អន្តរជាតិ
នយោបាយអន្តរជាតិ
អូទ្រីសនិងអ៊ីតាលីជ្រួលច្រាលចង់ចេញពីសហភាពអឺរ៉ុបនិងតំបន់ចាយលុយអឺរ៉ូ
×![]()
ប្រជាជនអូទ្រីសជាង២សែននាក់ បានចុះហត្ថលេខាលើញត្តិស្នើសុំឲ្យមានការរៀបចំប្រជាមតិមួយដើម្បីកំណត់ពីជោគវាសនាប្រទេសនេះ ថាគួរបន្តស្ថិតនៅជារដ្ឋសហភាពអឺរ៉ុបទៀត ឬ អត់។ ញត្តិប្រជាជនអូទ្រីសនេះ បង្ខំឲ្យសមាជិកសភាយកមកជជែកដេញដោលគ្នា។ គេរំពឹងថាប្រជាជនអូទ្រីសច្រើនទៀត នឹងគាំទ្រញត្តិនេះដោយសារវិបត្តិបំណុលក្រិកបច្ចុប្បន្ន។ ក្រៅពីអូទ្រីស ដែលចង់ចេញពីសហភាពអឺរ៉ុប អ៊ីតាលីក៏កំពុងចង់ដើរចេញពីក្រុមរដ្ឋចាយលុយអឺរ៉ូដូចគ្នា។
ប្រជាជនអូទ្រីសស្រាប់តែជ្រួលច្រាលចង់ទាមទារឲ្យរដ្ឋាភិបាលខ្លួន ចាកចេញពីសហភាពអឺរ៉ុបក្នុងរយៈពេលប៉ុន្មានខែចុងក្រោយនេះ។ ប្រជាជនប្រហែល២៦ម៉ឺននាក់ បាននាំគ្នាបំពេញ និងចុះហត្ថលេខាលើញ្ញតិទាមទារឲ្យរដ្ឋាភិបាលខ្លួន ចាកចេញពីសហភាពអឺរ៉ុប ដោយរៀបចំប្រជាមតិមួយពេលខាងមុខផង។ ចំនួនអ្នកចូលរួមគាំទ្រញត្តិនេះ ស្មើនឹង ៤.១២នៃចំនួនប្រជាជនគ្រប់អាយុបោះឆ្នោត។ សភាអូទ្រីស ប្រហែលត្រូវបើកកិច្ចប្រជុំដើម្បីជជែកពិភាក្សាគ្នាលើបញ្ហានេះ ព្រោះតាមច្បាប់ ញត្តិដែលមានការគាំទ្រដោយប្រជាជន១សែននាក់ ល្មមអាចតម្រូវឲ្យសភាបើកកិច្ចពិភាក្សាបានហើយ។
មេដឹកនាំចលនានេះ គឺអ្នកបកប្រែចូលនិវត្តន៍មានវ័យ៦៦ឆ្នាំ លោកស្រី Inge Rauscher។ លោកស្រីបានដឹកនាំប្រជាជនអូទ្រីស ដោយទាមទារឲ្យមានការពិភាក្សាលើគម្រោងចាកចេញពីសហភាពអឺរ៉ុបម្តងហើយ កាលពីឆ្នាំ ២០០០ ប៉ុន្តែបរាជ័យ។ លោកស្រីបានបញ្ជាក់ថា ចំនួនអ្នកគាំទ្រចលនារបស់លោកស្រី នឹងកើនឡើងថែមទៀតនៅពេលខាងមុខ ព្រោះវិបត្តិបំណុលនៅក្រិក បានធ្វើឲ្យប្រជាជនគ្រប់គ្នាបាម្ភពីជោគវាសនាប្រទេសជាតិ។
