកទីនេះជាលើកដំបូង។ ខ្ញុំមិនដឹងថា តម្លៃបញ្ជាក់សញ្ញាបត្រតម្លៃមួយសន្លឹក១០០០រៀលអ៊ីចឹងទេ។ ធម្មតាបើមន្ត្រីខិលខូចប្រាប់ឲ្យបង់លុយ២០០០រៀល ក៏ខ្ញុំឲ្យដែរ ព្រោះយើងមិនអាចតថ្លៃដូចនៅផ្សារនោះទេ»។ នេះជាការលើកឡើងរបស់ យុវជន ម៉េងលី។
ការលើកឡើងរបស់ ម៉េងលី គឺជារឿងត្រឹមត្រូវមួយ។ មន្ត្រីឆ្លៀតឱកាសនៅទីណាក៏មាន។ នៅក្នុងច្រកចេញចូលតែមួយនៃខណ្ឌទួលគោកនេះក៏មាន។ អំពើពុករលួយ មិនមែនមានន័យថា លុះត្រាតែមន្ត្រីសុំលុយថវិកាក្រៅផ្លូវការត្រង់ៗ ទើបហៅថា ករណីពុករលួយនោះទេ។ ការដែលអ្នកស្រី រីម៉ា ដែលមកទទួលសេវាធ្វើស្លាកលេខម៉ូតូ ហើយបានផ្តល់កម្រៃលើសតម្លៃសេវាផ្លូវការ ដោយចាត់ទុកថា ជាសគុណ ឬជាទឹកចិត្ត ហើយមន្ត្រីបានព្រមទទួលយកនោះ វាក៏ជាករណីពុករលួយដែរ។ អ្នកស្រីបញ្ជាក់ប្រាប់ថា លុយដែលអ្នកស្រីឲ្យលើសនោះ គឺអ្នកស្រីចាត់ទុកជា«ទឹកចិត្តរបស់គាត់ ជូនដល់មន្ត្រីដែលខិតខំបម្រើសេវាកម្មជូនគាត់»។ ស្ត្រីរូបនេះមិនបានដឹងទេថា លុយដែលជាទឹកចិត្តរបស់គាត់ គឺជាការប្រព្រឹត្តិអំពើពុករលួយនោះទេ។ អ្នកស្រី រីម៉ា បញ្ជាក់ថា៖«ខ្ញុំអត់ដឹងទេ ខ្ញុំរៀនបានតិច។ ខ្ញុំមិនដឹងស្អីពុករលួយ មិនពុករលួយទេ ព្រោះកាលពីមុនក៏ធ្លាប់ឲ្យទៅពួកគាត់អ៊ីចឹងដូចគ្នា»។
ពលរដ្ឋខ្លះបង្ខំឲ្យមន្ត្រីយកប្រាក់សគុណ
លោក សុខ មុនីឧត្តម មន្ត្រីមួយរូបដែលធ្លាប់បានដឹង និងបានទទួលការបណ្តុះបណ្តាលទាក់ទងនឹងអំពើពុករលួយ មុនពេលដែលលោកចូលមកបំពេញការងារនៅក្នុងការិយាល័យច្រកចេញចូលតែមួយនេះ។ មន្ត្រីទទួលបន្ទុកផ្នែកនិត្យានុកូលកម្មបញ្ជាក់ថា ពេលផ្តល់សេវាកម្មលោកមិនដែលទារថ្លៃសេវា លើសពីតម្លៃដែលត្រូវបានកំណត់ផ្លូវការនោះទេ។ លោកបានអះអាងថា សហការីរបស់លោកភាគច្រើនសុទ្ធតែបានអនុវត្តតួនាទី ភារកិច្ចយ៉ាងល្អ។ ប៉ុន្តែក្នុងរយៈកន្លងមកនេះ វាធ្លាប់មានករណីបង្ខំពីពលរដ្ឋ។ « ប្រជាពលរដ្ឋខ្លះបង្ខំមន្ត្រីឲ្យទទួលលុយពីពួកគេ ដោយពួកគេបញ្ជាក់ថា លុយនោះជាទឹកចិត្ត។ ពេលខ្លះ មន្ត្រីមិនយកលុយទឹកចិត្តនោះទេ តែពលរដ្ឋបានទុកលុយទាំងនោះចោល ហើយចាកចេញទៅ»។
