កីឡាជាតិ
ជាតិ
កម្ពុជាដណ្តើមបានមេដាយចំនួន៨ ពី«Genius Olympiad 2015» ដែលធ្វើនៅអាមេរិក រូបភាព៖ ហ្វេសប៊ុកក្រសួងអប់រំ
× មេដាយមាស ប្រាក់ និងសំរឹទ្ធិ សរុបចំនួន៨ បានធ្លាក់មកលើសិស្សតំណាងព្រះកម្ពុជាចំនួន៨រូប ក្នុងចំណោម១០រូបនៃសាលាអន្តរជាតិហ្សាម៉ាន់ ដណ្ដើមបានពីកម្មវិធីប្រកួតប្រជែងការសរសេរគម្រោងក្នុងក្របខ័ណ្ឌសាលាអន្តរជាតិកម្រិតវិទ្យាល័យលើប្រធានបទបរិស្ថាន «Genius Olympiad 2015»។
កម្មវិធីប្រកួតប្រជែងនេះ បានប្រព្រឹត្តទៅពីថ្ងៃទី ១៤ខែមិថុនា ដល់ថ្ងៃទី១៩ ខែមិថុនា ឆ្នាំ២០១៥ នៅសាកលវិទ្យាល័យរដ្ឋទីក្រុងញូយ៉ក សហរដ្ឋអាមេរិក ដោយមានប្រទេសចំនួន៦៥ចូលរួមប្រកួតប្រជែង។
មេដាយទាំង៨ដែលទទួលបានមាន ផ្នែកវិទ្យាសាស្ត្រ សិល្បៈ និងផ្នែកធុរកិច្ច។ ផ្នែកវិទ្យាសាស្ត្រកម្ពុជាទទួលបានមេដាយមាសចំនួន២ និងសំរឹទ្ធ២ ចំណែកផ្នែកសិល្បៈ ទទួលបានមេដាយប្រាក់ចំនួន២ និងផ្នែកធុរកិច្ចទទួលបានមេដាយប្រាក់ចំនួន២ ៕
© រក្សាសិទ្ធិដោយ thmeythmey.com