ក្រៅពីបញ្ហាញត្តិនៅអូទ្រីស មេដឹកនាំអ៊ីតាលីឯណោះវិញក៏បានប្រឹងប្រែងឃោសនាឲ្យប្រជាជនអ៊ីតាលី ចូលរួមចលនាទាមទារចាកចេញពីតំបន់ចាយលុយអឺរ៉ូ ដែរ។ ចលនានេះដឹកនាំដោយលោក Beppe Grillo ដែលជាសកម្មជននយោបាយ ហើយលោករកបានអ្នកគាំទ្រជាង២សែននាក់រួចទៅហើយ។ ញត្តិទាំងនោះត្រូវបានគេបញ្ជូនទៅកាន់ព្រឹទ្ធសភា កាលពីដើមខែមិថុនាដើម្បីពិភាក្សា។ បើតាមការទាមទាររបស់ចលនានេះ ប្រជាមតិត្រូវតែធ្វើឡើងនៅចុងឆ្នាំ ២០១៥ ឬត្រឹមដើមឆ្នាំ២០១៦ ហើយប្រជាជនអ៊ីតាលីអាចមានលទ្ធភាពបោះឆ្នោត ថាតើបន្តគួរនៅក្នុងតំបន់ចាយលុយអឺរ៉ូទៀតឬក៏អត់។
អ៊ីតាលីចង់ចាកចេញពីតំបន់ចាយលុយអឺរ៉ូនេះ មិនខុសពីរដ្ឋអឺរ៉ុបផ្សេងទៀតទេ គឺដោយសារតែវិបត្តិបំណុលដែលកើតឡើងនៅក្នុងប្រទេសក្រិកកន្លងមកដែរ។ យ៉ាងណាក៏ដោយ ប្រជាជនអ៊ីតាលីគ្មានបំណងចាកចេញពីសហភាពអឺរ៉ុបឡើយ តែត្រឹមចង់ចាកចេញពីតំបន់ចាយលុយអឺរ៉ូប៉ុណ្ណោះ។
យ៉ាងណាមិញ គេឃើញរឿងរ៉ាវស្មុគស្មាញផ្សេងទៀត។ នោះគឺចេតនាចង់ចាកពីសហភាពអឺរ៉ុបរបស់ចក្រភពអង់គ្លេស។ ការត្រៀមធ្វើប្រជាមតិនៅអង់គ្លេសឃើញកាន់តែច្បាស់ក្រោយពេលនាយករដ្ឋមន្ត្រី ដេវីដ ខេមេរ៉ូន ឡើងកាន់តំណែងជាថ្មីទៀត ក្រោយការបោះឆ្នោតកាលពីខែឧសភាកន្លងមក។ អង់គ្លេសមានចេតនាចង់ដើរចេញពីប្លុកសហភាពអឺរ៉ុប ដោយសារបញ្ហាប្រឈមមួយចំនួន ហើយនាយករដ្ឋមន្ត្រីអង់គ្លេសខាងលើបានសន្យាថា លោកនឹងរៀបចំប្រជាមតិនៅដើមឆ្នាំ២០១៦ បើលោកជាប់ឆ្នោតជាថ្មីទៀត៕
ប្រជាជនអូទ្រីសស្រាប់តែជ្រួលច្រាលចង់ទាមទារឲ្យរដ្ឋាភិបាលខ្លួន ចាកចេញពីសហភាពអឺរ៉ុបក្នុងរយៈពេលប៉ុន្មានខែចុងក្រោយនេះ។ ប្រជាជនប្រហែល២៦ម៉ឺននាក់ បាននាំគ្នាបំពេញ និងចុះហត្ថលេខាលើញ្ញតិទាមទារឲ្យរដ្ឋាភិបាលខ្លួន ចាកចេញពីសហភាពអឺរ៉ុប ដោយរៀបចំប្រជាមតិមួយពេលខាងមុខផង។ ចំនួនអ្នកចូលរួមគាំទ្រញត្តិនេះ ស្មើនឹង ៤.១២នៃចំនួនប្រជាជនគ្រប់អាយុបោះឆ្នោត។ សភាអូទ្រីស ប្រហែលត្រូវបើកកិច្ចប្រជុំដើម្បីជជែកពិភាក្សាគ្នាលើបញ្ហានេះ ព្រោះតាមច្បាប់ ញត្តិដែលមានការគាំទ្រដោយប្រជាជន១សែននាក់ ល្មមអាចតម្រូវឲ្យសភាបើកកិច្ចពិភាក្សាបានហើយ។
