ជាតិ
នយោបាយជាតិ
លោក ស ខេង និង William E.Todd អះអាងដូចគ្នាថា សហប្រតិបត្តិការកម្ពុជា-អាមេរិកកាន់តែប្រសើរឡើង
×![]()
ភ្នំពេញ៖ ស្ថានទូតអាមេរិកនៅក្នុងប្រទេសកម្ពុជាបានប្រារព្ធពិធីខួបបុណ្យឯករាជ្យរបស់ខ្លួននៅថ្ងៃទី៤ ខែកក្កដា២០១៥ ។ មន្ត្រីរាជរដ្ឋាភិបាល តំណាងរាស្ត្រ មួយចំនួនត្រូវបានស្ថានទូតអាមេរិកប្រចាំនៅព្រះរាជាណាចក្រកម្ពុជាអញ្ជើញអោយចូលរួម ក្នុងនោះ គេសង្កេតឃើញមានវត្តមានលោក ស ខេង រដ្ឋមន្ត្រីក្រសួងមហាផ្ទៃផងដែរ។
លោក ស ខេង រដ្ឋមន្ត្រីក្រសួងមហាផ្ទៃនៃព្រះរាជាណាចក្រកម្ពុជា និង លោក William E.Todd ឯកអគ្គរដ្ឋទូតសហរដ្ឋអាមេរិក បានអះអាងដូចគ្នាថា ទំនាក់ទំនង និងកិច្ចសហប្រតិបត្តិការកម្ពុជា-អាមេរិកកាន់តែមានភាពប្រសើរឡើង។
ការអត្ថាធិប្បាយរបស់លោកទាំងពីរនាក់បានធ្វើឡើងកាលពីព្រឹកថ្ងៃទី៤ខែកក្កដានៅក្នុងស្ថានទូតអាមេរិកប្រចាំនៅកម្ពុជានៅក្នុងពិធីផ្លូវការនៃទិវាបុណ្យឯករាជ្យសហរដ្ឋអាមេរិកនៅថ្ងៃនេះ។ ក្រៅពីបង្ហាញការកត់សម្គាល់នៃការរីកចម្រើនផ្នែកទំនាក់ទំនងការទូត លោក ស ខេង បានសរសើរលោក William E.Todd ថា បានប្រើប្រាស់បញ្ញា ស្មារតីចួលរួមចំណែកដោះស្រាយវិបត្តិនយោបាយកម្ពុជាក្រោយការបោះឆ្នោត។ លោក ស ខេង បានអត្ថាធិប្បាយបន្តទៀតថា រូបលោកបានជួបលោក William E.Todd ច្រើនជាងគេក្នុងចំណោមឯកអគ្គរដ្ឋទូតអាមេរិកប្រចាំនៅកម្ពុជា។
ងាកមកលោក William E.Todd វិញ លោកបានសរសើរ និងលើកទឹកចិត្តលោក ស ខេង ដែលទើបទទួលងារថ្មី គឺ«សម្តេច ក្រឡាហោម ស ខេង»។ តែលោក ស ខេង ឆ្លើយតបវិញថា ងារថ្មីបន្ថែម ក៏ត្រូវបន្ថែមការទទួលខុសត្រូវដែរ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
