ជាតិ
ប៉ុស្តិ៍នគរបាលអាចារ្យលាក់ ជាប់លេខ១បីឆ្នាំផ្ទួនគ្នាពីភូមិឃុំ មាន សុវត្ថិភាព
×![]()
កំពង់ធំ៖ នាពេលកន្លងទៅថ្មីៗនេះ ប៉ុស្តិ៍នគររដ្ឋបាល សង្កាត់អាចារ្យលាក់ បានទទួលទាំងបណ្ណសរសើរដល់អង្គភាព ព្រមលិខិតសរសើរចំពោះសមាជិកទាំងអស់ ព្រមទាំងប្រជាការពារគ្រប់រូបផងដែរ។ គឺជាលាភីក្នុងវិញ្ញាសាភូមិឃុំមានសមត្ថភាព។ ការចែកបណ្ណសរសើរ បានធ្វើឡើងក្រោមអធិបតីភាពរបស់លោកអភិបាលខេត្ត និង អនុរដ្ឋលេខាក្រសួងមហាផ្ទៃ។
កាលពីឆ្នាំ២០១០ ក្រសួងមហាផ្ទៃ បានដាក់ចេញនៅកម្មវិធីប្រកួតប្រជែងមួយ ក្រោមប្រធានបទ «ភូមិឃុំមានសុវត្ថិភាព» នៅតាមភូមិសង្កាត់ទូទាំងប្រទេសកម្ពុជា។ នៅក្នុងការប្រឡងប្រណាំងនេះដែរ សង្កាត់និងប៉ុស្តិ៍នគរបាលអាចារ្យលាក់ បានសម្រេចទៅតាមគោលដៅរបស់ក្រសួងមហាផ្ទៃរហូតទទួលបានចំណាត់លេខ១ ទូទាំងប្រទេស។ ការសម្រេចបានលទ្ធផលដ៏ត្រចះត្រចង់នេះ គឺសុទ្ធ
តែមានកិច្ចសហការល្អ ពីលោកចៅសង្កាត់ និងលោកមេប៉ុស្តិ៍នគរបាល អាចារ្យលាក់។បុរសសម្បុរស្រអែម មានមាឌធាត់ ខ្ពស់ កំពុងអង្គុយធ្វើការយ៉ាងមមាញឹកក្នុងការិយាល័យបណ្តើរ ឆ្លៀតពេលនិយាយជាមួយអ្នកកាសែតថ្មីៗបណ្តើរ ពីដំណើរដើមចមដែលធ្វើឱ្យប៉ុស្តិ៍នគរបាលរបស់លោកទទួលបានចំណាត់ថ្នាក់១ ផ្ទួនៗគ្នានេះ។
លោកអនុសេនីយឯកស៊ុនគ្រឿនបានមានប្រសាសន៍ថា៖«ដើម្បីទទួលបានជោគជ័យនេះគឺយើងត្រូវចុះឱ្យដល់ទីលំនៅរបស់ពលរដ្ឋឬតាមមូលដ្ឋានហើយត្រូវដឹងពីតម្រូវការរបស់គាត់។ យើងនៅប៉ុស្តិ៍ គ្រាន់តែតំណាងឱ្យភូមិ តែយើងមិនអាចដឹងថា នៅតាមមូលដ្ឋានមានអ្វីកើតខ្លះទេ»។
លោកបានបន្ថែមថា តម្រូវការប្រជាពលរដ្ឋសព្វថ្ងៃ គឺភាពសុខដុម សុវត្ថិភាព និងសន្តិសុខសង្គម ទាំងសម្រាប់ផ្ទាល់ខ្លួនពួកគាត់ ទាំងក្នុងក្រុមគ្រួសារ និងក្នុងសហគមន៍ផងដែរ។
លោកអនុសេនីយ៍ឯក ពន្យល់ថា ភូមិឃុំមានសុវត្ថិភាព គឺជាភូមិដែលគ្មានចោរលួច ចោរប្លន់ គ្មានការចែកចាយប្រើប្រាស់គ្រឿងញៀន គ្មានអំពើហិង្សា មិនមានក្មេងទំនើង និងមិនមានលេងល្បែងស៊ីសងគ្រប់ប្រភេទ រួមទាំងគ្មានគ្រោះថ្នាក់ចរាចរណ៍។
