សង្គមអន្តរជាតិ
អន្តរជាតិ
×![]()
ដោយ: ថ្មីៗ
ក្នុងកិច្ចប្រជុំក្រុងប្រ៊ុយសែលប្រទេសបែលហ្ស៊ិក នាយករដ្ឋមន្ត្រីចិនលោក Li Keqiang បានបញ្ជាក់ថា រដ្ឋាភិបាលចិនចង់ឃើញក្រិកបន្តស្ថិតនៅក្នុងតំបន់ចាយលុយអឺរ៉ូ និងចង់ឲ្យក្រុមចាយលុយអឺរ៉ូបរួបរួមគ្នានិងបន្តរីកលូតលាស់ឡើង។ ប្រមុខរដ្ឋាភិបាលចិនខាងលើបានសង្កត់ធ្ងន់ថា បញ្ហាបំណុលក្រិកបច្ចុប្បន្ន មិនមែនត្រឹមតែជាកង្វល់របស់អឺរ៉ុបម្នាក់ឯងឡើយ តែវាក៏ធ្វើឲ្យចិនព្រួយបារម្ភខ្លាំងដែរ។
មេដឹកនាំចិនមិនបានប្រកាសថាជួយក្រិកឡើយ ដោយលោកសង្កត់ធ្ងន់ថា អឺរ៉ុប ២៨ប្រទេសប្រហែលល្មមអាចមានលទ្ធភាពជួយចូកជួយចែវក្រិកបានហើយ។ ប៉ុន្តែតាមមើលជំហរចិន កន្លងមកមហាយក្សអាស៊ីនេះបានជួយក្រិកដោយប្រយោលតាមរយៈគម្រោងខ្សែក្រវ៉ាត់មួយ វិថីមួយរបស់ខ្លួនផង។ យ៉ាងណាក៏ដោយប្រធានគណកម្មការអឺរ៉ុបខឹងទប់លែងជាប់ រហូតព្រលះនាយករដ្ឋមន្ត្រីក្រិកចាស់ដៃម្សិលមិញនេះ ដែលហ៊ានលែងល្បិច ក្រោយចរចាមិនត្រូវគ្នាដោយស្នើធ្វើប្រជាមតិហើយបញ្ឆេះប្រជាជនឲ្យបោះឆ្នោតទាត់ចោលសំណើរម្ចាស់បំណុលទៀត។
សូមស្តាប់ការបកស្រាយរបស់លោក សៅ ផលនិស្ស័យ៖
ប្រមុខរដ្ឋាភិបាលចិនលោក លី ខឹកឈៀង អមដំណើរដោយរដ្ឋមន្ត្រីការបរទេស វ៉ាង យី (Wang Yi) កំពុងស្ថិតក្នុងដំណើរទស្សនកិច្ចទៅកាន់រដ្ឋធានីប្រ៊ុយសែល ប៊ែលហ្ស៊ិក ដើម្បីចូលរួមកិច្ចប្រជុំចិន-អឺរ៉ុប និងពិធីរំលឹកខួបលើកទី៤០នៃចំណងការទូតសហភាពអឺរ៉ុបចិនផង។ ក្នុងដំណើរទស្សនកិច្ចនេះ នាយករដ្ឋមន្ត្រីចិនក៏បានជួបពិភាក្សាជាមួយប្រមុខគណកម្មការអឺរ៉ុប Jean Cluad Junker និងប្រធានក្រុមប្រឹក្សាអឺរ៉ុបលោក Donald Tusk ថែមទៀតផង។ ទស្សនកិច្ចនៅអឺរ៉ុបរបស់លោក លី ខឹងឈៀងនៅពេលនេះជាលើកទី៦ហើយ តាំងពីពេលលោកឡើងកាន់តំណែងជានាយករដ្ឋមន្ត្រី។ ក្នុងជំនួបពិភាក្សាម្សិលមិញនេះ ក្រៅពីផ្តោតលើការពង្រឹងចំណងពាណិជ្ជកម្ម សេដ្ឋកិច្ចនយោបាយ ប្រមុខរដ្ឋាភិបាលចិនបានឆ្លៀតឱកាសលើកឡើងពីបញ្ហាប្រឈមធំរបស់អឺរ៉ុបគឺសំណុំរឿងបំណុលក្រិក ដែលក្រិកកាន់តែជិតដាច់ខ្យល់ហើយនោះ។