មន្ត្រីដែលបម្រើការងារនៅការិយាល័យច្រកចេញចូលតែមួយនេះ ក៏រំពឹងថាពួកគាត់នឹងទទួលបានការបណ្តុះបណ្តាលបន្ថែមទៀត ទាក់ទងនឹងច្បាប់ប្រឆាំងអំពើពុករលួយនាពេលឆាប់ៗខាងមុខដែរ ដើម្បីពួកគាត់រឹតតែយល់ច្បាស់អំពីវិធានការដែលពួកគាត់ត្រូវដោះស្រាយ។
អាចប្តឹងទៅការិយាល័យពលរដ្ឋ
មិនអាចមានករណីមិនប្រក្រតីកើតឡើង ដោយគ្មានការដោះស្រាយបានឡើយ។ ប្រធានការិយាល័យច្រកចេញចូលតែមួយ លោក ឌី សុវណ្ណរតនៈ បានបញ្ជាក់យ៉ាងច្បាស់ថា លោកបានណែនាំជាវិន័យដល់មន្ត្រីរបស់លោករួចហើយ ថាមិនឲ្យពួកគេទារលុយ ឬទទួលលុយពីប្រជាពលរដ្ឋ ហើយក្នុងករណីមិនរាងចាល ឬមិនស្តាប់បង្គាប់ មន្ត្រីនោះនឹងត្រូវដកចេញពីក្រុមការងារនេះ។
មានវិធានការបន្ថែមទៀតដើម្បីប្រឆាំងភាពមិនប្រក្រតីដែលប្រព្រឹត្តដោយមន្ត្រី។ នោះគឺការដាក់ពាក្យបណ្តឹង នៅការិយាល័យប្រជាជពលរដ្ឋដែលមានទីតាំងនៅជាប់ការិយាល័យច្រកចេញចូលតែមួយនោះដែរ។
លោក ម៉ែន គឹមងន ប្រធានការិយាល័យប្រជាពលរដ្ឋ បានប្រាប់ឲ្យដឹងថា លោកបានទទួលបណ្តឹងជាច្រើនរួចហើយក្នុងរយៈពេលជាងមួយឆ្នាំនេះ។ ហើយភាគច្រើន គឺជាបណ្តឹងផ្ទាល់មាត់របស់ពលរដ្ឋ ដែលរអ៊ូរទាំអំពីភាពយឺតយ៉ាវនៃការផ្តល់សេវាកម្ម។ ភាពយឺតយ៉ាវនៃការផ្តល់សេវា បើតាមលោក គឹមងន គឺករណីដែលនិស្សិតមកបញ្ជាក់សញ្ញាបត្រ និងលិខិតបញ្ជាក់ការសិក្សា ករណីដែលពលរដ្ឋចង់បានលិខិតបញ្ជាក់មួយចំនួនដើម្បីខ្ចីលុយពីធនាគារ ជាដើម។ ករណីទាំងអស់នេះ ដែលសុទ្ធសឹងតែជាករណីប្រញាប់របស់ពលរដ្ឋ ហើយដែលត្រូវប្រឈមនឹងនីតិវិធីការងាររបស់ច្រកចេញចូលតែមួយ។ នេះជាការពន្យល់របស់លោកប្រធានការិយាល័យពលរដ្ឋ។
ត្រង់ចំនុចនេះ ប្រធានការិយាល័យច្រកចេញចូលតែមួយពន្យល់ថា៖«បញ្ហាទាំងនេះ កើតឡើងយូរៗម្តងប៉ុណ្ណោះ។ មូលហេតុដែលបណ្តាលឲ្យយឺតយ៉ាវ អាចបណ្តាលមកពីមន្ត្រីរវល់ប្រជុំ ឬចុះទៅធ្វើការងារតាមខេត្ត ឬប៉ះចំថ្ងៃឈប់ជាប់គ្នា២ឬ៣ថ្ងៃ។ ហើយព្រោះសេវាខ្លះ កំណត់៣ថ្ងៃ អាចឲ្យពួកគាត់មកយកឯកសារបាន ដូចជាបញ្ជាក់សញ្ញាបត្រ អត្តសញ្ញាណបណ្ណជាដើម»។
