កីឡាជាតិ
ជាតិ
ភ្នំពេញក្រោនបញ្ជូនយុវជនថ្នាល ពីរនាក់ទៅហ្វឹកហាត់២សប្តាហ៍នៅនូវែលសេឡង់ សុខ បញ្ញា (ឆ្វេង) និង ស្វាង សំណាង របស់ U-15 ភ្នំពេញក្រោន ត្រូវទៅហ្វឹកហាត់២សប្តាហ៍នៅនូវែល សេឡង់។ រូបថត ហ្វេសប៊ុក Phnom Penh Crown
× ក្លិបកីឡាបាល់ទាត់ភ្នំពេញក្រោន សម្រេចបញ្ជូនកីឡាករ២នាក់នៃឈុត U-15 Academy គឺកីឡាករ សុខ បញ្ញា និងកីឡាករ ស្វាង សំណាង ទៅធ្វើការហ្វឹកហាត់រយៈពេល២សប្តាហ៍ជាមួយក្លិបយុវជន Wellington Phoenix ដែលមានមូលដ្ឋាននៅទីក្រុង Wellington ប្រទេសនូវែល សេឡង់។ នេះបើតាមការប្រកាសរបស់ក្លិបភ្នំពេញក្រោន នៅលើគណនីហ្វេសប៊ុករបស់ខ្លួននាល្ងាចថ្ងៃទី២៥ ខែមិថុនា ឆ្នាំ២០១៥ ។
កីឡាករទាំងពីរនឹងចេញដំណើរនាល្ងាចថ្ងៃសៅរ៍ ទី២៧ ខែមិថុនា។ ការហ្វឹកហាត់នៅក្លិបយុវជន Wellington Phoenix របស់នូវែល សេឡង់ ដែលឈុតធំរបស់ក្លិបមួយនេះលេងនៅក្នុងក្របខណ្ឌកំពូលប្រទេសអូស្ត្រាលី A-League នឹងផ្តល់បទពិសោធន៍ដ៏ល្អដល់ សុខ បញ្ញា និងស្វាង សំណាង ជាពិសេសការស្វែងយល់លើ បច្ចេកទេស ក្បួនច្បាប់ ការវិភាគកម្រិតលេង អាហារកីឡា និងការអភិវឌ្ឍន៍ផ្នែកស្មារតី។
ក្លិបភ្នំពេញក្រោន ក៏បានបញ្ជាក់ផងដែរ កីឡាកររបស់ខ្លួនទាំងពីរនឹងចូលរួមក្នុងការអប់រំនាអំឡុងពេលនៃការស្នាក់នៅក្នុងប្រទេសនូវែល សេឡង់។ «ឱកាសនេះ គឺអស្ចារ្យខ្លាំងសម្រាប់កីឡាករទាំងពីរក្នុងការទទួលបានបទពិសោធន៍ពីវប្បធម៌ផ្សេង...»។ នេះបើតាមការបញ្ជាក់របស់ក្លិប៕
© រក្សាសិទ្ធិដោយ thmeythmey.com