ស្ថិតក្នុងឯកសណ្ឋាននគរបាល ក្នុងពេលកំពុងបំពេញភារកិច្ច ដោយនៅលើតុការងារមានឯកសារជាច្រើនដែលត្រូវបំពេញ លោកមេប៉ុស្តិ៍រូបនេះ មានបទពិសោធន៍ច្រើនជាមេប៉ុស្តិ៍នគរបាលព្រោះលោកបានចូលបម្រើការងារតាំងពីឆ្នាំ១៩៨៧ ជានគរបាលខេត្ត និងក្រោយមកបានផ្លាស់មកធ្វើជាមេប៉ុស្តិ៍នៅសង្កាត់អាចារ្យលាក់ក្នុងឆ្នាំ១៩៩៦ ។ លោកបញ្ជាក់ថា កាលពីមុនឃុំមួយនេះ ជាឃុំប្រឈមមួយ ព្រោះកាលនោះ ការអនុវត្តច្បាប់មិនសូវតឹងរ៉ឹងដូចសព្វថ្ងៃ ដូចជាមានការបាញ់បោះសេរីអ៊ីចឹងហើយ ពេលនោះដែរក៏មានអំពើឆក់ប្លន់ច្រើនដែរ។ ប៉ុន្តែខាងលោកបានរឹតបន្តឹង ឱ្យសមាជិកនគរបាល អនុវត្តច្បាប់ឱ្យបានត្រឹមត្រូវ និងការពារឱ្យនូវរាល់ចំណុចអសកម្មទាំងឡាយ ទើបសង្កាត់មួយនេះ ចាប់ផ្តើមមានសុខសន្តិភាពបន្តិចម្តងៗ រហូតមកដល់សព្វថ្ងៃ។ ក្រៅពីនេះ តាមការសហការជាមួយលោកចៅសង្កាត់ តបតាមគោលដៅរបស់ថ្នាកលើ ក្រុមប្រជាការពារមួយត្រូវបានបង្កើតឡើងដើម្បីឱ្យភូមិឃុំ កាន់តែមានសុវត្ថិភាព បញ្ជៀសនូវចំណុចអសកម្មទាំងឡាយ។
លោកបញ្ជាក់ថា ការរើសប្រជាការពារ ត្រូវធ្វើឡើងទៅតាមការស្ម័គ្រពីពលរដ្ឋក្នុងភូមិនីមួយៗ ។ក្រុមប្រជាការពារត្រូវបែងចែកជាក្រុមៗ មានសមាជិក៦ទៅ៧នាក់ ហើយត្រូវចុះយាមតាមគោលដៅ
ជារៀងរាល់ថ្ងៃ។ ប្រជាការពារ ត្រូវមានភារកិច្ចសំខាន់ៗបួន គឺ ទីមួយ ពួកគាត់មានសិទ្ធិចូលរួមសហការជាមួយកងប្រដាប់អាវុធគ្រប់ប្រភេទ ក្នុងការរក្សាសន្តិសុខ សណ្តាប់ធ្នាប់ជូនពលរដ្ឋ។ ទី២ក្រើនរំលឹកប្រជាពលរដ្ឋ ឱ្យចេះទុកដាក់ទ្រព្យសម្បតិ្ត ក្រែងមានការធ្វេសប្រហែសណាមួយ។ ទី៣ គាត់មានសិទ្ធិចូលរួមបង្ក្រាបបទល្មើសជាក់ស្តែងដូចជា ឆក់ ប្លន់ រំលោភជាដើម។ ទី៤ ពួកគាត់គ្មានសិទ្ធិបំពាក់អាវុធពីកម្លាំងណាមួយឡើយ។