បើទោះជានៅមានឧបសគ្គខ្លះៗក៏ដោយ វត្តមាននៃច្រកចេញចូលតែមួយ បានធ្វើឲ្យមានការផ្លាស់ប្តូរទិដ្ឋភាពការងារទៅរកភាពល្អស្អាតស្អំ នៅថ្នាក់មូលដ្ឋានជាពិសេសការបម្រើសេវាសាធារណៈពីអាជ្ញាធរចំពោះពលរដ្ឋរបស់ខ្លួន។ ភាពស្មុគស្មាញនៃការអនុវត្តនីតិវិធីការងារ គឺជាបញ្ហាពិតមែនហើយ ប៉ុន្តែយ៉ាងហោចណាស់ ច្រកចេញចូលតែមួយបានបង្កើតបរិយាកាសការងាររដ្ឋបាលដ៏គួរឲ្យលើកទឹកចិត្ត និងសាទរ។ ម៉ោងរដ្ឋបាលដែលចាប់ផ្តើមនៅម៉ោង៧និង៣០នាទីព្រឹក គេមិនឃើញមន្ត្រីនៅតាមអាហារដ្ឋានកំពុងពិសារកាហ្វេដល់ម៉ោង៩ព្រឹកទៀតឡើយ។ គេក៏មិនឃើញស្នើសុំ និងការផ្តល់សេវាខ្លះ ប្រព្រឹត្តនៅតាមតុកាហ្វេទៀតដែរ៕
ម៉ោងប្រមាណ៨ព្រឹក មនុស្សប្រុសស្រី ក្មេងចាស់ប្រមាណ១០នាក់បានមកដល់អគារធំមួយកំពស់២ជាន់ ដែលមានឆ្លាក់អក្សរខ្មែរ និងអង់គ្លេស ជាស៊ីម៉ង់លាបពណ៌ខៀវនៅលើដំបូលអគារថា «ការិយាល័យច្រកចេញចូលតែមួយ» និង «One window service office»។ ជាអគារដែលមានលាបពណ៌ពងមាន់ ស្ថិតនៅក្នុងបរិវេណដ៏ចង្អៀតនៃសាលាខណ្ឌទួលគោក នៅលើវិថីទេពផន។
មិនមែនមានតែពលរដ្ឋប្រមាណ១០នាក់នោះទេ ពលរដ្ឋផ្សេងៗទៀតបានមកដល់បន្តបន្ទាប់គ្នា ដើម្បីរកសេវារៀងៗខ្លួន។ អ្នកខ្លះបញ្ជាក់សញ្ញាបត្រ អ្នកខ្លះមកធ្វើស្លាកលេខម៉ូតូ អ្នកខ្លះទៀតមកស្នើសុំច្បាប់បើកអាជីវកម្មផ្សេងៗ ។ ជាការិយាល័យការងារ ដែលមើលទៅហាក់មានវិន័យយ៉ាងត្រឹមត្រូវ។ មន្ត្រីម្នាក់ៗអង្គុយបំពេញការងារតាមតួនាទីរៀងៗខ្លួន នៅខាងក្រោយផ្ទាំងកញ្ចក់ដ៏ធំមួយ ដែលខណ្ឌចែកបន្ទប់ជាពីរ។ ពលរដ្ឋដែលមករកសេវា ក៏ហាក់យល់ដឹង និងស្គាល់ពីនីតិវិធីនៃការស្នើរកសេវា។ ពួកគេឈរតម្រង់ជួរនៅមុខកញ្ចក់ចោះប្រហោងធំមួយដែលជួយអ្នកមករកសេវា និងមន្ត្រីបាននិយាយស្តាប់គ្នាឮ ហើយក៏សុំឯកសារដើម្បីបំពេញរកសេវាដែលពួកគេចង់បាន។រីករាយនឹងសេវាកម្មសាធារណៈថ្មី
នេះជាទិដ្ឋភាពថ្មីនៃដំណើរការការងាររដ្ឋបាលថ្នាក់មូលដ្ឋាននៅក្នុងខណ្ឌទួលគោក ក្នុងរយៈពេលជាងមួយឆ្នាំចុងក្រោយនេះ ពោលគឺចាប់តាំងពី ការិយាល័យច្រកចេញចូលតែមួយនេះ បានបើកទ្វារបម្រើពលរដ្ឋតាំងពីខែមេសាឆ្នាំ២០១៤មក។
