ជាតិ
×![]()
ដោយ: ថ្មីៗ
ភ្នំពេញ៖ រដ្ឋាភិបាលកាណាដា គ្រោងនឹងបើកស្ថានទូតជាលើកដំបូងរបស់ខ្លួនប្រចាំនៅកម្ពុជា ក្នុងឆ្នាំ ២០១៥នេះ ដើម្បីបង្កើនភាពងាយស្រួលក្នុងកិច្ចការទំនាក់ទំនងការទូត និងសហប្រតិបត្តិការរវាងកម្ពុជា កាណាដា បន្ថែមទៀត។ នេះបើតាមការផ្សាយលើគេហទំព័រប៉ូលីស ក្នុងជំនួប រវាងលោក ស ខេង រដ្ឋមន្ត្រីក្រសួងមហាផ្ទៃ និងលោក Philip Calvert ឯកអគ្គរាជទូតកាណាដាប្រចាំកម្ពុជា។
ក្នុងជំនួបពិភាក្សាជាមួយលោក ស ខេង នាយករដ្ឋមន្ត្រីស្តីទី លោក Philip Calvert បានថ្លែងថា រដ្ឋាភិបាលកាណាដា នឹងបង្កើតអគ្គកុងស៊ុលកាណាដា ប្រចាំនៅប្រទេសកម្ពុជា នៅក្នុងឆ្នាំ២០១៥នេះ។ នេះបើតាមការផ្សាយរបស់ប៉ូលីស។ លោក Philip Calvert ឯកអគ្គរាជទូតកាណាដាប្រចាំកម្ពុជាដែលមានទីតាំងអចិន្ត្រៃយ៍បំពេញការងារខ្លួននៅក្នុងទីក្រុងបាងកកប្រទេសថៃ។
អគ្គកុងស៊ុលកាណាដារូបនេះ បន្តថា នេះដំណើរការកិច្ចសហប្រតិបត្តិការថ្មីមួយទៀត បន្ទាប់ពីអស់រយៈពេលជាច្រើនឆ្នាំទៅនេះ ស្ថានទូតកាណាដាតែមួយប្រចាំនៅប្រទេសថៃ បានធ្វើការគ្រប់គ្រងសកម្មភាពការងារកិច្ចសហប្រតិបត្តិការពីរប្រទេស ពោលគឺ ទាំងប្រទេសថៃ និងកម្ពុជា។
គួរបញ្ជាក់ផងដែរថា នៅក្នុងឆ្នាំ ២០១៥នេះ រដ្ឋាភិបាលកាណាដា នឹងផ្តល់ថវិកាចំនួន៧សែន ៥ម៉ឺនដុល្លារអាមេរិក តាមរយៈអង្គការក្រៅរដ្ឋាភិបាលមួយ ដើម្បីជួយដោះសម្អាតចំការ មីននៅក្នុងប្រទេសកម្ពុជាផងដែរ។ ដោយឡែកទំនាក់ទំនងពាណិជ្ជកម្មរវាងប្រទេសទាំងពីរកាលពីឆ្នាំ ២០១៤ កន្លងមកវិញា កម្ពុជាបាននាំទំនិញចេញ ទៅកាណាដាសរុបជាទឹកប្រាក់ជាង ៤០០លានដុល្លារអាមេរិក និងនាំចូលមកវិញជាង ៦លានដុល្លារអាមេរិក៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