បើគិតមកដល់ឥឡូវនេះ សមាជិកប្រជាការពារក្នុងសង្កាត់នេះ មានចំនួន៥៦នាក់ បើគិតទាំងសមាជិកនៃប៉ុស្តិ៍នគរបាល។ តាមរយៈកម្លាំងប្រជាការពារនេះ ដែលបំពេញភារកិច្ចប្រកបដោយទំនួលខុសត្រូវ រក្សាបាននូវសុខសន្តិភាព និងសណ្តាប់ធ្នាប់ដល់សង្កាត់ ទើបប៉ុស្តិ៍លោក អាចទទួលបានចំណាត់ថ្នាក់លេខមួយទាំងក្នុងខេត្តនិងប្រទេស។
កាលពីឆ្នាំ២០១០ ក្រសួងមហាផ្ទៃ បានដាក់ចេញនៅកម្មវិធីប្រកួតប្រជែងមួយ ក្រោមប្រធានបទ «ភូមិឃុំមានសុវត្ថិភាព» នៅតាមភូមិសង្កាត់ទូទាំងប្រទេសកម្ពុជា។ នៅក្នុងការប្រឡងប្រណាំងនេះដែរ សង្កាត់និងប៉ុស្តិ៍នគរបាលអាចារ្យលាក់ បានសម្រេចទៅតាមគោលដៅរបស់ក្រសួងមហាផ្ទៃរហូតទទួលបានចំណាត់លេខ១ ទូទាំងប្រទេស។ ការសម្រេចបានលទ្ធផលដ៏ត្រចះត្រចង់នេះ គឺសុទ្ធតែមានកិច្ចសហការល្អ ពីលោកចៅសង្កាត់ និងលោកមេប៉ុស្តិ៍នគរបាល អាចារ្យលាក់។បុរសសម្បុរស្រអែម មានមាឌធាត់ ខ្ពស់ កំពុងអង្គុយធ្វើការយ៉ាងមមាញឹកក្នុងការិយាល័យបណ្តើរ ឆ្លៀតពេលនិយាយជាមួយអ្នកកាសែតថ្មីៗបណ្តើរ ពីដំណើរដើមចមដែលធ្វើឱ្យប៉ុស្តិ៍នគរបាលរបស់លោកទទួលបានចំណាត់ថ្នាក់១ ផ្ទួនៗគ្នានេះ។
លោកអនុសេនីយឯកស៊ុនគ្រឿនបានមានប្រសាសន៍ថា៖«ដើម្បីទទួលបានជោគជ័យនេះគឺយើងត្រូវចុះឱ្យដល់ទីលំនៅរបស់ពលរដ្ឋឬតាមមូលដ្ឋានហើយត្រូវដឹងពីតម្រូវការរបស់គាត់។ យើងនៅប៉ុស្តិ៍ គ្រាន់តែតំណាងឱ្យភូមិ តែយើងមិនអាចដឹងថា នៅតាមមូលដ្ឋានមានអ្វីកើតខ្លះទេ»។
លោកបានបន្ថែមថា តម្រូវការប្រជាពលរដ្ឋសព្វថ្ងៃ គឺភាពសុខដុម សុវត្ថិភាព និងសន្តិសុខសង្គម ទាំងសម្រាប់ផ្ទាល់ខ្លួនពួកគាត់ ទាំងក្នុងក្រុមគ្រួសារ និងក្នុងសហគមន៍ផងដែរ។
លោកអនុសេនីយ៍ឯក ពន្យល់ថា ភូមិឃុំមានសុវត្ថិភាព គឺជាភូមិដែលគ្មានចោរលួច ចោរប្លន់ គ្មានការចែកចាយប្រើប្រាស់គ្រឿងញៀន គ្មានអំពើហិង្សា មិនមានក្មេងទំនើង និងមិនមានលេងល្បែងស៊ីសងគ្រប់ប្រភេទ រួមទាំងគ្មានគ្រោះថ្នាក់ចរាចរណ៍។