មន្ត្រីជំនាញ២០រូបដែលសុទ្ធតែទទួលបានការបណ្តុះបណ្តាលដើម្បីអនុវត្តការងារច្រកចេញចូលតែមួយនេះ កំពុងតែមមាញឹកនឹងការងារទាំង១១ផ្នែក ដែលមានសេវាកម្មទាំងអស់១៩៣ សេវា។
ច្រកចេញចូលតែមួយ ត្រូវបានបង្កើតឡើងក្នុងគោលដៅផ្តល់សេវាដោយប្រសិទ្ធភាព និងគ្មានអំពើពុករលួយដល់ពលរដ្ឋ។ ក្នុងនាមជាប្រធានការិយាល័យច្រកចេញចូលតែមួយនៃខណ្ឌទួលគោក លោក ឌី សុវណ្ណរតនៈ បានបង្ហាញមោទនភាពចំពោះបរិយាកាសការងារថ្មី និងរស់រវើកក្នុងសកម្មភាពបម្រើពលរដ្ឋ។ អ្នកទទួលខុសត្រូវរូបនេះពន្យល់ថា មន្ត្រីទាំង២០រូបអង្គុយធ្វើការនៅកន្លែងតែមួយដោយគោរពទៅតាមនីតិវិធីការងារយ៉ាងច្បាស់លាស់ ហើយថាពួកគេគ្មានឱកាសប្រព្រឹត្តិអំពើពុករលួយនោះឡើយ។ ចំពោះប្រធានការិយាល័យច្រកចេញចូលតែមួយរូបនេះ គ្មានឡើយការសូកប៉ាន់ ឬការបង់ថ្លៃសេវាបន្ថែមដើម្បីទទួលបានសេវាលឿនជាងធម្មតានោះ។ លោក ឌី សុវណ្ណរតនៈ អះអាងយ៉ាងដូច្នេះ ពីព្រោះលោកអាចគ្រប់គ្រងមន្ត្រីក្រោឱវាទរបស់លោកបានដោយផ្ទាល់។ ប្រធានការិយាល័យច្រកចេញចូលតែមួយ មិនមានបន្ទប់ការិយាល័យផ្ទាល់ខ្លួនដាច់ដោយឡែកឡើយ។ តុធ្វើការរបស់ប្រធានការិយាល័យនេះ គឺនៅក្នុងចំណោមតុមន្ត្រីជាច្រើនរូបទៀត នៅក្នុងបន្ទប់ធំល្មមមួយ។ អង្គុយនៅតុការិយាល័យដែលមានតម្កល់ឯកសារជាច្រើន លោក សុវណ្ណរតនៈ បញ្ជាក់ប្រាប់យ៉ាងដូច្នេះថា៖«ខ្ញុំអាចឃើញពួកគេបំពេញការងារដោយផ្ទាល់ភ្នែករបស់ខ្ញុំ។ ការងាររបស់ពួកយើងមានរចនាសម្ព័ន្ធ និងដំណាក់កាលរបស់វាច្បាល់លាស់។ យើងសប្បាយចិត្តនឹងការងារទាំងនេះ ព្រោះយើងបានជួបពលរដ្ឋដោយផ្ទាល់ ហើយពួកគេក៏បានសាទរ និងកោតសរសើរពួកយើង សម្រាប់របៀបនៃការធ្វើការងារថ្មីនេះដែរ»។
សេវាកម្មជិត២០០សេវានៅកន្លែងតែមួយ។ តម្លៃនៃសេវាកម្មទាំងអស់សុទ្ធតែត្រូវបានបិទផ្សាយជាសាធារណៈនៅមុខអគារការិយាល័យ។ ពលរដ្ឋក្មេងចាស់ ប្រុសស្រី មិនតិចជាង៥០នាក់ទេដែលបានមករកសេវាផ្សេងៗ ជារៀងរាល់ថ្ងៃនៅក្នុងអគារការិយាល័យច្រកចេញចូលតែមួយនៃខណ្ឌទួលគោក។