១.ចិនចង់ឃើញក្រិកបន្តនៅក្នុងតំបន់ចាយលុយអឺរ៉ូ
យ៉ាងណាក៏ដោយក អំឡុងពេលពិភាក្សាម្សិលមិញ លោក លី ខឹកឈៀង ថារដ្ឋាភិបាលក្រុងប៉េកាំងចង់ឃើញក្រិកបន្តនៅក្នុងក្រុមរដ្ឋចាយលុយអឺរ៉ូ ហើយលោកបានស្នើឲ្យភាគីពាក់ព័ន្ធជាពិសេសក្រិក និងម្ចាសបំណុលប្រឹងប្រែងដោះស្រាយថយម្នាក់មួយជំហានដើម្បីសម្រេចបានកិច្ចព្រមព្រៀងឲ្យឆាប់តាមដែលអាចធ្វើបាន។ មេដឹកនាំកំពូលចិនខាងលើបានថ្លែងប្រាប់មេដឹកនាំអឺរ៉ុបក្នុងជំនួបថា បញ្ហាក្រិកមិនមែនត្រឹមតែធ្វើឲ្យអឺរ៉ុបបារម្ភប៉ុណ្ណោះទេ តែវាក៏ជាបញ្ហារបស់ចិនដូចគ្នាដែរ។ ការបែកបាក់របស់ក្រុមចាយលុយអឺរ៉ូនឹងបង្កផលប៉ះពាល់ដល់សហភាពអឺរ៉ុប និងចិនដែរ ដ្បិតអឺរ៉ុបជាដៃគូពាណិជ្ជកម្មធំបំផុតរបស់ចិន។ យោងតាមរបាយការណ៍ក្រសួងសេដ្ឋកិច្ចចិន ទំហំពាណិជ្ជកម្មទ្វេភាគីចិននិងសហភាពអឺរ៉ុបកើនដល់ ៦០០ពាន់លានគិតត្រឹមឆ្នាំ ២០១៤នេះ។ ម្យ៉ាងវិញទៀត លោកបានសង្កត់ធ្ងន់ថា រឿងសំខាន់បំផុត ចិនក៏ជាអ្នកដែលកាន់សញ្ញាប័ណ្ណ របស់រដ្ឋាភិបាលអឺរ៉ុបច្រើនផងដែរនោះ។ វត្តមានប្រមុខរដ្ឋាភិបាលចិននៅអឺរ៉ុប កើតមានស្របពេលដែលស្ថានភាពបំណុលក្រិកកាន់តែដុនដាបណាស់ទៅហើយ។ ក្រិកបានបញ្ជាបិទធនាគារបណ្តោះអាសន្នព្រោះខ្វះសាច់ប្រាក់ ខណៈមេដឹកនាំអឺរ៉ុបអស់ចិត្តចង់ជួយយិតយោងក្រិកទៅហើយ។ គេដូចជាមិនឃើញសញ្ញាវិជ្ជមានណាសោះ ដែលបង្ហាញថាក្រុងអាថែនអាចទទួលយកសំណើអឺរ៉ុបបើគ្មានការកែប្រែ។
២.ចិនមិនធ្វើជាវីរៈបុរសសង្គ្រោះក្រិកឡើយ