ស្ថិតក្នុងឯកសណ្ឋាននគរបាល ក្នុងពេលកំពុងបំពេញភារកិច្ច ដោយនៅលើតុការងារមានឯកសារជាច្រើនដែលត្រូវបំពេញ លោកមេប៉ុស្តិ៍រូបនេះ មានបទពិសោធន៍ច្រើនជាមេប៉ុស្តិ៍នគរបាលព្រោះលោកបានចូលបម្រើការងារតាំងពីឆ្នាំ១៩៨៧ ជានគរបាលខេត្ត និងក្រោយមកបានផ្លាស់មកធ្វើជាមេប៉ុស្តិ៍នៅសង្កាត់អាចារ្យលាក់ក្នុងឆ្នាំ១៩៩៦ ។ លោកបញ្ជាក់ថា កាលពីមុនឃុំមួយនេះ ជាឃុំប្រឈមមួយ ព្រោះកាលនោះ ការអនុវត្តច្បាប់មិនសូវតឹងរ៉ឹងដូចសព្វថ្ងៃ ដូចជាមានការបាញ់បោះសេរីអ៊ីចឹងហើយ ពេលនោះដែរក៏មានអំពើឆក់ប្លន់ច្រើនដែរ។ ប៉ុន្តែខាងលោកបានរឹតបន្តឹង ឱ្យសមាជិកនគរបាល អនុវត្តច្បាប់ឱ្យបានត្រឹមត្រូវ និងការពារឱ្យនូវរាល់ចំណុចអសកម្មទាំងឡាយ ទើបសង្កាត់មួយនេះ ចាប់ផ្តើមមានសុខសន្តិភាពបន្តិចម្តងៗ រហូតមកដល់សព្វថ្ងៃ។ ក្រៅពីនេះ តាមការសហការជាមួយលោកចៅសង្កាត់ តបតាមគោលដៅរបស់ថ្នាកលើ ក្រុមប្រជាការពារមួយត្រូវបានបង្កើតឡើងដើម្បីឱ្យភូមិឃុំ កាន់តែមានសុវត្ថិភាព បញ្ជៀសនូវចំណុចអសកម្មទាំងឡាយ។
លោកបញ្ជាក់ថា ការរើសប្រជាការពារ ត្រូវធ្វើឡើងទៅតាមការស្ម័គ្រពីពលរដ្ឋក្នុងភូមិនីមួយៗ ។ក្រុមប្រជាការពារត្រូវបែងចែកជាក្រុមៗ មានសមាជិក៦ទៅ៧នាក់ ហើយត្រូវចុះយាមតាមគោលដៅ
ជារៀងរាល់ថ្ងៃ។ ប្រជាការពារ ត្រូវមានភារកិច្ចសំខាន់ៗបួន គឺ ទីមួយ ពួកគាត់មានសិទ្ធិចូលរួមសហការជាមួយកងប្រដាប់អាវុធគ្រប់ប្រភេទ ក្នុងការរក្សាសន្តិសុខ សណ្តាប់ធ្នាប់ជូនពលរដ្ឋ។ ទី២ក្រើនរំលឹកប្រជាពលរដ្ឋ ឱ្យចេះទុកដាក់ទ្រព្យសម្បតិ្ត ក្រែងមានការធ្វេសប្រហែសណាមួយ។ ទី៣ គាត់មានសិទ្ធិចូលរួមបង្ក្រាបបទល្មើសជាក់ស្តែងដូចជា ឆក់ ប្លន់ រំលោភជាដើម។ ទី៤ ពួកគាត់គ្មានសិទ្ធិបំពាក់អាវុធពីកម្លាំងណាមួយឡើយ។
បើគិតមកដល់ឥឡូវនេះ សមាជិកប្រជាការពារក្នុងសង្កាត់នេះ មានចំនួន៥៦នាក់ បើគិតទាំងសមាជិកនៃប៉ុស្តិ៍នគរបាល។ តាមរយៈកម្លាំងប្រជាការពារនេះ ដែលបំពេញភារកិច្ចប្រកបដោយទំនួលខុសត្រូវ រក្សាបាននូវសុខសន្តិភាព និងសណ្តាប់ធ្នាប់ដល់សង្កាត់ ទើបប៉ុស្តិ៍លោក អាចទទួលបានចំណាត់ថ្នាក់លេខមួយទាំងក្នុងខេត្តនិងប្រទេស។
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
8 ម៉ោង