កំពុងអង្គុយបំពេញបែបបទធ្វើស្លាកលេខម៉ូតូ អ៊ំប្រុស ជួប សន វ័យ៦២ឆ្នាំ បានថ្លែងដោយក្លៀវក្លា និងឥតរួញរាឡើយថា សេវាកម្មធ្វើស្លាកលេខម៉ូតូនៅក្នុងខណ្ឌទួលគោកនេះ ចំណាយថវិកាតិច ពេលវេលាតិចជាងពេលដែលលោកធ្លាប់រកសេវានេះនៅមន្ទីរសាធារណការរាជធានី។ អ៊ំប្រុស ជួប សន បាននិយាយក្នុងសំឡេងខ្លាំងៗថា គាត់មិនបានបង់ប្រាក់លើសពីតម្លៃ៧៨០០០រៀល ដែលត្រូវបានបិទនៅលើតារាងតម្លៃសេវាសាធារណៈនោះឡើយ។ «មន្ត្រីរបស់រដ្ឋត្រូវបម្រើរាស្ត។ មិនមែនមកគាបសង្កត់ទារលុយពីប្រជាពលរដ្ឋនោះទេ»។ អ៊ំ សន បន្ទរបន្ថែម។
នៅមិនឆ្ងាយពីអ៊ំប្រុសរូបនេះ និស្សិត ឆេង ម៉េងលី នៃវិទ្យាស្ថានវ៉ាន់ដា ទើបតែបញ្ចប់ការបញ្ជាក់សញ្ញាបត្ររបស់ខ្លួន។ និស្សិតរូបនេះក៏និយាយទទួលស្គាល់ថា សេវានៅច្រកចេញចូលតែមួយនេះ លឿនជាង និងល្អជាង សេវានៅសាលារាជធានីភ្នំពេញ។ បើទោះជាមានការបិទផ្សាយតារាងតម្លៃជាសាធារណៈក៏ដោយ និស្សិតរូបនេះ នៅតែនិយាយស្នើឲ្យមន្ត្រីនៅក្នុងការិយាល័យច្រកចេញចូលតែមួយ ត្រូវមានចិត្តស្មោះត្រង់ថែមទៀត ចំពោះពលរដ្ឋដូចរូបលោក ដែលមិនបានចាប់អារម្មណ៍អានតារាងតម្លៃ ហើយចូលទៅរកសេវាតែម្តងនោះ។ «ខ្ញុំទើបមកទីនេះជាលើកដំបូង។ ខ្ញុំមិនដឹងថា តម្លៃបញ្ជាក់សញ្ញាបត្រតម្លៃមួយសន្លឹក១០០០រៀលអ៊ីចឹងទេ។ ធម្មតាបើមន្ត្រីខិលខូចប្រាប់ឲ្យបង់លុយ២០០០រៀល ក៏ខ្ញុំឲ្យដែរ ព្រោះយើងមិនអាចតថ្លៃដូចនៅផ្សារនោះទេ»។ នេះជាការលើកឡើងរបស់ យុវជន ម៉េងលី។
ការលើកឡើងរបស់ ម៉េងលី គឺជារឿងត្រឹមត្រូវមួយ។ មន្ត្រីឆ្លៀតឱកាសនៅទីណាក៏មាន។ នៅក្នុងច្រកចេញចូលតែមួយនៃខណ្ឌទួលគោកនេះក៏មាន។ អំពើពុករលួយ មិនមែនមានន័យថា លុះត្រាតែមន្ត្រីសុំលុយថវិកាក្រៅផ្លូវការត្រង់ៗ ទើបហៅថា ករណីពុករលួយនោះទេ។ ការដែលអ្នកស្រី រីម៉ា ដែលមកទទួលសេវាធ្វើស្លាកលេខម៉ូតូ ហើយបានផ្តល់កម្រៃលើសតម្លៃសេវាផ្លូវការ ដោយចាត់ទុកថា ជាសគុណ ឬជាទឹកចិត្ត ហើយមន្ត្រីបានព្រមទទួលយកនោះ វាក៏ជាករណីពុករលួយដែរ។ អ្នកស្រីបញ្ជាក់ប្រាប់ថា លុយដែលអ្នកស្រីឲ្យលើសនោះ គឺអ្នកស្រីចាត់ទុកជា«ទឹកចិត្តរបស់គាត់ ជូនដល់មន្ត្រីដែលខិតខំបម្រើសេវាកម្មជូនគាត់»។ ស្ត្រីរូបនេះមិនបានដឹងទេថា លុយដែលជាទឹកចិត្តរបស់គាត់ គឺជាការប្រព្រឹត្តិអំពើពុករលួយនោះទេ។ អ្នកស្រី រីម៉ា បញ្ជាក់ថា៖«ខ្ញុំអត់ដឹងទេ ខ្ញុំរៀនបានតិច។ ខ្ញុំមិនដឹងស្អីពុករលួយ មិនពុករលួយទេ ព្រោះកាលពីមុនក៏ធ្លាប់ឲ្យទៅពួកគាត់អ៊ីចឹងដូចគ្នា»។
ពលរដ្ឋខ្លះបង្ខំឲ្យមន្ត្រីយកប្រាក់សគុណ
លោក សុខ មុនីឧត្តម មន្ត្រីមួយរូបដែលធ្លាប់បានដឹង និងបានទទួលការបណ្តុះបណ្តាលទាក់ទងនឹងអំពើពុករលួយ មុនពេលដែលលោកចូលមកបំពេញការងារនៅក្នុងការិយាល័យច្រកចេញចូលតែមួយនេះ។ មន្ត្រីទទួលបន្ទុកផ្នែកនិត្យានុកូលកម្មបញ្ជាក់ថា ពេលផ្តល់សេវាកម្មលោកមិនដែលទារថ្លៃសេវា លើសពីតម្លៃដែលត្រូវបានកំណត់ផ្លូវការនោះទេ។ លោកបានអះអាងថា សហការីរបស់លោកភាគច្រើនសុទ្ធតែបានអនុវត្តតួនាទី ភារកិច្ចយ៉ាងល្អ។ ប៉ុន្តែក្នុងរយៈកន្លងមកនេះ វាធ្លាប់មានករណីបង្ខំពីពលរដ្ឋ។ « ប្រជាពលរដ្ឋខ្លះបង្ខំមន្ត្រីឲ្យទទួលលុយពីពួកគេ ដោយពួកគេបញ្ជាក់ថា លុយនោះជាទឹកចិត្ត។ ពេលខ្លះ មន្ត្រីមិនយកលុយទឹកចិត្តនោះទេ តែពលរដ្ឋបានទុកលុយទាំងនោះចោល ហើយចាកចេញទៅ»។
មន្ត្រីដែលបម្រើការងារនៅការិយាល័យច្រកចេញចូលតែមួយនេះ ក៏រំពឹងថាពួកគាត់នឹងទទួលបានការបណ្តុះបណ្តាលបន្ថែមទៀត ទាក់ទងនឹងច្បាប់ប្រឆាំងអំពើពុករលួយនាពេលឆាប់ៗខាងមុខដែរ ដើម្បីពួកគាត់រឹតតែយល់ច្បាស់អំពីវិធានការដែលពួកគាត់ត្រូវដោះស្រាយ។
អាចប្តឹងទៅការិយាល័យពលរដ្ឋ
មិនអាចមានករណីមិនប្រក្រតីកើតឡើង ដោយគ្មានការដោះស្រាយបានឡើយ។ ប្រធានការិយាល័យច្រកចេញចូលតែមួយ លោក ឌី សុវណ្ណរតនៈ បានបញ្ជាក់យ៉ាងច្បាស់ថា លោកបានណែនាំជាវិន័យដល់មន្ត្រីរបស់លោករួចហើយ ថាមិនឲ្យពួកគេទារលុយ ឬទទួលលុយពីប្រជាពលរដ្ឋ ហើយក្នុងករណីមិនរាងចាល ឬមិនស្តាប់បង្គាប់ មន្ត្រីនោះនឹងត្រូវដកចេញពីក្រុមការងារនេះ។