យ៉ាងណាមិញ តួនាទីរបស់ក្រុងប៉េកាំងក្នុងការដោះស្រាយបញ្ហាក្រិកក៏ជារឿងគ្រប់គ្នាកំពុងចង់ដឹងដែរ។ កន្លងមក គេមើលឃើញទាំងចិន និងរុស្ស៊ីសុទ្ធតែចាត់ទុកក្រិកជាដុំពេជន៍ បើមានក្រិកជ្រុលចេញពីតំបន់ចាយលុយអឺរ៉ូមែន ក្រិកគេចមិនរួចពីរត់ទៅខ្ចីបុល ឬសុំជំនួយពីមហាយក្សទាំងពីរនេះ។ ប៉ុន្តែក្នុងសន្និសីទ លោក ក៏ត្រូវគេចោទសួរផងដែរថា តើចិននឹងផ្តល់កម្ចី ឬជំនួយហិរញ្ញវត្ថុដល់ក្រិកទេដើម្បីដោះបំណុលនេះឬទេ ក្រិកអស់លទ្ធភាព? លោក លី ខឹកឈៀង បានសង្កត់ធ្ងន់ជាថ្មីថា លោកចង់ឃើញអឺរ៉ុបឯកភាពគ្នា សហភាពអឺរ៉ុបរីកលូតលាស់ទៅមុខផង ដែលនេះបញ្ជាក់ថា ចិនចង់ឲ្យអឺរ៉ុបដោះស្រាយរឿងអឺរ៉ុបគ្នាឯង។ បញ្ហាក្រិកជារឿងផ្ទៃក្នុងរបស់អឺរ៉ុប ដែលចិនជឿជាក់ថា រដ្ឋ២៨របស់សហភាពអឺរ៉ុប ឬសមាជិកតំបន់ចាយលុយអឺរ៉ុបមានលទ្ធភាពគ្រប់គ្រាន់អាចចាត់ចែងដោះស្រាយវិបត្តិបំណុលក្រិកបានជោគជ័យ។ ហើយចិនក៏ឈរចាំគាំទ្របណ្តារដ្ឋអឺរ៉ុបដោះស្រាយបំណុលក្រិកដែរ។ ប្រមុខរដ្ឋាភិបាលចិនក៏បានបង្ហើបឲ្យដឹងដែរថា ចិនពីដើមមកតែងប្រឹងប្រែងជួយក្រិកដោះស្រាយបំណុល ហើយចិនក៏តែងឆ្លើយតបរាល់ក្តីបារម្ភរបស់ក្រិកជុំវិញសំណុំរឿងបំណុលក្រិកដូចគ្នាដែរ។ ប៉ុន្តែជួយបែបណាគ្មានអ្នកណាដឹងឡើយ។ ជារួម ចិនមិនបានជួយក្រិកដោះបំណុលដោយផ្តល់លុយទាំងដុំទេ តែចិនព្យាយាមជួយក្រិកដោយប្រយោល។ ដូចឃើញស្រាប់ ចិនព្យាយាមប្រើប្រាស់គម្រោងវិថីសូត្រនៃក្របខណ្ឌខ្សែក្រវ៉ាត់មួយវិថីមួយរបស់ខ្លួនជួយក្រិក។ កន្លងមកចិននិងក្រិកចុះកិច្ចព្រមព្រៀងទំហំ ៥ពាន់លានដុល្លារអាមេរិកដើម្បីឈានទៅជំរុញលំហូរវិនិយោគពីរដ្ឋឯទៀតទៅក្រិកផង។ ជាមួយគ្នានេះ លោក លី ក៏សន្យាថានឹងបង្កើនការវិនិយោគលើគម្រោងហេដ្ឋារចនាសម្ព័ន្ធនៅអឺរ៉ុបដើម្បីបង្កើនការផ្សាភ្ជាប់រវាងចិននិងរដ្ឋអឺរ៉ុបផ្សេងទៀត ដែលនេះក៏ជួយជំរុញសេដ្ឋកិច្ចក្រិកនិងរដ្ឋអឺរ៉ុបផ្សេងទៀត។
៣.មេដឹកនាំអឺរ៉ុបព្រលះនាយករដ្ឋមន្ត្រីក្រិកយ៉ាងចាស់ មុខមេដឹកនាំចិន
ដោយឡែក ទោះជាចិនមានសុទិដ្ឋិនិយមចំពោះអឺរ៉ុបក្នុងការជួយក្រិកដោះបំណុល ក៏គេឃើញអឺរ៉ុបអស់ចិត្តថ្លើមបន្តជួយក្រិកទៀតដែរ។ មេដឹកនាំកំពូលអឺរ៉ុបបានឆ្លៀតយកវេទិកាពិភាក្សា ព្រលះនាយករដ្ឋមន្ត្រីក្រិកចាស់ដៃមុខមន្ត្រីកំពូលក្រុងប៉េកាំង។ លោក ហ្សង់ ក្លូចាំងគឺ មកដល់កន្លែងកិច្ចប្រជុំយឺតបន្តិច តែមកដល់ភ្លាម ក៏ប្រាប់លោក លី ខឹកឈៀង ថាកុំបន្ទោសលោករឿងដោះបំណុលក្រិក តែបន្ទោសរដ្ឋាភិបាលក្រិកវិញ។ រឿងក្រិម្នាក់ឯងបានធ្វើឲ្យអឺរ៉ុបទាំងមូលវិលមុខអស់ពេលយូរល្មមដែរ ហើយរឿងដោះស្រាយទៀតបែបណាក៏អឺរ៉ុបនឹកមិនឃើញដែរ ព្រោះក្រិក មិនជួយខ្លួនឯងផង។ អ្វីដែលគួរឲ្យភ្ញាក់ផ្អើល ប្រមុខគណកម្មការអឺរ៉ុបខាងលើ បានលើកឡើងចំៗឥតលាក់លៀមថា នាយករដ្ឋមន្ត្រីក្រិក លោក អាឡិចស៊ីស ត្ស៊ីបប្រាស (Alexis Tsipras) កំពុងក្បត់រដ្ឋអឺរ៉ុបផ្សេងទៀត។ អ្វីដែលលោក ចាំងគឺ ក្តៅចិត្តជាងគេគឺក្រិកលេងល្បិច ក្រោយចរចាមិនត្រូវរ៉ូវជាមួយម្ចាស់បំណុល ស្រាប់ប្រកាសធ្វើប្រជាមតិ ហើយដង្ហើយឲ្យប្រជាជនបោះឆ្នោតទាត់ចោលសំណើរម្ចាស់ជាថ្នូរនឹងលុយជួយដោះបំណុលក្រិកទៀត។ ទោះមេដឹកនាំនេះ ប្រើសម្តីធ្ងន់ៗបរិហានាយករដ្ឋមន្ត្រីក្រិកក៏ដោយ ក៏លោកស្នើទៅក្រិកឲ្យត្រលប់ចូលតុចរចាវិញក្រោយបោះឆ្នោតប្រជាមតិ ទោះលទ្ធផលបែបណាក្តី៕
មេដឹកនាំចិនមិនបានប្រកាសថាជួយក្រិកឡើយ ដោយលោកសង្កត់ធ្ងន់ថា អឺរ៉ុប ២៨ប្រទេសប្រហែលល្មមអាចមានលទ្ធភាពជួយចូកជួយចែវក្រិកបានហើយ។ ប៉ុន្តែតាមមើលជំហរចិន កន្លងមកមហាយក្សអាស៊ីនេះបានជួយក្រិកដោយប្រយោលតាមរយៈគម្រោងខ្សែក្រវ៉ាត់មួយ វិថីមួយរបស់ខ្លួនផង។ យ៉ាងណាក៏ដោយប្រធានគណកម្មការអឺរ៉ុបខឹងទប់លែងជាប់ រហូតព្រលះនាយករដ្ឋមន្ត្រីក្រិកចាស់ដៃម្សិលមិញនេះ ដែលហ៊ានលែងល្បិច ក្រោយចរចាមិនត្រូវគ្នាដោយស្នើធ្វើប្រជាមតិហើយបញ្ឆេះប្រជាជនឲ្យបោះឆ្នោតទាត់ចោលសំណើរម្ចាស់បំណុលទៀត។
សូមស្តាប់ការបកស្រាយរបស់លោក សៅ ផលនិស្ស័យ៖