មេដឹកនាំចលនានេះ គឺអ្នកបកប្រែចូលនិវត្តន៍មានវ័យ៦៦ឆ្នាំ លោកស្រី Inge Rauscher។ លោកស្រីបានដឹកនាំប្រជាជនអូទ្រីស ដោយទាមទារឲ្យមានការពិភាក្សាលើគម្រោងចាកចេញពីសហភាពអឺរ៉ុបម្តងហើយ កាលពីឆ្នាំ ២០០០ ប៉ុន្តែបរាជ័យ។ លោកស្រីបានបញ្ជាក់ថា ចំនួនអ្នកគាំទ្រចលនារបស់លោកស្រី នឹងកើនឡើងថែមទៀតនៅពេលខាងមុខ ព្រោះវិបត្តិបំណុលនៅក្រិក បានធ្វើឲ្យប្រជាជនគ្រប់គ្នាបាម្ភពីជោគវាសនាប្រទេសជាតិ។
ក្រៅពីបញ្ហាញត្តិនៅអូទ្រីស មេដឹកនាំអ៊ីតាលីឯណោះវិញក៏បានប្រឹងប្រែងឃោសនាឲ្យប្រជាជនអ៊ីតាលី ចូលរួមចលនាទាមទារចាកចេញពីតំបន់ចាយលុយអឺរ៉ូ ដែរ។ ចលនានេះដឹកនាំដោយលោក Beppe Grillo ដែលជាសកម្មជននយោបាយ ហើយលោករកបានអ្នកគាំទ្រជាង២សែននាក់រួចទៅហើយ។ ញត្តិទាំងនោះត្រូវបានគេបញ្ជូនទៅកាន់ព្រឹទ្ធសភា កាលពីដើមខែមិថុនាដើម្បីពិភាក្សា។ បើតាមការទាមទាររបស់ចលនានេះ ប្រជាមតិត្រូវតែធ្វើឡើងនៅចុងឆ្នាំ ២០១៥ ឬត្រឹមដើមឆ្នាំ២០១៦ ហើយប្រជាជនអ៊ីតាលីអាចមានលទ្ធភាពបោះឆ្នោត ថាតើបន្តគួរនៅក្នុងតំបន់ចាយលុយអឺរ៉ូទៀតឬក៏អត់។
អ៊ីតាលីចង់ចាកចេញពីតំបន់ចាយលុយអឺរ៉ូនេះ មិនខុសពីរដ្ឋអឺរ៉ុបផ្សេងទៀតទេ គឺដោយសារតែវិបត្តិបំណុលដែលកើតឡើងនៅក្នុងប្រទេសក្រិកកន្លងមកដែរ។ យ៉ាងណាក៏ដោយ ប្រជាជនអ៊ីតាលីគ្មានបំណងចាកចេញពីសហភាពអឺរ៉ុបឡើយ តែត្រឹមចង់ចាកចេញពីតំបន់ចាយលុយអឺរ៉ូប៉ុណ្ណោះ។
យ៉ាងណាមិញ គេឃើញរឿងរ៉ាវស្មុគស្មាញផ្សេងទៀត។ នោះគឺចេតនាចង់ចាកពីសហភាពអឺរ៉ុបរបស់ចក្រភពអង់គ្លេស។ ការត្រៀមធ្វើប្រជាមតិនៅអង់គ្លេសឃើញកាន់តែច្បាស់ក្រោយពេលនាយករដ្ឋមន្ត្រី ដេវីដ ខេមេរ៉ូន ឡើងកាន់តំណែងជាថ្មីទៀត ក្រោយការបោះឆ្នោតកាលពីខែឧសភាកន្លងមក។ អង់គ្លេសមានចេតនាចង់ដើរចេញពីប្លុកសហភាពអឺរ៉ុប ដោយសារបញ្ហាប្រឈមមួយចំនួន ហើយនាយករដ្ឋមន្ត្រីអង់គ្លេសខាងលើបានសន្យាថា លោកនឹងរៀបចំប្រជាមតិនៅដើមឆ្នាំ២០១៦ បើលោកជាប់ឆ្នោតជាថ្មីទៀត៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