មានវិធានការបន្ថែមទៀតដើម្បីប្រឆាំងភាពមិនប្រក្រតីដែលប្រព្រឹត្តដោយមន្ត្រី។ នោះគឺការដាក់ពាក្យបណ្តឹង នៅការិយាល័យប្រជាជពលរដ្ឋដែលមានទីតាំងនៅជាប់ការិយាល័យច្រកចេញចូលតែមួយនោះដែរ។
លោក ម៉ែន គឹមងន ប្រធានការិយាល័យប្រជាពលរដ្ឋ បានប្រាប់ឲ្យដឹងថា លោកបានទទួលបណ្តឹងជាច្រើនរួចហើយក្នុងរយៈពេលជាងមួយឆ្នាំនេះ។ ហើយភាគច្រើន គឺជាបណ្តឹងផ្ទាល់មាត់របស់ពលរដ្ឋ ដែលរអ៊ូរទាំអំពីភាពយឺតយ៉ាវនៃការផ្តល់សេវាកម្ម។ ភាពយឺតយ៉ាវនៃការផ្តល់សេវា បើតាមលោក គឹមងន គឺករណីដែលនិស្សិតមកបញ្ជាក់សញ្ញាបត្រ និងលិខិតបញ្ជាក់ការសិក្សា ករណីដែលពលរដ្ឋចង់បានលិខិតបញ្ជាក់មួយចំនួនដើម្បីខ្ចីលុយពីធនាគារ ជាដើម។ ករណីទាំងអស់នេះ ដែលសុទ្ធសឹងតែជាករណីប្រញាប់របស់ពលរដ្ឋ ហើយដែលត្រូវប្រឈមនឹងនីតិវិធីការងាររបស់ច្រកចេញចូលតែមួយ។ នេះជាការពន្យល់របស់លោកប្រធានការិយាល័យពលរដ្ឋ។
ត្រង់ចំនុចនេះ ប្រធានការិយាល័យច្រកចេញចូលតែមួយពន្យល់ថា៖«បញ្ហាទាំងនេះ កើតឡើងយូរៗម្តងប៉ុណ្ណោះ។ មូលហេតុដែលបណ្តាលឲ្យយឺតយ៉ាវ អាចបណ្តាលមកពីមន្ត្រីរវល់ប្រជុំ ឬចុះទៅធ្វើការងារតាមខេត្ត ឬប៉ះចំថ្ងៃឈប់ជាប់គ្នា២ឬ៣ថ្ងៃ។ ហើយព្រោះសេវាខ្លះ កំណត់៣ថ្ងៃ អាចឲ្យពួកគាត់មកយកឯកសារបាន ដូចជាបញ្ជាក់សញ្ញាបត្រ អត្តសញ្ញាណបណ្ណជាដើម»។
បើទោះជានៅមានឧបសគ្គខ្លះៗក៏ដោយ វត្តមាននៃច្រកចេញចូលតែមួយ បានធ្វើឲ្យមានការផ្លាស់ប្តូរទិដ្ឋភាពការងារទៅរកភាពល្អស្អាតស្អំ នៅថ្នាក់មូលដ្ឋានជាពិសេសការបម្រើសេវាសាធារណៈពីអាជ្ញាធរចំពោះពលរដ្ឋរបស់ខ្លួន។ ភាពស្មុគស្មាញនៃការអនុវត្តនីតិវិធីការងារ គឺជាបញ្ហាពិតមែនហើយ ប៉ុន្តែយ៉ាងហោចណាស់ ច្រកចេញចូលតែមួយបានបង្កើតបរិយាកាសការងាររដ្ឋបាលដ៏គួរឲ្យលើកទឹកចិត្ត និងសាទរ។ ម៉ោងរដ្ឋបាលដែលចាប់ផ្តើមនៅម៉ោង៧និង៣០នាទីព្រឹក គេមិនឃើញមន្ត្រីនៅតាមអាហារដ្ឋានកំពុងពិសារកាហ្វេដល់ម៉ោង៩ព្រឹកទៀតឡើយ។ គេក៏មិនឃើញស្នើសុំ និងការផ្តល់សេវាខ្លះ ប្រព្រឹត្តនៅតាមតុកាហ្វេទៀតដែរ៕
© រក្សាសិទ្ធិដោយ thmeythmey.com