ប្រមុខរដ្ឋាភិបាលចិនលោក លី ខឹកឈៀង អមដំណើរដោយរដ្ឋមន្ត្រីការបរទេស វ៉ាង យី (Wang Yi) កំពុងស្ថិតក្នុងដំណើរទស្សនកិច្ចទៅកាន់រដ្ឋធានីប្រ៊ុយសែល ប៊ែលហ្ស៊ិក ដើម្បីចូលរួមកិច្ចប្រជុំចិន-អឺរ៉ុប និងពិធីរំលឹកខួបលើកទី៤០នៃចំណងការទូតសហភាពអឺរ៉ុបចិនផង។ ក្នុងដំណើរទស្សនកិច្ចនេះ នាយករដ្ឋមន្ត្រីចិនក៏បានជួបពិភាក្សាជាមួយប្រមុខគណកម្មការអឺរ៉ុប Jean Cluad Junker និងប្រធានក្រុមប្រឹក្សាអឺរ៉ុបលោក Donald Tusk ថែមទៀតផង។ ទស្សនកិច្ចនៅអឺរ៉ុបរបស់លោក លី ខឹងឈៀងនៅពេលនេះជាលើកទី៦ហើយ តាំងពីពេលលោកឡើងកាន់តំណែងជានាយករដ្ឋមន្ត្រី។ ក្នុងជំនួបពិភាក្សាម្សិលមិញនេះ ក្រៅពីផ្តោតលើការពង្រឹងចំណងពាណិជ្ជកម្ម សេដ្ឋកិច្ចនយោបាយ ប្រមុខរដ្ឋាភិបាលចិនបានឆ្លៀតឱកាសលើកឡើងពីបញ្ហាប្រឈមធំរបស់អឺរ៉ុបគឺសំណុំរឿងបំណុលក្រិក ដែលក្រិកកាន់តែជិតដាច់ខ្យល់ហើយនោះ។
១.ចិនចង់ឃើញក្រិកបន្តនៅក្នុងតំបន់ចាយលុយអឺរ៉ូ
យ៉ាងណាក៏ដោយក អំឡុងពេលពិភាក្សាម្សិលមិញ លោក លី ខឹកឈៀង ថារដ្ឋាភិបាលក្រុងប៉េកាំងចង់ឃើញក្រិកបន្តនៅក្នុងក្រុមរដ្ឋចាយលុយអឺរ៉ូ ហើយលោកបានស្នើឲ្យភាគីពាក់ព័ន្ធជាពិសេសក្រិក និងម្ចាសបំណុលប្រឹងប្រែងដោះស្រាយថយម្នាក់មួយជំហានដើម្បីសម្រេចបានកិច្ចព្រមព្រៀងឲ្យឆាប់តាមដែលអាចធ្វើបាន។ មេដឹកនាំកំពូលចិនខាងលើបានថ្លែងប្រាប់មេដឹកនាំអឺរ៉ុបក្នុងជំនួបថា បញ្ហាក្រិកមិនមែនត្រឹមតែធ្វើឲ្យអឺរ៉ុបបារម្ភប៉ុណ្ណោះទេ តែវាក៏ជាបញ្ហារបស់ចិនដូចគ្នាដែរ។ ការបែកបាក់របស់ក្រុមចាយលុយអឺរ៉ូនឹងបង្កផលប៉ះពាល់ដល់សហភាពអឺរ៉ុប និងចិនដែរ ដ្បិតអឺរ៉ុបជាដៃគូពាណិជ្ជកម្មធំបំផុតរបស់ចិន។ យោងតាមរបាយការណ៍ក្រសួងសេដ្ឋកិច្ចចិន ទំហំពាណិជ្ជកម្មទ្វេភាគីចិននិងសហភាពអឺរ៉ុបកើនដល់ ៦០០ពាន់លានគិតត្រឹមឆ្នាំ ២០១៤នេះ។ ម្យ៉ាងវិញទៀត លោកបានសង្កត់ធ្ងន់ថា រឿងសំខាន់បំផុត ចិនក៏ជាអ្នកដែលកាន់សញ្ញាប័ណ្ណ របស់រដ្ឋាភិបាលអឺរ៉ុបច្រើនផងដែរនោះ។ វត្តមានប្រមុខរដ្ឋាភិបាលចិននៅអឺរ៉ុប កើតមានស្របពេលដែលស្ថានភាពបំណុលក្រិកកាន់តែដុនដាបណាស់ទៅហើយ។ ក្រិកបានបញ្ជាបិទធនាគារបណ្តោះអាសន្នព្រោះខ្វះសាច់ប្រាក់ ខណៈមេដឹកនាំអឺរ៉ុបអស់ចិត្តចង់ជួយយិតយោងក្រិកទៅហើយ។ គេដូចជាមិនឃើញសញ្ញាវិជ្ជមានណាសោះ ដែលបង្ហាញថាក្រុងអាថែនអាចទទួលយកសំណើអឺរ៉ុបបើគ្មានការកែប្រែ។
២.ចិនមិនធ្វើជាវីរៈបុរសសង្គ្រោះក្រិកឡើយ
យ៉ាងណាមិញ តួនាទីរបស់ក្រុងប៉េកាំងក្នុងការដោះស្រាយបញ្ហាក្រិកក៏ជារឿងគ្រប់គ្នាកំពុងចង់ដឹងដែរ។ កន្លងមក គេមើលឃើញទាំងចិន និងរុស្ស៊ីសុទ្ធតែចាត់ទុកក្រិកជាដុំពេជន៍ បើមានក្រិកជ្រុលចេញពីតំបន់ចាយលុយអឺរ៉ូមែន ក្រិកគេចមិនរួចពីរត់ទៅខ្ចីបុល ឬសុំជំនួយពីមហាយក្សទាំងពីរនេះ។ ប៉ុន្តែក្នុងសន្និសីទ លោក ក៏ត្រូវគេចោទសួរផងដែរថា តើចិននឹងផ្តល់កម្ចី ឬជំនួយហិរញ្ញវត្ថុដល់ក្រិកទេដើម្បីដោះបំណុលនេះឬទេ ក្រិកអស់លទ្ធភាព? លោក លី ខឹកឈៀង បានសង្កត់ធ្ងន់ជាថ្មីថា លោកចង់ឃើញអឺរ៉ុបឯកភាពគ្នា សហភាពអឺរ៉ុបរីកលូតលាស់ទៅមុខផង ដែលនេះបញ្ជាក់ថា ចិនចង់ឲ្យអឺរ៉ុបដោះស្រាយរឿងអឺរ៉ុបគ្នាឯង។ បញ្ហាក្រិកជារឿងផ្ទៃក្នុងរបស់អឺរ៉ុប ដែលចិនជឿជាក់ថា រដ្ឋ២៨របស់សហភាពអឺរ៉ុប ឬសមាជិកតំបន់ចាយលុយអឺរ៉ុបមានលទ្ធភាពគ្រប់គ្រាន់អាចចាត់ចែងដោះស្រាយវិបត្តិបំណុលក្រិកបានជោគជ័យ។ ហើយចិនក៏ឈរចាំគាំទ្របណ្តារដ្ឋអឺរ៉ុបដោះស្រាយបំណុលក្រិកដែរ។ ប្រមុខរដ្ឋាភិបាលចិនក៏បានបង្ហើបឲ្យដឹងដែរថា ចិនពីដើមមកតែងប្រឹងប្រែងជួយក្រិកដោះស្រាយបំណុល ហើយចិនក៏តែងឆ្លើយតបរាល់ក្តីបារម្ភរបស់ក្រិកជុំវិញសំណុំរឿងបំណុលក្រិកដូចគ្នាដែរ។ ប៉ុន្តែជួយបែបណាគ្មានអ្នកណាដឹងឡើយ។ ជារួម ចិនមិនបានជួយក្រិកដោះបំណុលដោយផ្តល់លុយទាំងដុំទេ តែចិនព្យាយាមជួយក្រិកដោយប្រយោល។ ដូចឃើញស្រាប់ ចិនព្យាយាមប្រើប្រាស់គម្រោងវិថីសូត្រនៃក្របខណ្ឌខ្សែក្រវ៉ាត់មួយវិថីមួយរបស់ខ្លួនជួយក្រិក។ កន្លងមកចិននិងក្រិកចុះកិច្ចព្រមព្រៀងទំហំ ៥ពាន់លានដុល្លារអាមេរិកដើម្បីឈានទៅជំរុញលំហូរវិនិយោគពីរដ្ឋឯទៀតទៅក្រិកផង។ ជាមួយគ្នានេះ លោក លី ក៏សន្យាថានឹងបង្កើនការវិនិយោគលើគម្រោងហេដ្ឋារចនាសម្ព័ន្ធនៅអឺរ៉ុបដើម្បីបង្កើនការផ្សាភ្ជាប់រវាងចិននិងរដ្ឋអឺរ៉ុបផ្សេងទៀត ដែលនេះក៏ជួយជំរុញសេដ្ឋកិច្ចក្រិកនិងរដ្ឋអឺរ៉ុបផ្សេងទៀត។
៣.មេដឹកនាំអឺរ៉ុបព្រលះនាយករដ្ឋមន្ត្រីក្រិកយ៉ាងចាស់ មុខមេដឹកនាំចិន
ដោយឡែក ទោះជាចិនមានសុទិដ្ឋិនិយមចំពោះអឺរ៉ុបក្នុងការជួយក្រិកដោះបំណុល ក៏គេឃើញអឺរ៉ុបអស់ចិត្តថ្លើមបន្តជួយក្រិកទៀតដែរ។ មេដឹកនាំកំពូលអឺរ៉ុបបានឆ្លៀតយកវេទិកាពិភាក្សា ព្រលះនាយករដ្ឋមន្ត្រីក្រិកចាស់ដៃមុខមន្ត្រីកំពូលក្រុងប៉េកាំង។ លោក ហ្សង់ ក្លូចាំងគឺ មកដល់កន្លែងកិច្ចប្រជុំយឺតបន្តិច តែមកដល់ភ្លាម ក៏ប្រាប់លោក លី ខឹកឈៀង ថាកុំបន្ទោសលោករឿងដោះបំណុលក្រិក តែបន្ទោសរដ្ឋាភិបាលក្រិកវិញ។ រឿងក្រិម្នាក់ឯងបានធ្វើឲ្យអឺរ៉ុបទាំងមូលវិលមុខអស់ពេលយូរល្មមដែរ ហើយរឿងដោះស្រាយទៀតបែបណាក៏អឺរ៉ុបនឹកមិនឃើញដែរ ព្រោះក្រិក មិនជួយខ្លួនឯងផង។ អ្វីដែលគួរឲ្យភ្ញាក់ផ្អើល ប្រមុខគណកម្មការអឺរ៉ុបខាងលើ បានលើកឡើងចំៗឥតលាក់លៀមថា នាយករដ្ឋមន្ត្រីក្រិក លោក អាឡិចស៊ីស ត្ស៊ីបប្រាស (Alexis Tsipras) កំពុងក្បត់រដ្ឋអឺរ៉ុបផ្សេងទៀត។ អ្វីដែលលោក ចាំងគឺ ក្តៅចិត្តជាងគេគឺក្រិកលេងល្បិច ក្រោយចរចាមិនត្រូវរ៉ូវជាមួយម្ចាស់បំណុល ស្រាប់ប្រកាសធ្វើប្រជាមតិ ហើយដង្ហើយឲ្យប្រជាជនបោះឆ្នោតទាត់ចោលសំណើរម្ចាស់ជាថ្នូរនឹងលុយជួយដោះបំណុលក្រិកទៀត។ ទោះមេដឹកនាំនេះ ប្រើសម្តីធ្ងន់ៗបរិហានាយករដ្ឋមន្ត្រីក្រិកក៏ដោយ ក៏លោកស្នើទៅក្រិកឲ្យត្រលប់ចូលតុចរចាវិញក្រោយបោះឆ្នោតប្រជាមតិ ទោះលទ្ធផលបែបណាក្តី៕
© រក្សាសិទ្ធិដោយ thmeythmey.com
