សង្គមអន្តរជាតិ
អន្តរជាតិ
ប្រ៊េស៊ីល ៖ រថយន្តរបស់បុរសម្នាក់ត្រូវគ្របដណ្តប់ដោយក្រដាសពណ៌ខៀវ ដោយសារចតលើចំណតជនពិការ
× នោះគឺជាពេលដ៏អាម៉ាសបំផុតក្នុងជីវិតសម្រាប់បុរសម្នាក់ដែលរស់នៅភាគខាងត្បូងប្រទេសប្រ៊េស៊ីល។ បុរសម្នាក់នេះបានចតរថយន្តលើកន្លែងរបស់ជនពិការ ហើយក៏ចុះពីរថយន្តបាត់ទៅ។ នៅពេលត្រឡប់មកវិញ ស្រាប់តែមានរឿងគ៏ឲ្យភ្ញាក់ផ្អើលបានកើតឡើង។ រថយន្តរបស់គាត់ត្រូវគ្របដណ្តប់ដោយសន្លឹកក្រដាសពណ៌ខៀវ ដោយមានរូបសញ្ញាកៅអីជនពិការយ៉ាងធំទៀតផង។
ដោយក្តីមិនពេញចិត្ត អ្នកបើកបរនោះចង់បកក្រដាសដែលមានរាប់រយសន្លឹកលើតួរថយន្តរបស់ខ្លួនចេញ។ ប៉ុន្តែ ដោយមានការសើចចំអកពីសំណាក់អ្នកដំណើរ បុរសនោះគ្រាន់តែបកក្រដាសនៅលើកញ្ចក់ខាងមុខ និងកញ្ចក់នៅទ្វារឡានប៉ុណ្ណោះ។ ប៉ូលិសដែលនៅកន្លែងកើតហេតុបានធ្វើការផាកពិន័យពីបទចតលើចំណតជនពិការ បន្ទាប់មកបុរសនោះក៏ប្រញាប់ប្រញាល់បើកឡានចេញទៅ៕
© រក្សាសិទ្ធិដោយ thmeythmey.com